അബൂദബി ടൂർ: ഇന്ന് മുതൽ  ഗതാഗത നിയന്ത്രണം

അബൂദബി: അബൂദബി ടൂർ സൈക്കിളോട്ടമത്സരം ബുധനാഴ്ച തുടങ്ങും. ഫെബ്രുവരി 25 വരെ അഞ്ച് ഘട്ടങ്ങളിലായാണ്​ മത്സരം. ഇൗ ദിവസങ്ങളിൽ അബൂദബി എമിറേറ്റി​​​െൻറ വിവിധ ഭാഗങ്ങളിൽ റോഡുകൾ അടച്ച്​ ഗതാഗതം നിയന്ത്രിക്കും. 21ന്​ നടക്കുന്ന ആദ്യഘട്ട മത്സരത്തിൽ മദീന സായിദിലാണ് റോഡുകൾ അടക്കുക. രണ്ടാം ഘട്ടം 22ന് യാസ് ഐലൻറിലാണ്. മൂന്നാം ഘട്ടം നഗരപരിധിക്കുള്ളിൽ മറീനയടക്കമുള്ള റോഡുകളിൽ നടക്കും. നാലാം ഘട്ടം 24ന് അൽ മരിയ ഐലൻറ്​ വഴിയാണ്. അഞ്ചാം ഘട്ടം 25ന് അബൂദബി എയർപോർട്ട് റൂട്ടിലൂടെയാണ് കടന്ന് പോവുക.