നിയമിച്ചിട്ടും തൊഴിൽ നൽകിയില്ല, 1,10,400 ദി​ര്‍ഹം വേ​ത​ന​കു​ടി​ശ്ശി​ക ന​ല്‍കാ​ന്‍ വി​ധി

അ​ബൂ​ദ​ബി: ക​മ്പ​നി ജോ​ലി​ക്കു നി​യ​മി​ച്ചെ​ങ്കി​ലും തൊ​ഴി​ല്‍ ചെ​യ്യാ​ന്‍ അ​നു​വ​ദി​ക്കാ​ഞ്ഞ​തി​നെ തു​ട​ർ​ന്ന്​ ജീ​വ​ന​ക്കാ​ര​ന് 1,10,400 ദി​ര്‍ഹം വേ​ത​ന​കു​ടി​ശ്ശി​ക ന​ല്‍കാ​ന്‍ നി​ര്‍ദേ​ശം ന​ല്‍കി കോ​ട​തി. അ​ബൂ​ദ​ബി തൊ​ഴി​ല്‍ കോ​ട​തി​യാ​ണ് ജീ​വ​ന​ക്കാ​ര​ന്‍റെ നാ​ലു മാ​സ​ത്തെ​യും 18 ദി​വ​സ​ത്തെ​യും വേ​ത​ന​കു​ടി​ശ്ശി​ക കൈ​മാ​റാ​ന്‍ തൊ​ഴി​ല്‍ സ്ഥാ​പ​ന​ത്തോ​ട് ഉ​ത്ത​ര​വി​ട്ട​ത്. തൊ​ഴി​ൽ ക​രാ​റി​ല്‍ ഒ​പ്പു​വെ​പ്പി​ച്ചെ​ങ്കി​ലും ജോ​ലി ന​ല്‍കു​ക​യോ ശ​മ്പ​ളം ന​ല്‍കു​ക​യോ ചെ​യ്യാ​തെ വ​ന്ന​തോ​ടെ ജീ​വ​ന​ക്കാ​ര​ന്‍ ക​മ്പ​നി​ക്കെ​തി​രേ കോ​ട​തി​യെ സ​മീ​പി​ക്കു​ക​യാ​യി​രു​ന്നു. 7,200 ദി​ര്‍ഹം അ​ടി​സ്ഥാ​ന ശ​മ്പ​ള​മ​ട​ക്കം 24000 ദി​ര്‍ഹം മാ​സ ശ​മ്പ​ളം ന​ല്‍കാ​മെ​ന്ന വ്യ​വ​സ്ഥ​ക​ളോ​ടെ​യാ​ണ് ക​മ്പ​നി പ​രാ​തി​ക്കാ​ര​നു​മാ​യി ക​രാ​റി​ലൊ​പ്പു​വ​ച്ച​ത്.

എ​ന്നാ​ല്‍ 2024 ന​വം​ബ​ര്‍ 11 മു​ത​ല്‍ 2025 ഏ​പ്രി​ല്‍ ഏ​ഴു വ​രെ​യു​ള്ള കാ​ല​യ​ള​വി​ല്‍ ജോ​ലി ന​ല്‍കു​ക​യോ ശ​മ്പ​ളം ന​ല്‍കു​ക​യോ ചെ​യ്തി​ല്ല. തു​ട​ർ​ന്ന് പ​രാ​തി​ക്കാ​ര​ന്‍ നി​യ​മ​ന​ട​പ​ടി​യി​ലേ​ക്ക് ക​ട​ക്കു​ക​യാ​യി​രു​ന്നു.

ക​മ്പ​നി​യു​ടെ പ്ര​തി​നി​ധി കോ​ട​തി മു​മ്പാ​കെ ഏ​താ​നും രേ​ഖ​ക​ള്‍ ഹാ​ജ​രാ​ക്കു​ക​യും കേ​സ് വി​ധി പ​റ​യു​ന്ന​തി​ന് ബ​ന്ധ​പ്പെ​ട്ട വ​കു​പ്പി​ന് കൈ​മാ​റ​ണ​മെ​ന്ന് അ​ഭ്യ​ര്‍ഥി​ച്ചു. എ​ന്നാ​ല്‍ സ​മ​ര്‍പ്പി​ച്ച രേ​ഖ​ക​ളി​ല്‍നി​ന്ന് പ​രാ​തി​ക്കാ​ര​ന്‍റെ ഭാ​ഗ​ത്താ​ണ് ന്യാ​യ​മെ​ന്ന് ക​ണ്ടെ​ത്തി​യ കോ​ട​തി വേ​ത​ന​കു​ടി​ശ്ശി​ക പ​രാ​തി​ക്കാ​ര​ന് കൈ​മാ​റ​ണ​മെ​ന്ന് ഉ​ത്ത​ര​വി​ടു​ക​യാ​യി​രു​ന്നു.

ജീ​വ​ന​ക്കാ​ര​ന്‍ ജോ​ലി​ക്കു ഹാ​ജ​രാ​യി​രു​ന്നി​ല്ലെ​ന്നും അ​വ​ധി​ക്കു പോ​യി​രു​ന്നു​വെ​ന്നും തൊ​ഴി​ലു​ട​മ വാ​ദി​ച്ചു​വെ​ങ്കി​ലും കോ​ട​തി മു​മ്പാ​കെ ഇ​തു തെ​ളി​യി​ക്കാ​നാ​യി​ല്ല.

എ​ട്ട് ദി​വ​സ​ത്തെ ലീ​വ് താ​നെ​ടു​ത്ത​താ​യി പ​രാ​തി​ക്കാ​ര​ന്‍ കോ​ട​തി മു​മ്പാ​കെ സ​മ്മ​തി​ച്ചു. ഇ​തോ​ടെ​യാ​ണ് നാ​ല് മാ​സ​ത്തെ​യും 18 ദി​വ​സ​ത്തെ​യും ശ​മ്പ​ളം ന​ല്‍ക​ണ​മെ​ന്ന് കോ​ട​തി ക​മ്പ​നി​ക്ക് നി​ര്‍ദേ​ശം ന​ല്‍കി​യ​ത്.