അബൂദബി എയർ  എക്​സ്​പോക്ക്​ തുടക്കമായി

അബൂദബി: അഞ്ചാമത്​ അബൂദബി എയർ എക്​സ്​പോക്ക്​ അബൂദബി അൽ ബതീൻ വിമാനത്താവളത്തിൽ തുടക്കമായി. അബൂദബി എക്​സിക്യൂട്ടീവ്​ കൗൺസിൽ ഡെപ്യൂട്ടി ചെയർമാൻ ശൈഖ്​ ഹസ്സ ബിൻ സായിദ്​ ആൽ നഹ്​യാ​​െൻറ രക്ഷാകർതൃത്വത്തിൽ നടക്കുന്ന എക്​സ്​പോ അബൂദബി കിരീടാവകാശിയുടെ കാര്യാലയ മേധാവിയും അബൂദബി എക്​സിക്യൂട്ടീവ്​ കൗൺസിൽ അംഗവുമായ ശൈഖ്​ ഹാമിദ്​ ബിൻ സായിദ്​ ആൽ നഹ്​യാൻ ഉദ്​ഘാടനം ചെയ്​തു. ​ഫെബ്രുവരി 28 വരെ പ്രദർശനം നീണ്ടുനിൽക്കും.

വ്യോമയാന മേഖലയിലെ ഏറ്റവും പുതിയ കണ്ടുപിടിത്തങ്ങൾ, സ്വകാര്യ വിമാനങ്ങളുടെ വികാസം, ഹെലകോപ്​ടറുകൾ, എക്​സിക്യൂട്ടീവ്​ ചാർട്ടർ സേവനങ്ങൾ, വിമാനത്താവള ഉപകരണങ്ങൾ, വിമാനത്തിലെ ഇലക്​ട്രോണിക്​ സംവിധാനങ്ങൾ തുടങ്ങിയവ എക്​സ്​പോയിലുണ്ട്​. യു.എ.ഇയിലെയും അന്താരാഷ്​ട്രതലത്തിലെയും 300ലധികം നിർമാതാക്കളും വിതരണക്കാരുമാണ്​ പ്രദർശനത്തിൽ പ​െങ്കടുക്കുന്നത്​. ഭാരം കുറഞ്ഞ വിമാനങ്ങൾ മുതൽ ഭാരമേറിയ ബിസിനസ്​ ജെറ്റുകൾ വരെയും വിനോദത്തിനുള്ള പറക്കും സംവിധാനങ്ങളും പ്രദർശനത്തി​​െൻറ ഭാഗമാണ്​. അൽ ഫുതൈം മോ​േട്ടാഴ്​സുമായി സഹകരിച്ച്​ അബൂദബി ഏവിയേഷനാണ്​ എകസ്​പോ സംഘടിപ്പിക്കുന്നത്​.