ഗ​താ​ഗ​ത​ക്കു​രു​ക്ക് ഏ​റ്റ​വും കു​റ​വ് അ​ബൂ​ദ​ബി​യി​ല്‍

അ​ബൂ​ദ​ബി: ലോ​ക​ത്തി​ലെ ഏ​റ്റ​വും ഗ​താ​ഗ​ത​ക്കു​രു​ക്ക് കു​റ​ഞ്ഞ ത​ല​സ്ഥാ​ന ന​ഗ​ര​മാ​യി അ​ബൂ​ദ​ബി. ടോം​ടോം ഗ​താ​ഗ​ത സൂ​ചി​ക 2021ലാ​ണ് അ​ബൂ​ദ​ബി ഒ​ന്നാം സ്ഥാ​ന​ത്തെ​ത്തി​യ​ത്. 57 രാ​ജ്യ​ങ്ങ​ളി​ലെ 416 ന​ഗ​ര​ങ്ങ​ളി​ല്‍ ന​ട​ത്തി​യ സ​ര്‍വേ​യി​ലാ​ണ് അ​ബൂ​ദ​ബി ഗ​താ​ഗ​ത​ത്തി​ര​ക്ക് കു​റ​ഞ്ഞ ന​ഗ​ര​മാ​യി തെ​ര​ഞ്ഞെ​ടു​ക്ക​പ്പെ​ട്ട​ത്. തി​ര​ക്കേ​റി​യ സ​മ​യം അ​ട​ക്കം ഒ​രു​ദി​വ​സ​ത്തെ വി​വി​ധ സ​മ​യ​ങ്ങ​ളി​ല്‍ ക​വ​ല​ക​ളി​ലും തെ​രു​വു​ക​ളി​ലു​മു​ള്ള ഗ​താ​ഗ​ത​ത്തി​ര​ക്ക് അ​ട​ക്കം വി​ല​യി​രു​ത്തി​യാ​ണ് ടോം​ടോം ഗ​താ​ഗ​ത സൂ​ചി​ക അ​ബൂ​ദ​ബി​യെ ഗ​താ​ഗ​ത​ത്തി​ര​ക്ക് കു​റ​ഞ്ഞ ത​ല​സ്ഥാ​ന​മാ​യി തി​ര​ഞ്ഞെ​ടു​ത്ത​ത്.

ന​ഗ​ര​ത്തി​ലെ ഗ​താ​ഗ​തം നി​യ​ന്ത്രി​ക്കു​ന്ന​തി​ന് ട്രാ​ഫി​ക് ലൈ​റ്റു​ക​ളും അ​വ​യു​ടെ പ്രോ​ഗ്രാം ന​ല്‍കു​ന്ന സം​ഭാ​വ​ന​ക​ളും സ​ര്‍വേ​യി​ല്‍ പ​രി​ഗ​ണി​ച്ചി​ട്ടു​ണ്ട്. ട്രാ​ഫി​ക് ലൈ​റ്റ് സം​വി​ധാ​നം വി​വി​ധ കാ​ലാ​വ​സ്ഥ​ക​ളെ അ​തി​ജീ​വി​ക്കു​ന്ന​തി​നെ​യും സ​ര്‍വേ​യി​ല്‍ വി​ഷ​യ​മാ​ക്കി​യി​രു​ന്നു. കേ​വ​ലം 11 ശ​ത​മാ​ന​മാ​ണ് അ​ബൂ​ദ​ബി​യി​ലെ ഗ​താ​ഗ​ത​ത്തി​ര​ക്കി​ന്‍റെ തോ​ത്. മു​നി​സി​പ്പാ​ലി​റ്റി, ഗ​താ​ഗ​ത വ​കു​പ്പ് ന​ട​പ്പാ​ക്കി​യ സം​യോ​ജി​ത ഗ​താ​ഗ​ത കൈ​കാ​ര്യ പ​ദ്ധ​തി​യാ​ണ് ഈ ​നേ​ട്ട​ത്തി​ന് അ​ബൂ​ദ​ബി​യെ സ​ഹാ​യി​ച്ച​ത്. ടോം​ടോ​മി​ന്‍റെ പ​ട്ടി​ക​യി​ലെ ഒ​ന്നാം റാ​ങ്ക് നേ​ട്ടം പു​തി​യ ല​ക്ഷ്യ​ങ്ങ​ള്‍ കൈ​വ​രി​ക്കു​ന്ന​തി​ന് പ്ര​ചോ​ദ​നം പ​ക​രു​മെ​ന്ന് വ​കു​പ്പ് ചെ​യ​ര്‍മാ​ന്‍ ഫ​ലാ​ഹ് അ​ല്‍ അ​ഹ്ബാ​ബി പ​റ​ഞ്ഞു.

അ​ടു​ത്തി​ടെ അ​ബൂ​ദ​ബി പൊ​ലീ​സ് ന​ട​ത്തി​യ അ​ഭി​പ്രാ​യ സ​ര്‍വേ​യി​ല്‍ ഗ​താ​ഗ​ത സു​ര​ക്ഷ​ക്ക് ജ​ന​ങ്ങ​ള്‍ ഫു​ള്‍ മാ​ര്‍ക്ക് ന​ല്‍കി​യി​രു​ന്നു. ട്രാ​ഫി​ക് സു​ര​ക്ഷ മാ​ന​ദ​ണ്ഡ​ങ്ങ​ളെ​ക്കു​റി​ച്ച അ​വ​ബോ​ധം വ​ർ​ധി​പ്പി​ക്കാ​നും റോ​ഡു​ക​ളി​ലെ മോ​ശം പെ​രു​മാ​റ്റ​ങ്ങ​ള്‍ക്കെ​തി​രെ മു​ന്ന​റി​യി​പ്പ് ന​ല്‍കാ​നു​മാ​യി അ​ബൂ​ദ​ബി പൊ​ലീ​സ് സ​മൂ​ഹ മാ​ധ്യ​മ​ങ്ങ​ള്‍ മു​ഖേ​ന​യും ദൃ​ശ്യ-​പ​ത്ര മാ​ധ്യ​മ​ങ്ങ​ളി​ലൂ​ടെ​യും ന​ല്‍കി​വ​രു​ന്ന സ​ന്ദേ​ശ​ങ്ങ​ളി​ലും ബോ​ധ​വ​ത്ക​ര​ണ കാ​മ്പ​യി​നു​ക​ളി​ലും 61 ശ​ത​മാ​നം പേ​രാ​ണ് താ​ല്‍പ​ര്യം പ്ര​ക​ടി​പ്പി​ച്ച​ത്.

ട്രാ​ഫി​ക് സം​വി​ധാ​ന​ങ്ങ​ളെ​യും ച​ട്ട​ങ്ങ​ളെ​യും കു​റി​ച്ച് ഡ്രൈ​വ​ര്‍മാ​രു​ടെ അ​വ​ബോ​ധം വ​ള​ര്‍ത്തു​ക, റോ​ഡു​ക​ളി​ല്‍ അ​പ​ക​ട​ങ്ങ​ള്‍ കു​റ​ക്കു​ക, റോ​ഡ് ഉ​പ​യോ​ക്താ​ക്ക​ളു​ടെ സു​ര​ക്ഷ വ​ർ​ധി​പ്പി​ക്കു​ക, ന​ല്ല പെ​രു​മാ​റ്റ​ങ്ങ​ള്‍ പ്രോ​ത്സാ​ഹി​പ്പി​ക്കു​ക, തെ​റ്റാ​യ ഡ്രൈ​വി​ങ്​ രീ​തി​ക​ള്‍ക്കെ​തി​രെ മു​ന്ന​റി​യി​പ്പ് ന​ല്‍കു​ക തു​ട​ങ്ങി​യ ബോ​ധ​വ​ത്ക​ര​ണ ക്ര​മീ​ക​ര​ണ​ങ്ങ​ളാ​ണ് അ​ബൂ​ദ​ബി പൊ​ലീ​സ് ന​ട​ത്തി​വ​രു​ന്ന​ത്. റോ​ഡ് സു​ര​ക്ഷ വ​ര്‍ധി​പ്പി​ക്കു​ന്ന​തി​ന്‍റെ ഭാ​ഗ​മാ​യി അ​ബൂ​ദ​ബി​യി​ലെ റോ​ഡു​ക​ളി​ല്‍ നൂ​റു​ക​ണ​ക്കി​ന് റ​ഡാ​റു​ക​ളാ​ണ് സ്ഥാ​പി​ച്ചി​രി​ക്കു​ന്ന​ത്.