Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulfchevron_rightU.A.Echevron_rightനിർമാണ മേഖലയിൽ 1000...

നിർമാണ മേഖലയിൽ 1000 കോടി ദിർഹമിന്‍റെ നിക്ഷേപവുമായി അബൂദബി സർക്കാർ

text_fields
bookmark_border
നിർമാണ മേഖലയിൽ 1000 കോടി ദിർഹമിന്‍റെ നിക്ഷേപവുമായി അബൂദബി സർക്കാർ
cancel
Listen to this Article

അബൂദബി: അബൂദബിയുടെ നിർമാണ മേഖലയുടെ വളർച്ച 2031ഓടെ ഇരട്ടിയാക്കി വർധിപ്പിക്കുകയെന്ന ലക്ഷ്യത്തോടെ അബൂദബി സ‍ർക്കാർ ആറു പദ്ധതികളിലേക്കായി 1000 കോടി ദിർഹമിന്‍റെ നിക്ഷേപം നടത്തി. സാമ്പത്തിക സഹായം, ബിസിനസ് ചെയ്യുന്നതിനുള്ള നടപടികൾ ലളിതമാക്കുക, വിദേശ പ്രത്യക്ഷ നിക്ഷേപങ്ങളെ ആകർഷിക്കുക തുടങ്ങിയ നടപടികളിലൂടെയാണ് നിർമാണ മേഖലയുടെ വളർച്ച ശക്തിപ്പെടുത്താൻ അധികൃതർ ശ്രമിക്കുന്നത്. മേഖലയിലെ മികച്ച മത്സസരാധിഷ്ഠിത വ്യവസായ ഹബ്ബായി ഇമാറാത്തിനെ മാറ്റുകയെന്ന ലക്ഷ്യത്തോടെ അബൂദബി എക്സിക്യൂട്ടിവ് ഓഫിസ് ചെയർമാനും അബൂദബി എക്സിക്യൂട്ടിവ് കൗൺസിൽ അംഗവുമായ ശൈഖ് ഖാലിദ് ബിൻ മുഹമ്മദ് ബിൻ സായിദ് ആൽ നഹ്യാനാണ് വ്യാഴാഴ്ച അബൂദബി വ്യവസായ കർമപദ്ധതിക്ക് തുടക്കം കുറിച്ചത്.

ഖലീഫ ഇൻഡസ്ട്രിയൽ ഫ്രീ സോണിലായിരുന്നു (കിസാദ്) ചടങ്ങ് നടന്നത്. ആറു പദ്ധതികളാണ് ഇതിന്‍റെ ഭാഗമായി ആവിഷ്കരിച്ചു നടപ്പാക്കുന്നത്. ഇത് യാഥാർഥ്യമാകുന്നതോടെ 13600 വിദഗ്ധ തൊഴിലാളികൾക്ക് അവസരമുണ്ടാവും. ഇമാറാത്തികൾക്കാവും ജോലിയിൽ കൂടുതൽ അവസരങ്ങൾ. കയറ്റുമതി വർധിപ്പിക്കുക, അന്താരാഷ്ട്ര വ്യാപാരത്തെ പ്രോത്സാഹിപ്പിക്കുക തുടങ്ങിയ ലക്ഷ്യങ്ങളും പദ്ധതിയുടെ ഭാഗമാണ്. അബൂദബി സാമ്പത്തിക വികസന വകുപ്പ് ചെയർമാൻ മുഹമ്മദ് അലി അൽ ഷോറാഫ, അബൂദബി പോർട്സ് ഗ്രൂപ് ചെയർമാൻ ഫലാഹ മുഹമ്മദ് അൽ അഹ്ബാബി തുടങ്ങിയവർ സംസാരിച്ചു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Abu Dhabiconstruction sectorinvests 1000 crore dirhams
News Summary - Abu Dhabi government to invests in construction sector
Next Story