അബൂദബിയിൽനിന്നുള്ള എണ്ണ സ്വീകരിക്കാൻ  ഇന്ത്യ ഒരുങ്ങി –ധർമേന്ദ്ര പ്രധാൻ

അബൂദബി: യു.എ.ഇയും ഇന്ത്യയും തമ്മിലുള്ള കരാർ പ്രകാരം സംഭരണത്തിനായി അബൂദബിയിൽനിന്ന്​ അയക്കുന്ന ക്രൂഡ്​ ഒായിൽ സ്വീകരിക്കാൻ ഇന്ത്യ ഒരുക്കം പൂർത്തിയാക്കിയതായി ഇന്ത്യൻ എണ്ണകാര്യ മന്ത്രി ധർമേന്ദ്ര പ്രധാൻ. എണ്ണ സംഭരിക്കുന്ന മംഗലുരുവിലെ പെട്രോളിയം റിസർവിൽ ഇതിനായുള്ള പ്രവർത്തനങ്ങൾ​ ഏപ്രിലിൽ തുടങ്ങും. മേയിൽ സംഭരണിയിൽ എണ്ണ നിറക്കുമെന്നും മന്ത്രി വ്യക്​തമാക്കി.

ന്യൂഡൽഹിയിൽ മാധ്യമപ്രവർത്തകരോട്​ സംസാരിക്കുകയായിരുന്നു ധർമേന്ദ്ര പ്രധാൻ. രണ്ട്​ നിലവറകളിലായി 15 ലക്ഷം ടൺ പെട്രോളിയം സംഭരിക്കാൻ ശേഷിയുള്ളതാണ്​ മംഗലുരുവിലെ സംഭരണിയെന്ന്​ മന്ത്രി വ്യക്​തമാക്കി. കരാർ പ്രകാരം സംഭരണിയുടെ പകുതി​ ​ക്രൂഡ്​ ഒായിലാണ്​ അബൂദബിയിൽനിന്ന്​ അയക്കുക. പകുതി നിറക്കാൻ മൂന്ന്​ വലിയ കപ്പലുകൾ വേണ്ടിവരും. ഇന്ത്യൻ സർക്കാറിൽനിന്ന്​ ഫണ്ട്​ ലഭ്യമാക്കി സംഭരണിയുടെ പകുതി നേരത്തെ തന്നെ നിറച്ചിട്ടുണ്ട്​. 

ക്രൂഡോയിലി​​െൻറ തന്ത്രപ്രധാന സംഭരണത്തിന്​ മൂന്നിടങ്ങളിലായി ഇന്ത്യക്ക്​ ഇപ്പോൾ സൗകര്യമുണ്ട്​. ഇവ മൂന്നിലുമായി മൊത്തം 53 ലക്ഷം ക്രൂഡ്​ ഒായിൽ സംഭരിക്കാൻ സാധിക്കും. മംഗലുരുവിലെ 15 ലക്ഷം ടണ്ണിന്​ പുറമെ വിശാഖപട്ടണത്ത്​ 13.3 ലക്ഷം ടണ്ണും പാടൂറിൽ 25 ലക്ഷം ടണ്ണും സംഭരിക്കാനാവും. ഭാവിയിൽ ശേഷി വർധിപ്പിക്കുന്നതിനെ കുറിച്ചും യു.എ.ഇയുമായി സഹകരണം വ്യാപിപ്പിക്കുന്നതിനെ കുറിച്ചും ആലോചിക്കുമെന്നും മന്ത്രി കൂട്ടിച്ചേർത്തു. അബൂദബി ദേശീയ എണ്ണക്കമ്പനിയും (അഡ്നോക്​) ഇന്ത്യൻ സ്​ട്രാറ്റജിക്​ പെട്രോളിയം റിസർവ്​സ്​ ലിമിറ്റഡും (​െഎ.എസ്​.പി.ആർ.എൽ) 2017 ജനുവരിയിലാണ്​ എണ്ണ സംഭരണത്തിന്​ കരാറിൽ ഒപ്പുവെച്ചത്​.

2017ലെ റിപ്പബ്ലിക്​ ദിനാഘോഷ ചടങ്ങിൽ മുഖ്യാതിഥിയായി പ​െങ്കടുക്കാൻ ശൈഖ് മുഹമ്മദ് ബിൻ സായിദ് ആൽ നഹ്​യാൻ ഇന്ത്യയിലെത്തിയ സമയത്തായിരുന്നു ഇത്​. 2018 ഫെബ്രുവരി പത്തിന്​ ഇന്ത്യൻ പ്രധാനമന്ത്രിയുടെ സന്ദർശനവേളിയിലാണ്​ ഇൗ കരാറിൽ ചില ഭേദഗതികൾ വരുത്തിയതും മംഗളുരുവിൽ എണ്ണസംഭരണത്തിന്​ ധാരണയായതും.