അബൂദബി സുസ്ഥിരതാ വാരത്തിന് തുടക്കം

അബൂദബി: അ​ബൂ​ദ​ബി സു​സ്ഥി​ര​താ വാ​രം 2026ന് ​തു​ട​ക്ക​മാ​യി. അ​ബൂ​ദ​ബി ഫ്യൂ​ച്ച​ര്‍ എ​ന​ര്‍ജി ക​മ്പ​നി(​മ​സ്ദ​ര്‍)​സം​ഘ​ടി​പ്പി​ക്കു​ന്ന പ​രി​പാ​ടി 15ന് ​സ​മാ​പി​ക്കും. മ​സ്ദ​റി​ന്റെ ഇ​രു​പ​താം വാ​ര്‍ഷി​ക​ത്തോ​ട​നു​ബ​ന്ധി​ച്ചാ​ണ് ഇ​ത്ത​വ​ണ​ത്തെ അ​ബൂ​ദ​ബി സു​സ്ഥി​ര​താ വാ​രം അ​ര​ങ്ങേ​റു​ന്ന​തെ​ന്ന് മ​സ്ദ​ര്‍ സി.​ഇ.​ഒ മു​ഹ​മ്മ​ദ് ജ​മീ​ല്‍ അ​ല്‍ റ​മാ​ഹി പ​റ​ഞ്ഞു.

ഇ​ന്റ​ര്‍നാ​ഷ​ന​ല്‍ റി​ന്യൂ​വ​ബി​ള്‍ എ​ന​ര്‍ജി ഏ​ജ​ന്‍സി​യു​ടെ യോ​ഗ​ത്തോ​ടെ​യാ​ണ് സു​സ്ഥി​ര​താ വാ​ര​ത്തി​ന്റെ ര​ണ്ടാം ദി​വ​സം ആ​രം​ഭി​ച്ച​ത്. മി​ക​ച്ച ഊ​ര്‍ജ ഭാ​വി രൂ​പ​പ്പെ​ടു​ത്തു​ന്ന​തി​നാ​യി അ​ന്താ​രാ​ഷ്ട്ര സ​ഹ​ക​ര​ണ​ത്തി​നു​ള്ള മു​ന്‍ഗ​ണ​ന​ക​ള്‍ നി​ര്‍വ​ചി​ക്കു​ക​യും കൂ​ട്ടാ​യ അ​ജ​ണ്ട വി​ക​സി​പ്പി​ക്കു​ക​യും ചെ​യ്യു​ക​യെ​ന്ന ല​ക്ഷ്യ​ത്തോ​ടെ ഏ​ജ​ന്‍സി​യു​ടെ 171 അം​ഗ​രാ​ജ്യ​ങ്ങ​ളി​ല്‍ നി​ന്നാ​യി മ​ന്ത്രി​മാ​രും മു​തി​ര്‍ന്ന ഉ​ദ്യോ​ഗ​സ്ഥ​രും നി​ക്ഷേ​പ​ക​രും അ​ന്താ​രാ​ഷ്ട്ര സം​ഘ​ട​നാ പ്ര​തി​നി​ധി​ക​ളും മ​റ്റു​മാ​യി 1500ലേ​റെ പേ​ര്‍ പ​ങ്കെ​ടു​ത്തു.

2008ലാ​ണ് അ​ബൂ​ദ​ബി സു​സ്ഥി​ര​താ വാ​ര​ത്തി​ന് തു​ട​ക്കം കു​റി​ച്ച​ത്. ലോ​ക​ത്തി​ലെ ഏ​റ്റ​വും വ​ലു​തും അ​തി​വേ​ഗം വ​ള​രു​ന്ന​തു​മാ​യ സ്‌​പെ​ഷ​ലൈ​സ്ഡ് പു​ന​രു​പ​യോ​ഗ ഊ​ര്‍ജ ക​മ്പ​നി​ക​ളി​ല്‍ ഒ​ന്നാ​ണ് മ​സ്ദ​ര്‍ എ​ന്ന് അ​ല്‍ റ​മാ​ഹി പ​റ​ഞ്ഞു. 40 ല​ധി​കം രാ​ജ്യ​ങ്ങ​ളി​ലാ​യി വി​ശാ​ല​മാ​യ പ്രോ​ജ​ക്ട് പോ​ര്‍ട്ട്ഫോ​ളി​യേ ആ​ണ് മ​സ്ദ​റി​നു​ള്ള​ത്.