എ​ണ്ണ​യി​ത​ര വി​ദേ​ശ വ്യാ​പാ​ര​ത്തി​ൽ കു​തി​ച്ച്​ അ​ബൂ​ദ​ബി

അ​ബൂ​ദ​ബി: എ​മി​റേ​റ്റി​ൽ എ​ണ്ണ​യി​ത​ര വി​ദേ​ശ​വ്യാ​പാ​രം ഈ ​വ​ര്‍ഷം ആ​ദ്യ പ​കു​തി​യി​ല്‍ 34.7 ശ​ത​മാ​ന​ത്തി​ന്‍റെ വ​ള​ര്‍ച്ച രേ​ഖ​പ്പെ​ടു​ത്തി. ആ​റു​മാ​സ​ത്തി​നി​ടെ 194.4 ശ​ത​കോ​ടി ദി​ര്‍ഹ​മി​ന്‍റെ ഇ​ട​പാ​ടാ​ണു​ണ്ടാ​യ​ത്. ഇ​ക്കാ​ല​യ​ള​വി​ല്‍ ക​യ​റ്റു​മ​തി 64 ശ​ത​മാ​നം വ​ര്‍ധി​ച്ച് 78.5 ശ​ത​കോ​ടി ദി​ര്‍ഹ​മി​ലെ​ത്തി. ഇ​റ​ക്കു​മ​തി​യി​ല്‍ 15 ശ​ത​മാ​നം വ​ള​ര്‍ച്ച കൈ​വ​രി​ച്ച് 80 ശ​ത​കോ​ടി ദി​ര്‍ഹ​മി​ന്‍റെ ഇ​ട​പാ​ടാ​ണ് ന​ട​ന്ന​ത്. പു​ന​ര്‍ ക​യ​റ്റു​മ​തി രം​ഗ​ത്ത് 35 ശ​ത​മാ​നം വ​ള​ര്‍ച്ച നേ​ടി 36 ശ​ത​കോ​ടി ദി​ര്‍ഹ​മി​ന്‍റെ ഇ​ട​പാ​ടു​ണ്ടാ​യെ​ന്നും അ​ബൂ​ദ​ബി ക​സ്റ്റം​സ് രേ​ഖ​ക​ള്‍ ഉ​ദ്ധ​രി​ച്ച് അ​ബൂ​ദ​ബി മീ​ഡി​യ ഓ​ഫി​സ് റി​പ്പോ​ര്‍ട്ട് ചെ​യ്തു.

അ​ബൂ​ദ​ബി​യു​ടെ സാ​മ്പ​ത്തി​ക ന​യ​ങ്ങ​ളു​ടെ വി​ജ​യ​മാ​ണ് എ​ണ്ണ​യി​ത​ര വി​ദേ​ശ വ്യാ​പാ​ര​രം​ഗ​ത്തെ വ​ള​ര്‍ച്ച തെ​ളി​യി​ക്കു​ന്ന​തെ​ന്ന് അ​ബൂ​ദ​ബി ക​സ്റ്റം​സി​ലെ ജ​ന​റ​ല്‍ അ​ഡ്മി​നി​സ്‌​ട്രേ​ഷ​ന്‍ ഡ​യ​റ​ക്ട​ര്‍ ജ​ന​റ​ല്‍ റാ​ശി​ദ് അ​ൽ മ​ന്‍സൂ​രി പ​റ​ഞ്ഞു. നൂ​ത​ന സം​വി​ധാ​ന​ങ്ങ​ള്‍, നൂ​ത​നാ​ശ​യ​ങ്ങ​ള്‍, ഡി​ജി​റ്റ​ല്‍ സാ​ങ്കേ​തി​ക​വി​ദ്യ​ക​ള്‍ മു​ത​ലാ​യ​വ പ്ര​യോ​ജ​ന​പ്പെ​ടു​ത്തി​യാ​ണ് ഈ ​രം​ഗ​ത്ത് വ​ള​ര്‍ച്ച നേ​ടി​യ​തെ​ന്നും അ​ദ്ദേ​ഹം ചൂ​ണ്ടി​ക്കാ​ട്ടി2025ന്‍റെ ആ​ദ്യ പാ​ദ​ത്തി​ല്‍ അ​ബൂ​ദ​ബി​യു​ടെ മൊ​ത്ത ആ​ഭ്യ​ന്ത​ര ഉ​ല്‍പാ​ദ​നം (ജി.​ഡി.​പി) 291 ശ​ത​കോ​ടി ദി​ര്‍ഹ​മാ​യ​താ​യി അ​ബൂ​ദ​ബി സ്റ്റാ​റ്റി​സ്റ്റി​ക്സ് സെ​ന്‍റ​ര്‍ പു​റ​ത്തു​വി​ട്ട ക​ണ​ക്കു​ക​ൾ വ്യ​ക്ത​മാ​ക്കി​യി​രു​ന്നു. മു​ന്‍ വ​ര്‍ഷ​ത്തെ ഇ​തേ കാ​ല​യ​ള​വി​നെ അ​പേ​ക്ഷി​ച്ച് 3.4 ശ​ത​മാ​ന​ത്തി​ന്‍റെ വ​ര്‍ധ​ന​യാ​ണ് ഈ​വ​ര്‍ഷം രേ​​ഖ​പ്പെ​ടു​ത്തി​യ​ത്.

എ​ണ്ണ​യി​ത​ര വ​രു​മാ​ന​രം​ഗ​ത്ത് കൈ​വ​രി​ച്ച വ​ള​ര്‍ച്ച​യാ​ണ് ജി.​ഡി.​പി വ​ര്‍ധ​ന​ക്ക് കാ​ര​ണം. 6.1 ശ​ത​മാ​നം വ​ള​ര്‍ച്ച​യാ​ണ് എ​ണ്ണ​യി​ത​ര വ​രു​മാ​ന​ത്തി​ലു​ണ്ടാ​യ​ത്. ജി.​ഡി.​പി​യു​ടെ 56.2 ശ​ത​മാ​ന​വും എ​ണ്ണ​യി​ത​ര മേ​ഖ​ല​യി​ല്‍ നി​ന്ന് ല​ഭി​ക്കു​ന്ന​ത് ഇ​താ​ദ്യ​മാ​യാ​ണ്. എ​ണ്ണ​വ​രു​മാ​ന​ത്തി​ലൂ​ടെ 127.4 ശ​ത​കോ​ടി (43.8 ശ​ത​മാ​നം) ദി​ര്‍ഹ​മാ​ണ് ജി.​ഡി.​പി​ക്ക് ല​ഭി​ച്ച​ത്. സാ​മ്പ​ത്തി​കാ​ടി​ത്ത​റ​യു​ടെ വൈ​വി​ധ്യ​ത്തി​നാ​യി അ​ബൂ​ദ​ബി തു​ട​രു​ന്ന ശ്ര​മ​ങ്ങ​ളു​ടെ ഫ​ല​പ്രാ​പ്തി​യാ​ണ് ജി.​ഡി.​പി​യി​ല്‍ എ​ണ്ണ​യി​ത​ര രം​ഗ​ത്തു​നി​ന്നു​ണ്ടാ​യ വ​രു​മാ​ന വ​ര്‍ധ​ന​യെ​ന്ന് റി​പ്പോ​ര്‍ട്ട് വ്യ​ക്ത​മാ​ക്കു​ന്നു​ണ്ട്.

ഉ​ല്‍പാ​ദ​നം, നി​ര്‍മാ​ണം, സാ​മ്പ​ത്തി​ക സേ​വ​ന​ങ്ങ​ള്‍, റി​യ​ല്‍ എ​സ്റ്റേ​റ്റ്, വ്യാ​പാ​രം തു​ട​ങ്ങി​യ രം​ഗ​ത്തു​നി​ന്നാ​ണ് എ​മി​റേ​റ്റ് മി​ക​ച്ച വ​രു​മാ​നം നേ​ടി​ക്കൊ​ണ്ടി​രി​ക്കു​ന്ന​ത്. 2025ലെ ​ആ​ദ്യ പാ​ദ​ത്തി​ല്‍ 28.5 ശ​ത​കോ​ടി ദി​ര്‍ഹ​മാ​ണ് ഉ​ല്‍പാ​ദ​ന രം​ഗ​ത്തെ ജി.​ഡി.​പി സം​ഭാ​വ​ന. മു​ന്‍ വ​ര്‍ഷ​ത്തെ അ​പേ​ക്ഷി​ച്ച് 5 ശ​ത​മാ​നം കൈ​വ​രി​ച്ച ഉ​ല്‍പാ​ദ​ന​രം​ഗം മൊ​ത്തം ജി.​ഡി.​പി​യു​ടെ 9.3 ശ​ത​മാ​ന​മാ​ണ് ഈ ​വ​ര്‍ഷം സം​ഭാ​വ​ന ചെ​യ്തി​രി​ക്കു​ന്ന​ത്.നി​ര്‍മാ​ണ​രം​ഗം 10.2 ശ​ത​മാ​നം വ​ള​ര്‍ച്ച കൈ​വ​രി​ച്ചു. 27.5 ശ​ത​കോ​ടി ദി​ര്‍ഹ​മാ​ണ് നി​ര്‍മാ​ണ രം​ഗ​ത്തി​ന്‍റ സം​ഭാ​വ​ന. ധ​ന, ഇ​ന്‍ഷു​റ​ന്‍സ് രം​ഗം 9.1 ശ​ത​മാ​നം വ​ള​ര്‍ച്ച കൈ​വ​രി​ക്കു​ക​യും 19.6 ശ​ത​കോ​ടി ദി​ര്‍ഹ​മി​ന്‍റെ സം​ഭാ​വ​ന ന​ല്‍കു​ക​യും ചെ​യ്തു. മൊ​ത്ത, ചി​ല്ല​റ വ്യാ​പാ​ര​മേ​ഖ​ല 3.6 ശ​ത​മാ​നം വ​ള​ര്‍ച്ച​യാ​ണ് കൈ​വ​രി​ച്ച​ത്. 16 ശ​ത​കോ​ടി ദി​ര്‍ഹ​മാ​ണ് ഈ ​രം​ഗ​ത്തു​നി​ന്ന് സം​ഭാ​വ​ന ചെ​യ്ത​ത്. അ​താ​യ​ത് മൊ​ത്തം ജി.​ഡി.​പി​യു​ടെ 5.5 ശ​ത​മാ​നം.