ലോകത്തെ ഏറ്റവും വലിയ പുസ്​തകം അബൂദബിയിൽ പ്രദർശനത്തിനെത്തുന്നു

അബൂദബി: അഞ്ച്​ ഗിന്നസ്​ റെക്കോർഡുകളുള്ള ‘ഇതാകുന്നു മുഹമ്മദ്​’ പുസ്​തകം അബൂദബിയിൽ പ്രദർശനത്തിനെത്തുന്നു. ചൊവ്വാഴ്​ച മുതൽ മൂന്നാം പെരുന്നാൾ വരെ അബൂദബി അൽ വഹ്​ദ മാളി​​​െൻറ മുഖ്യ പ്രവേശന കവാടത്തിലാണ്​ ലോകത്തിലെ ഏറ്റവും വലിയ ഇൗ പുസ്​തകം പ്രദർശിപ്പിക്കുക. ചൊവ്വാഴ്​ച രാവിലെ 11 മുതൽ ഉച്ചക്ക്​ ഒന്ന്​ വരെ പുസ്​തക സ്വീകരണ പരിപാടികൾ നടക്കും. 429 പേജുകളുള്ള പുസ്​തകത്തിന്​ അഞ്ച്​ മീറ്റർ നീളവും എട്ട്​ മീറ്റർ വീതിയുമുണ്ട്​. 1500 കിലോഗ്രാമാണ്​ ഭാരം. മുഹമ്മദ്​ നബിയുടെ ജീവിതത്തിലേക്ക്​ വെളിച്ചം വീശുന്ന ​ഗ്രന്ഥം അറബി ഭാഷയിലാണ്​ രചിച്ചിട്ടുള്ളത്​. പിന്നീട്​ ഇറ്റാലിയൻ, ഡാനിഷ്​ ഉൾപ്പെടെ നാലോളം ഭാഷകളിലേക്ക്​ വിവർത്തനം ചെയ്​തു. ​ബ്രയിൽ ലിപിയിലും പുസ്​തകം തയാറാക്കിയിട്ടുണ്ട്​്​. അബ്​ദുല്ല അബ്​ദുൽ അസീസ്​ ആൽ മുസ്​ലിഹ്​ ആണ്​ രചയിതാവ്​. 
50 പേർ ചേർന്നാണ്​ പുസ്​തകമൊരുക്കിയത്​. 1.1 കോടി ദിർഹം ​ഇതിനായി ചെലവായതായി കണക്കാക്കുന്നു.