Top
Begin typing your search above and press return to search.
exit_to_app
exit_to_app
Homechevron_rightGulfchevron_rightU.A.Echevron_rightലുലുവി​െൻറ ഈജിപ്​ത്​...

ലുലുവി​െൻറ ഈജിപ്​ത്​ കമ്പനിയിൽ​ 7500 കോടി നിക്ഷേപിക്കാൻ അബൂദബി സർക്കാർ

text_fields
bookmark_border
ലുലുവി​െൻറ ഈജിപ്​ത്​ കമ്പനിയിൽ​ 7500 കോടി നിക്ഷേപിക്കാൻ അബൂദബി സർക്കാർ
cancel

അബൂദബി: ഈജിപ്​തിൽ ലുലു ഗ്രൂപ്പ്​ നടപ്പാക്കുന്ന പദ്ധതികളിൽ 7500 കോടി നിക്ഷേപിക്കാൻ അബൂദബി ഭരണകൂടം. സർക്കാർ ഉടമസ്​ഥതയിലുള്ളതും രാജകുടുംബാംഗമായ ശൈഖ്​ താനൂൻ ബിൻ സായിദ്​ ആൽ നെഹ്​യാൻ ചെയർമാനുമായ അബൂദബി കമ്പനിയാണ്​ (എ.ഡി.ക്യു) ലുലു ഗ്രൂപ്പിൽ വീണ്ടും മുതൽ മുടക്കുന്നത്​.

മിഡിൽ ഈസ്​റ്റിലെയും ഉത്തര ആഫ്രിക്കയിലെയും ഏറ്റവും വലിയ വിപണിയായ ഈജിപ്​തിലെ പ്രവർത്തനം കൂടുതൽ വിപുലമാക്കുന്നതിനായാണ്​ ലുലുവി​െൻറ ഈജിപ്​ത്​ കമ്പനിയിൽ അബൂദബി സർക്കാർ വൻ നിക്ഷേപം നടത്തുന്നത്​. ഇത്​ സംബന്ധിച്ച കരാറിൽ അബൂദബി കമ്പനി സി.ഇ.ഒ മുഹമ്മദ്​ ഹസൻ അൽ സുവൈദിയും ലുലു ഗ്രൂപ്പ്​ ചെയർമാൻ എം.എ. യൂസുഫലിയും ഒപ്പുവെച്ചു.

ഈജിപ്​തിലെ വിവിധ നഗരങ്ങളിൽ 30 ഹൈപ്പർമാർക്കറ്റ്​, 100 മിനി മാർക്കറ്റ്​, ലോജിസ്​റ്റിക്​സ്​ സെൻറർ, ഇ- കൊമേഴ്​സ്​ വിപുലീകരണം എന്നിവക്ക്​ വേണ്ടിയാണ്​ പുതിയ നിക്ഷേപം ഉപയോഗിക്കുക. മൂന്ന്​ മുതൽ അഞ്ച്​ വർഷത്തിനുള്ളിൽ ​മാർക്കറ്റുകൾ പൂർത്തിയാക്കും. ഇതുവ​ഴി മലയാളികൾ ഉൾപെടെ 12,000ൽ കൂടുതൽ ആളുകൾക്ക്​ ഈജിപ്​തിൽ തൊഴിൽ ലഭിക്കും.

രണ്ടാം തവണയാണ്​ ലുലു ഗ്രൂപ്പിൽ അബൂദബി സർക്കാർ മൂലധന നിക്ഷേപമിറക്കുന്നത്​. കഴിഞ്ഞമാസം ഇന്ത്യയും ഖത്തറും ഒഴികെയുള്ള രാജ്യങ്ങളിലെ പ്രവർത്തനത്തിനായി 8200 കോടി രൂപ നിക്ഷേപിച്ചിരുന്നു. ലുലു ഗ്രൂപ്പിനോടുള്ള വിശ്വാസമാണ്​ ഇത്​ സൂചിപ്പിക്കുന്നതെന്നും അബൂദബി കിരീടാവകാശിയും യു.എ.ഇ സായുധ സേനയുടെ ഡെപ്യൂട്ടി സുപ്രീം കമാൻഡറുമായ ശൈഖ്​ മുഹമ്മദ്​ ബിൻ സായിദ്​ ആൽ നെഹ്​യാനോടും മറ്റ്​ രാജകുടുംബാംഗങ്ങളോടും നന്ദി പറയുന്നതായും യൂസുഫലി പറഞ്ഞു.

Show Full Article
TAGS:lulu group Lulu hypermarkets 
Next Story