അബൂദബിയിൽ കെട്ടിട മാലിന്യ പുനഃചംക്രമണ പ്ലാൻറ്​ തുറന്നു

അബൂദബി: കെട്ടിടങ്ങൾ നിർമിക്കു​േമ്പാഴും അവ തകർക്കു​േമ്പാഴുമുണ്ടാകുന്ന മാലിന്യം പുനഃചംക്രമണം നടത്തി​ അബൂദബി ദഫ്​റ മേഖലയിലെ ഗയാതിയിൽ പ്ലാൻറ്​ ആരംഭിച്ചു. റോഡ്​^നിർമാണ പ്രവൃത്തികൾക്ക്​ ഉപയോഗിക്കുന്ന സാമഗ്രികളിൽ പുനഃചംക്രമണ വസ്​തുക്കൾ ലഭ്യമാണെങ്കിൽ 40 ശതമാനമെങ്കിലും അവ ഉപയോഗിക്കണമെന്ന​ അബൂദബി എക്​സിക്യൂട്ടീവ്​ കൗൺസിലി​​​െൻറ ഉത്തരവിനെ പിന്തുണക്കാനാണ്​ മാലിന്യ കൈകാര്യ കേന്ദ്രമായ തദ്​വീർ പുതിയ പ്ലാൻറ്​ സ്​ഥാപിച്ചത്​. പുനഃചംക്രമണം ചെയ്​ത വസ്​തുക്കളുടെ ഉപയോഗത്തിലൂടെ പ്രകൃതിവിഭവങ്ങൾ സംരക്ഷിക്കാനും സാധനങ്ങൾ കൊണ്ടുപോകാനുള്ള ചെലവ്​ കുറക്കാനും കാർബൺ ബഹിർഗമനം കുറക്കാനും സാധിക്കും.

യു.എ.ഇ^സൗദി ​അതിർത്തിയിൽ റുവൈസ്​ എണ്ണപ്പാടങ്ങൾക്ക്​ സമീപമാണ്​ പ്ലാൻറ്​ സ്​ഥാപിച്ചിട്ടുള്ളത്​. മാസത്തിൽ 60000 ടൺ മുതൽ 70000 ടൺ വരെ നിർമാണ മാലിന്യം സ്വീകരിക്കാൻ പ്ലാൻറിന്​ സാധിക്കും. ദിവസേന ശരാശരി 1500 മുതൽ 2000 ടൺ മാലിന്യമാണ്​ ഇവിടെ സ്വീകരിക്കുക. പ്രതിമാസം 31000 ടൺ സംസ്​കരിച്ച ഉൽപന്നങ്ങൾ ലഭ്യമാക്കാൻ പ്ലാൻറിൽ സൗകര്യമുണ്ട്​. മണിക്കൂറിൽ 150 മുതൽ 200 ടൺ വരെ ഉൽപാദനം നടക്കും. ഇൗ ഉൽപന്നങ്ങൾ റോഡ്​ പദ്ധതികൾക്കും മറ്റു അടിസ്​ഥാന സൗകര്യ പദ്ധതികൾക്കും ഉപയോഗിക്കും. മൊബൈൽ ക്രഷർ യൂനിറ്റും പ്ലാൻറിൽ ഒരുക്കിയിട്ടുണ്ട്​. അബൂദബിയിൽ ലോകോത്തര മാലിന്യ സംസ്​കരണ സംവിധാനങ്ങൾ ഒരുക്കാനുള്ള പദ്ധതികളുടെ ഭാഗമായാണ്​ ഗയാതിയിൽ പുനഃചംക്രമണ പ്ലാൻറ്​ നിർമിച്ചതെന്ന്​ തദ്​വീർ ആക്​ടിങ്​ ജനറൽ മാനേജർ പറഞ്ഞു. പരസ്​ഥിതി സംരക്ഷണത്തിനും മലിനീകരണം കുറക്കുന്നതിനും പുതിയ നിക്ഷേപ അവസരങ്ങൾ തുറക്കുന്നതിനും പ്ലാൻറ്​ കാരണമാകുമെന്നും അദ്ദേഹം വ്യക്തമാക്കി.