പ്ര​വാ​സി​ക​ളു​ടെ മ​ര​ണാ​ന​ന്ത​ര ചെ​ല​വു​ക​ള്‍ ഒ​ഴി​വാ​ക്കി അ​ബൂ​ദ​ബി

അ​ബൂ​ദ​ബി: പ്ര​വാ​സി​ക​ളു​ടെ മ​ര​ണാ​ന​ന്ത​ര ചെ​ല​വു​ക​ള്‍ ഒ​ഴി​വാ​ക്കി അ​ബൂ​ദ​ബി. അ​ല്‍ ഐ​ന്‍ പ​ടി​ഞ്ഞാ​റ​ൻ മേ​ഖ​ല ഉ​ള്‍പ്പെ​ടെ​യു​ള്ള മേ​ഖ​ല​ക​ളി​ല്‍ മ​ര​ണ സ​ര്‍ട്ടി​ഫി​ക്ക​റ്റി​ന്‍റെ​യും എം​ബാ​മി​ങ്​ സ​ര്‍ട്ടി​ഫി​ക്ക​റ്റി​ന്‍റെ​യും നി​ര​ക്കു​ക​ളാ​ണ് ഡി​പ്പാ​ർ​ട്മെ​ന്‍റ്​ ഓ​ഫ് ഹെ​ല്‍ത്ത് എ​ടു​ത്തു​ക​ള​ഞ്ഞ​തെ​ന്ന്​ മേ​ഖ​ല​യി​ൽ പ്ര​വ​ർ​ത്തി​ക്കു​ന്ന സാ​മൂ​ഹി​ക പ്ര​വ​ർ​ത്ത​ക​ർ അ​റി​യി​ച്ചു. അ​ബൂ​ദ​ബി സ​ർ​ക്കാ​ർ ന​ട​പ​ടി പ്ര​വാ​സി​ക​ൾ​ക്ക്​ ഏ​റെ ആ​ശ്വാ​സ​മേ​കു​ന്ന​താ​ണ്. മ​ര​ണ സ​ര്‍ട്ടി​ഫി​ക്ക​റ്റി​ന് 103 ദി​ര്‍ഹ​വും ആം​ബു​ല​ന്‍സ്, ക​ഫി​ന്‍ ബോ​ക്‌​സ് ഉ​ള്‍പ്പെ​ടെ എം​ബാ​മി​ങ് സ​ര്‍ട്ടി​ഫി​ക്ക​റ്റി​ന് 1106 ദി​ര്‍ഹ​വു​മാ​ണ്​ ഈ​ടാ​ക്കി​യി​രു​ന്ന​ത്. ഇ​ത്​ പൂ​ർ​ണ​മാ​യും ഒ​ഴി​വാ​ക്കി.

സ്വ​ദേ​ശി​ക​ളു​ടെ മ​ര​ണ സ​ർ​ട്ടി​ഫി​ക്ക​റ്റി​ന്​ ഈ​ടാ​ക്കി​യി​രു​ന്ന 53 ദി​ര്‍ഹ​വും ഒ​ഴി​വാ​ക്കി. പു​തി​യ ന​ട​പ​ടി​ക​ളി​ലൂ​ടെ ഏ​തു രാ​ജ്യ​ക്കാ​രാ​യ പ്ര​വാ​സി​ക​ള്‍ മ​രി​ച്ചാ​ലും ഈ ​ആ​നു​കൂ​ല്യം ല​ഭ്യ​മാ​വും. അ​ബൂ​ദ​ബി എ​മി​റേ​റ്റി​ലു​ള്ള​വ​ര്‍ക്ക് മാ​ത്ര​മാ​യി​രി​ക്കും ഈ ​സൗ​ക​ര്യം. നി​ല​വി​ല്‍ മ​റ്റു​ള്ള എ​മി​റേ​റ്റി​ലെ ന​ട​പ​ടി ക്ര​മ​ങ്ങ​ള്‍ അ​തേ​പ​ടി തു​ട​രും.

അ​തേ​സ​മ​യം, അ​ബൂ​ദ​ബി എ​മി​റേ​റ്റ് മ​ര​ണാ​ന​ന്ത​ര ചെ​ല​വു​ക​ള്‍ സൗ​ജ​ന്യ​മാ​ക്കി​യെ​ങ്കി​ലും മൃ​ത​ദേ​ഹ​ങ്ങ​ള്‍ അ​ത​ത് നാ​ട്ടി​ലേ​ക്കെ​ത്തി​ക്കു​ന്ന നി​ര​ക്കു​ക​ളി​ല്‍ ഒ​രു മാ​റ്റ​വു​മു​ണ്ടാ​വി​ല്ല എ​ന്ന​ത് പ്ര​തി​സ​ന്ധി തു​ട​രു​ന്ന​തി​ന് കാ​ര​ണ​മാ​വും. എ​യ​ര്‍പോ​ര്‍ട്ട് ഹാ​ന്‍ഡ്‌​ലി​ങ് ചാ​ര്‍ജ്, കാ​ര്‍ഗോ ഫീ​സ് തു​ട​ങ്ങി​യ ഇ​ന​ങ്ങ​ളി​ല്‍ വ​ന്‍തു​ക​യാ​ണ് ചെ​ല​വ​ഴി​ക്കേ​ണ്ടി​വ​രു​ന്ന​ത്. ഇ​ന്ത്യ​ന്‍ എം​ബ​സി​യും ഇ​ന്ത്യ​ന്‍ സ​ര്‍ക്കാ​റും എ​യ​ര്‍ലൈ​ന്‍സു​ക​ളു​മാ​യി ച​ര്‍ച്ച ചെ​യ്ത് കാ​ര്‍ഗോ - എ​യ​ര്‍ലൈ​ന്‍സ് ഫീ​സു​ക​ളി​ല്‍ ഇ​ള​വ് വ​രു​ത്തി​യാ​ല്‍ പ്ര​വാ​സി​ക​ള്‍ക്ക് ഉ​റ്റ​വ​രു​ടെ​യും ഉ​ട​യ​വ​രു​ടെ​യും മൃ​ത​ദേ​ഹ​ങ്ങ​ള്‍ നാ​ട്ടി​ലെ​ത്തി​ക്കു​ന്ന​ത് ഏ​റെ ആ​ശ്വാ​സ​ക​ര​മാ​വു​മെ​ന്ന് അ​ബൂ​ദ​ബി​യി​ലെ സാ​മൂ​ഹി​ക പ്ര​വ​ര്‍ത്ത​ക​ര്‍ പ​റ​യു​ന്നു.

അ​ബൂ​ദ​ബി​യി​ല്‍നി​ന്ന് ഇ​ന്ത്യ​ന്‍ സെ​ക്ട​റു​ക​ളി​ലേ​ക്ക് മൃ​ത​ദേ​ഹ​ങ്ങ​ള്‍ അ​യ​ക്കു​ന്ന​തി​ന് ഓ​രോ എ​യ​ര്‍ലൈ​ന്‍ ക​മ്പ​നി​ക​ളും വ്യ​ത്യ​സ്ത​മാ​യ നി​ര​ക്കു​ക​ളാ​ണ് ഈ​ടാ​ക്കു​ന്ന​ത്. ഒ​പ്പം എ​യ​ര്‍പോ​ര്‍ട്ട് ഹാ​ന്‍ഡ്‌​ലി​ങ് ചാ​ര്‍ജ് ഇ​ന​ത്തി​ല്‍ മാ​ത്രം 500 മു​ത​ല്‍ 1000 വ​രെ കെ​ട്ടി​വെ​ക്കേ​ണ്ടി വ​രു​ന്നു​ണ്ട്.

എ​യ​ര്‍ ഇ​ന്ത്യ - 3000, ഇ​ന്‍ഡി​ഗോ - 2500, എ​യ​ര്‍ അ​റേ​ബ്യ 2400, ഇ​ത്തി​ഹാ​ദ് 3500 വ​രെ എ​ന്നി​ങ്ങ​നെ​യാ​ണ് നി​ര​ക്കു​ക​ള്‍. എ​യ​ര്‍പോ​ര്‍ട്ട് ഹാ​ന്‍ഡ്‌​ലി​ങ് ചാ​ര്‍ജി​ന് പു​റ​മെ ഏ​ജ​ന്‍സി​ക​ള്‍ക്കു ഫീ​സും കൂ​ടി ന​ല്‍കി​യാ​ലേ മൃ​ത​ദേ​ഹം നാ​ട്ടി​ലെ​ത്തി​ക്കാ​നാ​വൂ. ഒ​പ്പം കൂ​ടെ യാ​ത്ര ചെ​യ്യു​ന്ന​യാ​ള്‍ക്കും അ​ത​ത് സീ​സ​ണി​ലെ ടി​ക്ക​റ്റ് നി​ര​ക്ക് ത​ന്നെ ന​ല്‍കേ​ണ്ടി​യും വ​രു​ന്നു. അ​ബൂ​ദ​ബി എ​യ​ര്‍പോ​ര്‍ട്ട്, എ​യ​ര്‍ലൈ​ന്‍സു​ക​ള്‍ തു​ട​ങ്ങി​യ സം​വി​ധാ​ന​ങ്ങ​ളു​മാ​യി കൂ​ടി​യാ​ലോ​ചി​ച്ച് പ്ര​വാ​സി​ക​ള്‍ക്ക് അ​നു​കൂ​ല​മാ​യ ന​ട​പ​ടി സ്വീ​ക​രി​ക്കാ​ന്‍ ഇ​ന്ത്യ​ന്‍ അ​ധി​കാ​രി​ക​ള്‍ക്ക് സാ​ധി​ച്ചാ​ല്‍ വ​ന്‍ തു​ക​യു​ടെ കു​റ​വാ​ണ് മ​ര​ണാ​ന​ന്ത​ര ചെ​ല​വു​ക​ളി​ല്‍ ഉ​ണ്ടാ​വു​ക. സ​ര്‍ക്കാ​റും ഇ​ന്ത്യ​ന്‍ എം​ബ​സി​യും ക്രി​യാ​ത്മ​ക​മാ​യി ഇ​ട​പെ​ട്ടാ​ല്‍ വ​ള​രെ കു​റ​ഞ്ഞ ചെ​ല​വി​ല്‍ മൃ​ത​ദേ​ഹം നാ​ട്ടി​ലെ​ത്തി​ക്കാ​ന്‍ സാ​ധി​ക്കും.

പാ​കി​സ്താ​നി​ലേ​ക്ക് മൃ​ത​ദേ​ഹം അ​യ​ക്കാ​ന്‍ 738 ദി​ര്‍ഹ​മേ അ​ബൂ​ദ​ബി എ​യ​ര്‍പോ​ര്‍ട്ട് ഹാ​ന്‍ഡ്‌​ലി​ങ് ചാ​ര്‍ജാ​യി ഈ​ടാ​ക്കു​ന്നു​ള്ളൂ. ഒ​പ്പം മ​രി​ച്ച​യാ​ളു​ടെ കൂ​ടെ യാ​ത്ര ചെ​യ്യു​ന്ന ആ​ള്‍ക്ക് ഒ​രു മാ​സ​ത്തെ വാ​ലി​ഡി​റ്റി​യോ​ടെ 490 ദി​ര്‍ഹ​മി​ന് റി​ട്ടേ​ണ്‍ ടി​ക്ക​റ്റ് അ​ട​ക്കം ല​ഭി​ക്കും. മ​റ്റ് രാ​ജ്യ​ക്കാ​ര്‍ക്കും ഇ​ത്ത​ര​ത്തി​ല്‍ വി​വി​ധ ആ​നു​കൂ​ല്യ​ങ്ങ​ള്‍ ല​ഭ്യ​മാ​ണ്. ഈ ​സാ​ഹ​ച​ര്യ​ത്തി​ലും ഇ​ന്ത്യ​ക്കാ​ര്‍ വ​ന്‍തു​ക ചെ​ല​വ​ഴി​ക്കേ​ണ്ട ഗ​തി​കേ​ടി​ലാ​ണു​ള്ള​ത്.

ആ​ശ്വാ​സ​ക​രം -ഇ​ന്‍കാ​സ് അ​ബൂ​ദ​ബി

മ​ര​ണ സ​ര്‍ട്ടി​ഫി​ക്ക​റ്റി​നും എം​ബാ​മി​ങ്​ സ​ര്‍ട്ടി​ഫി​ക്ക​റ്റി​നും ഏ​ര്‍പ്പെ​ടു​ത്തി​യി​രു​ന്ന ഫീ​സ് എ​ടു​ത്തു ക​ള​ഞ്ഞ അ​ബൂ​ദ​ബി സ​ര്‍ക്കാ​ര്‍ തീ​രു​മാ​നം പ്ര​വാ​സി​ക​ളെ സം​ബ​ന്ധി​ച്ച്​ വ​ള​രെ ആ​ശ്വാ​സ​ക​ര​മാ​ണെ​ന്ന് ഇ​ന്‍കാ​സ് അ​ബൂ​ദ​ബി പ്ര​സി​ഡ​ന്‍റ്​ എ.​എം. അ​ന്‍സാ​ര്‍ അ​ഭി​പ്രാ​യ​പ്പെ​ട്ടു. സ്വ​ന്തം രാ​ജ്യ​ക്കാ​ര​ല്ലെ​ങ്കി​ല്‍ പോ​ലും, പ്ര​വാ​സി​ക​ളെ ചേ​ര്‍ത്തു പി​ടി​ക്കു​ന്ന ഈ ​രാ​ജ്യ​ത്തെ ഭ​ര​ണാ​ധി​കാ​രി​ക​ളു​ടെ സ്‌​നേ​ഹ​ത്തി​ന് എ​ത്ര ന​ന്ദി പ​റ​ഞ്ഞാ​ലും അ​ധി​ക​മാ​വി​ല്ല. ഈ ​മാ​തൃ​ക പി​ന്തു​ട​ര്‍ന്ന് കേ​ന്ദ്ര സ​ര്‍ക്കാ​റും ഇ​ന്ത്യ​ന്‍ എം​ബ​സി​യും, മൃ​ത​ദേ​ഹം കൊ​ണ്ടു​പോ​കാ​നു​ള്ള കാ​ര്‍ഗോ, എ​യ​ര്‍ ടി​ക്ക​റ്റ് നി​ര​ക്കു​ക​ളി​ല്‍ കാ​ര്യ​മാ​യ കു​റ​വു വ​രു​ത്തു​മെ​ന്ന് ന​മു​ക്ക് പ്ര​തീ​ക്ഷി​ക്കാം. ഇ​ക്കാ​ര്യം ഇ​ന്ത്യ​ന്‍ അ​ധി​കാ​രി​ക​ളി​ലെ​ത്തി​ക്കാ​ന്‍ ഇ​ന്‍കാ​സ് അ​ബൂ​ദ​ബി ശ്ര​മി​ക്കും.

കാ​ര്‍ഗോ എ​യ​ര്‍ലൈ​ന്‍സ് ഫീ​സു​ക​ള്‍ എ​ടു​ത്തു​ക​ള​യു​ക - കേ​ര​ള സോ​ഷ്യ​ല്‍ സെ​ന്‍റ​ര്‍

അ​ബൂ​ദ​ബി: അ​ല്‍ ഐ​ന്‍ പ​ടി​ഞ്ഞാ​റ​ൻ മേ​ഖ​ല ഉ​ള്‍പ്പെ​ടെ അ​ബൂ​ദ​ബി​യി​ല്‍ മ​ര​ണ സ​ര്‍ട്ടി​ഫി​ക്ക​റ്റി​നും എം​ബാ​മി​ങ്​ സ​ര്‍ട്ടി​ഫി​ക്ക​റ്റി​നും വേ​ണ്ട ഫീ​സ് ഡി​പ്പാ​ർ​ട്മെ​ന്‍റ്​ ഓ​ഫ് ഹെ​ല്‍ത്ത് ഒ​ഴി​വാ​ക്കി​യ സാ​ഹ​ച​ര്യ​ത്തി​ല്‍ കാ​ര്‍ഗോ എ​യ​ര്‍ലൈ​ന്‍സ് ഫീ​സു​ക​ള്‍ എ​ടു​ത്തു​ക​ള​യാ​ന്‍ ബ​ന്ധ​പ്പെ​ട്ട​വ​ര്‍ ഇ​ട​പെ​ട​ണ​മെ​ന്ന് അ​ബൂ​ദ​ബി കേ​ര​ള സോ​ഷ്യ​ല്‍ സെ​ന്റ​ര്‍ ആ​വ​ശ്യ​പ്പെ​ട്ടു.

ഇ​ന്ത്യ​ന്‍ എം​ബ​സി​യും, കേ​ന്ദ്ര സ​ര്‍ക്കാ​റും ഇ​ട​പെ​ട്ട് കാ​ര്‍ഗോ, എ​യ​ര്‍ലൈ​ന്‍സ് ഫീ​സു​ക​ളും എ​ടു​ത്തു ക​ള​ഞ്ഞാ​ല്‍ പ്ര​വാ​സി​ക​ള്‍ക്ക് ഉ​റ്റ​വ​രു​ടെ​യും ഉ​ട​യ​വ​രു​ടെ​യും മൃ​ത​ദേ​ഹ​ങ്ങ​ള്‍ നാ​ട്ടി​ലെ​ത്തി​ക്കു​ന്ന​തി​ന് ഏ​റെ സ​ഹാ​യ​ക​ര​മാ​കും. ഈ ​വി​ഷ​യ​ത്തി​ല്‍ എം​ബ​സി​യും, കേ​ന്ദ്ര സ​ർ​ക്കാ​റും എ​ത്ര​യും വേ​ഗം ഇ​ട​പെ​ട​ണ​മെ​ന്ന് അ​ബൂ​ദ​ബി കേ​ര​ള സോ​ഷ്യ​ല്‍ സെ​ന്റ​ര്‍ പ്ര​സി​ഡ​ന്‍റ്​ എ.​കെ. ബീ​രാ​ന്‍കു​ട്ടി​യും ജ​ന​റ​ല്‍ സെ​ക്ര​ട്ട​റി നൗ​ഷാ​ദ് യൂ​സ​ഫും ആ​വ​ശ്യ​പ്പെ​ട്ടു.