അ​ബൂ​ദ​ബി അ​ന്താ​രാ​ഷ്ട്ര ബു​ക്​ ഫെ​യ​റി​ന്​ തു​ട​ക്കം

അ​ബൂ​ദ​ബി: 34ാമ​ത്​ അ​ബൂ​ദ​ബി രാ​ജ്യാ​ന്ത​ര ബു​ക്​ ഫെ​യ​റി​ന്​ പ്രൗ​ഢ​മാ​യ തു​ട​ക്കം. യു.​എ.​ഇ പ്ര​സി​ഡ​ന്‍റ്​ ശൈ​ഖ്​ മു​ഹ​മ്മ​ദ്​ ബി​ൻ സാ​യി​ദ്​ ആ​ൽ ന​ഹ്​​യാ​ന്‍റെ ര​ക്ഷാ​ക​ർ​തൃ​ത്വ​ത്തി​ന്​ കീ​ഴി​ൽ ഏ​പ്രി​ൽ 26 മു​ത​ൽ മേ​യ്​ അ​ഞ്ചു അ​ഡ്​​ന​ക്​ സെ​ന്‍റ​റി​ലാ​ണ്​ പു​സ്ത​ക മേ​ള സം​ഘ​ടി​പ്പി​ക്കു​ന്ന​ത്. 10 ദി​വ​സ​ങ്ങ​ളി​ലാ​യി ന​ട​ക്കു​ന്ന മേ​ള​യി​ൽ അ​റ​ബ്, അ​ന്താ​രാ​ഷ്ട്ര എ​ഴു​ത്തു​ക​രും ബു​ദ്ധി​ജീ​വി​ക​ളും ഉ​ൾ​പ്പെ​ടെ പ്ര​മു​ഖ​ർ പ​​ങ്കെ​ടു​ക്കും. ‘അ​റി​വ്​ ന​മ്മു​ടെ സ​മൂ​ഹ​ത്തെ അ​ല​ങ്ക​രി​ക്കും’ എ​ന്ന​താ​ണ്​ ഇ​ത്ത​വ​ണ​ത്തെ പു​സ്ത​ക​മേ​ള​യു​ടെ പ്ര​മേ​യം.

ആ​ഗോ​ള സാം​സ്കാ​രി​ക​വും ബൗ​ദ്ധി​ക​വു​മാ​യ കൈ​മാ​റ്റം പ്രോ​ത്സാ​ഹി​പ്പി​ക്കു​ക, അ​റ​ബ് ഭാ​ഷാ​പ​ര​വും സാം​സ്കാ​രി​ക​വു​മാ​യ പൈ​തൃ​ക​ത്തി​ന്‍റെ സം​ര​ക്ഷ​ണ​ത്തി​ന് സം​ഭാ​വ​ന ന​ൽ​കു​ക, അ​തോ​ടൊ​പ്പം വൈ​വി​ധ്യ​മാ​ർ​ന്ന ലോ​ക സം​സ്കാ​ര​ങ്ങ​ളെ​യും നാ​ഗ​രി​ക​ത​ക​ളെ​യും കു​റി​ച്ചു​ള്ള ധാ​ര​ണ പ്രോ​ത്സാ​ഹി​പ്പി​ക്കു​ക എ​ന്നി​വ​യാ​ണ് ഈ ​വ​ർ​ഷ​ത്തെ മേ​ള​യു​ടെ ല​ക്ഷ്യം. അ​റ​ബി ഭാ​ഷ​യെ മു​ന്നോ​ട്ട് കൊ​ണ്ടു​പോ​കു​ന്ന​തി​നും സ​ഹി​ഷ്ണു​ത​യെ​യും മ​നു​ഷ്യ സാ​ഹോ​ദ​ര്യ​ത്തെ​യും കു​റി​ച്ചു​ള്ള യു.​എ.​ഇ​യു​ടെ കാ​ഴ്ച​പ്പാ​ടി​നെ ശ​ക്തി​പ്പെ​ടു​ത്തു​ന്ന​തി​നു​മു​ള്ള പ്ര​തി​ബ​ദ്ധ​ത​യു​മാ​യി ചേ​ർ​ന്നു നി​ൽ​ക്കു​ന്ന​താ​ണ്​ പു​സ്ത​ക​മേ​ള​യെ​ന്ന്​ അ​ധി​കൃ​ത​ർ അ​റി​യി​ച്ചു.