പൊലീസി​െൻറ കൂട്ടുകാർ പദ്ധതിക്ക്​ ഒരുക്കങ്ങളായി

അബൂദബി: കുഞ്ഞുങ്ങൾക്ക്​ പൊലീസി​​െൻറ സേവനങ്ങളെയും മൂല്യങ്ങളെയും വിവരിച്ചു നൽകാൻ അവധിക്കാലത്ത്​ അബൂദബിയിലും അൽ​െഎനിലും നടത്തുന്ന പൊലീസി​​െൻറ കൂട്ടുകാർ പദ്ധതിക്ക്​ ഒരുക്കങ്ങളായി. ഇൗ മാസം പകുതിയോടെ അബൂദബി മുഹമ്മദ്​ ബിൻ സായിദ്​ സിറ്റിയിലെ അൽ നുഖ്​ബ പ്രൈവറ്റ്​ സ്​കുളിലും അൽ​െഎനിലെ പൊലീസ്​ ഒഫീസേഴ്​സ്​ ക്ലബിലുമാണ്​ പരിപാടി ആരംഭിക്കുക. പൊലീസ്​ ഒഫീസർമാരുടെയും ജീവനക്കാരുടെയും മക്കൾക്ക്​ പുറമെ സാധാരണക്കാർക്കും ഏഴു മുതൽ 12 വയസുവരെ പ്രായമുള്ള കുഞ്ഞുങ്ങളെ പരിപാടിയിൽ പ​െങ്കടുപ്പിക്കാമെന്ന്​ പ്രോ​േട്ടാകോൾ പി.ആർ വിഭാഗം ഡയറക്​ടർ ബ്രിഗേഡിയർ സൈഫ്​ അൽ ശംസി വ്യക്​തമാക്കി. 
 മത^സാംസ്​കാരിക, സാമൂഹിക മൂല്യങ്ങളിലൂന്നിയാണ്​ മികച്ച പൗരൻമാരാവാനുള്ള പരിശീലനവും മാർഗ നിർദേശവും നൽകുക. ഖുർആൻ മനപാഠമാക്കൽ, കായിക വിനോദങ്ങൾ, സിനിമ, പരിസ്​ഥിതി പ്രവർത്തനം, മൃഗങ്ങളോടുള്ള സ്​നേഹം, സാംസ്​കാരിക കേന്ദ്രങ്ങളിലെ സന്ദർശനം എന്നിവയെല്ലാം പദ്ധതിയുടെ ഭാഗമാണ്​. കുട്ടികളുടെ കഴിവുകൾ പ്രോത്​സാഹിപ്പിക്കാനും നല്ല അറിവുകൾ പകരാനുമാണ്​ ലക്ഷ്യമിടുന്നതെന്ന്​ ​അൽ ​െഎനിലെ പൊലീസ്​ ഒാഫീസേഴ്​സ്​ ക്ലബ്​ ഡയറക്​ടർ മേജർ അബ്​ദുല്ല അൽ തുവൈർ അൽ അമീറി പറഞ്ഞു.