മ​നോ​ഹ​ര​മീ ന​ഗ​രം; 60ല​ക്ഷം ചെ​ടി​ക​ൾ ന​ട്ടു​വ​ള​ർ​ത്തി അ​ബൂ​ദ​ബി മു​നി​സി​പാ​ലി​റ്റി

അ​ബൂ​ദ​ബി: ലോ​ക​ത്തെ ഏ​റ്റ​വും മ​നോ​ഹ​ര ന​ഗ​ര​ങ്ങ​ളി​ലൊ​ന്നാ​യി വി​ശേ​ഷി​പ്പി​ക്ക​പ്പെ​ടു​ന്ന അ​ബൂ​ദ​ബി​യി​ൽ വേ​ന​ൽ​കാ​ല ന​ഗ​ര​സൗ​ന്ദ​ര്യം ഉ​റ​പ്പാ​ക്കാ​ൻ ന​ട്ടു​പി​ടി​പ്പി​ച്ച​ത്​ 65ല​ക്ഷം ചെ​ടി​ക​ൾ. അ​ബൂ​ദാ​ബി സി​റ്റി മു​നി​സി​പ്പാ​ലി​റ്റി​യാ​ണ്​ വേ​ന​ൽ​ക്കാ​ല​ത്ത് പൂ​ക്ക​ൾ വി​രി​യു​ന്ന ചെ​ടി​ക​ൾ ന​ട്ടു​പി​ടി​പ്പി​ച്ച​ത്. ഇ​തോ​ടെ ഈ ​വേ​ന​ൽ​ക്കാ​ല​ത്ത് നി​ശ്ച​യി​ച്ച പ​ദ്ധ​തി​യു​ടെ 100 ശ​ത​മാ​നം പൂ​ർ​ത്തീ​ക​രി​ക്കാ​നും മു​നി​സി​പാ​ലി​റ്റി​ക്ക്​ സാ​ധി​ച്ചു.

2024ൽ ​വേ​ന​ൽ​ക്കാ​ല​ത്തും ശൈ​ത്യ​കാ​ല​ത്തു​മാ​യി 1.3കോ​ടി ചെ​ടി​ക​ൾ ന​ട്ടു​പി​ടി​പ്പി​ക്കു​ക​യെ​ന്ന ല​ക്ഷ്യ​മാ​ണ്​ ന​ഗ​ര സൗ​ന്ദ​ര്യ​വ​ത്ക​ര​ണ പ​ദ്ധ​തി​യു​ടെ ഭാ​ഗ​മാ​യി അ​ബൂ​ദ​ബി സി​റ്റി മു​നി​സി​പ്പാ​ലി​റ്റി നി​ശ്​​ച​യി​ച്ചി​ട്ടു​ള്ള​ത്. ആ​സ്തി​ക​ൾ, അ​ടി​സ്ഥാ​ന സൗ​ക​ര്യ​ങ്ങ​ൾ, പൊ​തു സൗ​ക​ര്യ​ങ്ങ​ൾ എ​ന്നി​വ കൈ​കാ​ര്യം ചെ​യ്യു​ക, അ​ബൂ​ദ​ബി​യു​ടെ​യും അ​തി​ന്‍റെ പ്രാ​ന്ത​പ്ര​ദേ​ശ​ങ്ങ​ളു​ടെ​യും ആ​ക​ർ​ഷ​ണം വ​ർ​ധി​പ്പി​ക്കു​ക, ജീ​വി​ത​ശൈ​ലി​യും ജീ​വി​ത നി​ല​വാ​ര​വും മെ​ച്ച​പ്പെ​ടു​ത്തു​ക, താ​മ​സ​ക്കാ​രെ​യും സ​ന്ദ​ർ​ശ​ക​രെ​യും സ​ന്തോ​ഷി​പ്പി​ക്കു​ക എ​ന്നി​വ​യാ​ണ്​ പ​ദ്ധ​തി​യി​ലൂ​ടെ ല​ക്ഷ്യ​മി​ടു​ന്ന​ത്. സു​സ്ഥി​ര​താ മാ​ന​ദ​ണ്ഡ​ങ്ങ​ൾ പാ​ലി​ച്ചും യു.​എ.​ഇ പ​രി​സ്ഥി​തി​ക്ക് അ​നു​യോ​ജ്യ​മാ​യ ഇ​ന​ങ്ങ​ളെ തി​ര​ഞ്ഞെ​ടു​ത്തും പൂ​ക്ക​ളും ചെ​ടി​ക​ളും ഉ​പ​യോ​ഗി​ച്ചു​മാ​ണ്​ മു​നി​സി​പാ​ലി​റ്റി പ്ര​കൃ​തി​ദ​ത്ത​മാ​യ സൗ​ന്ദ​ര്യ​വ​ൽ​ക്ക​ര​ണ പ​ദ്ധ​തി​ക​ൾ ന​ട​പ്പി​ലാ​ക്കു​ന്ന​ത്.