അബൂദബിയിൽ ബൈക്കപകടങ്ങളുണ്ടാക്കുന്നതിൽ പകുതിയും യുവാക്കൾ

അബൂദബി: അബൂദബിയിലുണ്ടാകുന്ന ബൈക്കപകടങ്ങളിൽ പകുതിയുമുണ്ടാക്കുന്നത്​ യുവാക്കളാണെന്ന്​ കണക്കുകൾ. അബൂദബി പൊ ലീസ്​ പുറത്തുവിട്ട വിവരങ്ങൾ അനുസരിച്ച്​ 18 നും 30 നും ഇടയിൽ പ്രായമുള്ളവരാണ്​ അപകടങ്ങളിൽ പെടുന്നത്​. 2016 മുതൽ 2018 നവം ബർ വരെയുള്ള കാലയളവാണ് പൊലീസ്​ വിശകലനം ​െചയ്​തിരിക്കുന്നത്​. ആകെ അപകടങ്ങളിൽ അഞ്ച്​ ശതമാനവും ബൈക്കുകൾ ഉണ്ടാക്കിയവയാണ്​. അമിത വേഗം, ലേൻ മര്യാദകൾ പാലിക്കാതെയുള്ള സഞ്ചാരം, യാത്രക്കിടയിൽ നിയന്ത്രണം നഷ്​ടപ്പെടുക, പ്രധാന റോഡിലേക്ക്​ അപകടകരമായി കടന്നുചെല്ലുക, ചുവന്ന സിഗ്​നൽ മറികടക്കുക, വളഞ്ഞും പുളഞ്ഞും ഒാടിക്കുക എന്നിവയൊക്കെയാണ്​ അപകടത്തിന്​ കാരണങ്ങൾ.

ഇതിനെതിരെ സാമൂഹ്യമാധ്യമങ്ങളിലൂടെയടക്കം ബോധവത്​ക്കരണം നടത്തുകയാണ്​ പൊലീസ്​, അൽ ​െഎനിലും അൽ ദർഫയിലും അടക്കം ബോധവത്​ക്കരണ പരിപാടികൾ നടത്തുന്നുണ്ട്​. റസ്​റ്റോറൻറുകളിലെയും മറ്റു കമ്പനികളിലെയും വിതരണ ജീവനക്കാർ കൂടുതൽ ശ്രദ്ധിച്ച്​ ബൈക്ക്​ ഒാടിക്കണമെന്നും നിർദേശം നൽകിയിട്ടുണ്ട്​. മുന്നിലുള്ള വാഹനവുമായി ആവശ്യത്തിന്​ അകലം പാലിക്കണം. ശരിയായ രീതിയിലുള്ള ഹെൽമറ്റ്​ ധരിക്കണമെന്നും പൊലീസ്​ നിർദേശിക്കുന്നു. കുട്ടികളെ ശ്രദ്ധിക്കണമെന്ന്​ രക്ഷിതാക്കൾക്കും മുന്നറിയിപ്പ്​ നൽകിയിട്ടുണ്ട്​. കുട്ടികൾക്ക്​ നൽകുന്ന ഇലക്​ട്രിക്​ ബൈക്കുകളുമായി അവർ റോഡിലിറങ്ങുന്നത്​ അപകടത്തിന്​ കാരണമാകുന്നുവെന്നും പൊലീസ്​ പറയുന്നു.