ബ​സ് നി​ര​ക്ക് ഏ​കീ​ക​രി​ച്ച് അ​ബൂ​ദ​ബി

അ​ബൂ​ദ​ബി: പൊ​തു ​ഗ​താ​​ഗ​ത ബ​സു​ക​ളി​ലെ നി​ര​ക്ക് ഏ​കീ​ക​രി​ച്ച​താ​യി അ​ബൂ​ദ​ബി സം​യോ​ജി​ത ​ഗ​താ​​ഗ​ത കേ​ന്ദ്രം അ​റി​യി​ച്ചു. ന​​ഗ​ര, ​ഗ്രാ​മ ബ​സ് സ​ർ​വി​സു​ക​ളി​ലെ മി​നി​മം ചാ​ർ​ജ് ര​ണ്ടു ദി​ർ​ഹ​മാ​യി​രി​ക്കും.

പി​ന്നീ​ടു​ള്ള ഓ​രോ കി​ലോ​മീ​റ്റ​റി​നും അ​ഞ്ചു​ ഫി​ൽ​സ് വീ​ത​മാ​വും ഈ​ടാ​ക്കു​ക. യാ​ത്ര​ക്ക് അ​ഞ്ചു ദി​ർ​ഹ​മെ​ന്ന നി​ല​വി​ലെ നി​ര​ക്ക് എ​ടു​ത്തു​ക​ള​ഞ്ഞാ​ണ് പു​തി​യ നി​ര​ക്ക് ഏ​കീ​ക​ര​ണം.

ഒ​രാ​ൾ യാ​ത്രാ​ല​ക്ഷ്യ​ത്തി​ലെ​ത്താ​ൻ ഒ​ന്നി​ല​ധി​കം ബ​സു​ക​ളി​ൽ ക​യ​റേ​ണ്ടി​വ​ന്നാ​ൽ മി​നി​മം ചാ​ർ​ജാ​യ ര​ണ്ടു ദി​ർ​ഹം നി​ര​ക്ക്​ ഒ​ന്നി​ലേ​റെ ത​വ​ണ കൊ​ടു​ക്കേ​ണ്ട​തി​ല്ലെ​ന്നും സം​യോ​ജി​ത ​ഗ​താ​​ഗ​ത കേ​ന്ദ്രം അ​റി​യി​ച്ചു.

യാ​ത്ര​യു​ടെ അ​വ​സാ​നം സ​ഞ്ച​രി​ച്ച ദൂ​രം ക​ണ​ക്കാ​ക്കി ഹ​ഫാ​ല​ത്ത്​ സ്മാ​ർ​ട്ട് കാ​ർ​ഡ് ഉ​പ​യോ​​ഗി​ച്ച് പ​ണം അ​ട​ക്കാം. നി​ശ്ചി​ത സ​മ​യ​ത്തി​നു​ള്ളി​ൽ യാ​ത്ര​ക്കാ​ര​ൻ ബ​സു​ക​ൾ മാ​റി​ക്ക​യ​റി​യി​രി​ക്ക​ണം, ആ​ദ്യം ക​യ​റി​യ ബ​സി​ൽ​നി​ന്ന് ര​ണ്ടു ത​വ​ണ​യി​ൽ കൂ​ടു​ത​ൽ ബ​സു​ക​ൾ മാ​റി​ക്ക​യ​റാ​ൻ പാ​ടി​ല്ല (പ​ര​മാ​വ​ധി മൂ​ന്നു ബ​സു​ക​ളി​ൽ ക​യ​റി യാ​ത്ര പൂ​ർ​ത്തി​യാ​ക്കി​യി​രി​ക്ക​ണം), യാ​ത്ര​യു​ടെ വി​പ​രീ​ത ദി​ശ​യി​ലും മാ​റ്റം ഉ​ണ്ടാ​വാ​ൻ പാ​ടി​ല്ല എ​ന്നി​ങ്ങ​നെ മൂ​ന്നു വ്യ​വ​സ്ഥ​ക​ൾ ഇ​ത്ത​രം യാ​ത്ര​ക​ൾ​ക്ക് ബാ​ധ​ക​മാ​ണ്.

യാ​ത്ര തു​ട​ങ്ങു​മ്പോ​ൾ യാ​ത്ര​ക്കാ​ർ ത​ങ്ങ​ളു​ടെ ഹ​ഫാ​ല​ത്ത് കാ​ർ​ഡ് സ്വൈ​പ് ചെ​യ്തി​രി​ക്ക​ണം. ഇ​തി​ൽ വീ​ഴ്ച വ​രു​ത്തു​ന്ന​വ​ർ യാ​ത്ര അ​വ​സാ​നി​പ്പി​ക്കു​മ്പോ​ൾ പ​ര​മാ​വ​ധി ചാ​ർ​ജ് ന​ൽ​കേ​ണ്ടി​വ​രും.