അബൂദബി കോടതികളിൽ അമേരിക്കൻ ജഡ്​ജിമാർക്ക്​ നിയമനം

അബൂദബി: എമിറേറ്റി​​െൻറ ചരിത്രത്തിൽ ആദ്യമായി അബൂദബി കോടതികളിൽ അമേരിക്കൻ ജഡ്​ജിമാർക്ക്​ നിയമനം. കോളീൻ ഒാട്ട ൂൾ (58), ഒറാൻ വൈറ്റിങ്​ (57) എന്നീ അമേരിക്കൻ ജഡ്​ജിമാരെയാണ്​ നിയമിച്ചത്​. ഇവർ ഉടൻ അബൂദബി നീതിന്യായ വകുപ്പി​​െൻറ കോമേഴ്​സ്യൽ കോടതിയിൽ ചുമതലയേൽക്കും. പ്രാഥമിക ​കോമേഴ്​സ്യൽ കോടതിയിലെ മുഖ്യ ചേംബറിലായിരിക്കും ഇവർ കേസ്​ കേൾക്കുക. പത്ത്​ ലക്ഷം ദിർഹമി​ൽ കൂടുതൽ മൂല്യമുള്ള വസ്​തുക്കളിന്മേലുള്ള കേസുകളാണ്​ മുഖ്യ ചേംബറിൽ പരിഗണിക്കുന്നത്.

എല്ലാ കോടതി രേഖകളും ഇംഗ്ലീഷിലും ലഭ്യാമാക്കാൻ നടപടി സ്വീകരിച്ചതിന്​ പിന്നാലെയാണ്​ നീതിന്യായ വകുപ്പ്​ കോടതിയിൽ അമേരിക്കൻ ജഡ്​ജിമാരെ നിയമിച്ചത്​.എമിറേറ്റിലേക്ക്​ കൂടുതൽ വിദേശ നിക്ഷേപം ആകർഷിക്കുന്നതിനുള്ള നടപടികളുടെ ഭാഗമായാണിത്​. ഉപപ്രധാനമന്ത്രിയും പ്രസിഡൻഷ്യൽകാര്യ മന്ത്രിയും നീതിന്യായ വകുപ്പ്​ ചെയർമാനുമായ ശൈഖ് മൻസൂർ ബിൻ സായിദ് ആൽ നഹ്​യാനാണ്​ നിയമനത്തിന്​ ഉത്തരവിട്ടത്​. ജുഡീഷ്യറിയുടെ ചരിത്രത്തിൽ പുതിയ ചുവടുവെപ്പാണിതെന്ന്​ അബൂദബി നീതിന്യായ വകുപ്പ്​ അണ്ടർ സെക്രട്ടറി യുസുഫ്​ അൽ ഇബ്​രി പറഞ്ഞു.