അബൂദബി ഇന്ത്യൻ ഇസ്ലാമിക് സെൻറർ വാക്കത്തോൺ ശ്രദ്ധേയമായി
text_fieldsഅബൂദബി: ദേശീയ ദിനത്തിന് ഐക്യദാർഢ്യം പ്രഖ്യാപിച്ച് അബൂദബി നഗരത്തിൽ ഇന്ത്യൻ ഇസ്ലാമിക് സെൻറർ നടത്തിയ വാക്കത്തോൺ ശ്രദ്ധേയമായി. കോർണിഷ് ഹിൽട്ടൻ ഹോട്ടൽ പരിസരത്ത് നിന്ന് ആരംഭിച്ച വാക്കത്തോൺ ഘോഷയാത്രയിൽ രണ്ടായിരത്തോളം ആളുകൾ പങ്കെടുത്തു. ഇസ്ലാമിക് സെൻറർ, അബൂദബി സംസ്ഥാന കെ.എം.സി.സി, സുന്നി സെൻറർ നേതാക്കൾ പരിപാടിക്ക് നേതൃത്വം നൽകി. കെ.എം.സി.സിയുടെ പ്രവർത്തകർ വിവിധ ജില്ലാ കമ്മിറ്റിയുടെ ബാനറിന് കീഴിൽ അണിനിരന്നു. ബാൻറ് മേളത്തിെൻറ അകമ്പടിയോടെ ആരംഭിച്ച വാക്കത്തോണിൽ ദഫ് മുട്ട്, ചെണ്ടമേളം, കോൽക്കളി എന്നിവയും 47 ആളുകൾ യു.എ.ഇയുടെ പരമ്പരാഗത വേഷത്തോടെ അണി നിരന്ന പരേഡുമുണ്ടായിരുന്നു.
റോഡിനിരുവശവും തിങ്ങിക്കൂടിയ വിവിധ രാജ്യക്കാരായ ആളുകൾ ആശംസകൾ നേർന്നു. അബൂദബി ടൂറിസം വകുപ്പിെൻറയും, പോലീസിെൻറയും സഹകരണത്തോടെ രണ്ടാം തവണയാണ് ഇസ്ലാമിക് സെൻറർ വാക്കത്തോൺ നടത്തുന്നത്. സെൻറർ പ്രസിഡണ്ട് പി. ബാവ ഹാജി, ആക്ടിംഗ് ജന.സെക്രട്ടറി ടി.കെ. അബ്ദുൽ സലാം, ഭാരവാഹികളായ ഡോ.അബ്ദുൽ റഹ്മാൻ ഒളവട്ടൂർ, എം. ഹിദായത്തുള്ള, എം.എം. നാസർ കാഞ്ഞങ്ങാട്, കെ.എം.സി.സി. ഭാരവാഹികളായ യു. അബ്ദുല്ല ഫാറൂഖി, അഡ്വ.കെ.വി മുഹമ്മദ് കുഞ്ഞി, ഹമീദ് കടപ്പുറം, ഷുക്കൂറലി കല്ലുങ്ങൽ, സമീർ തൃക്കരിപ്പൂർ എന്നിവർ നേതൃത്വം നൽകി. വൈകിട്ട് മൂന്നര മണിക്ക് ആരംഭിച്ച റാലി അഞ്ചര മണിയോടെയാണ് അവസാനിച്ചത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.