അബൂദബിയിൽ നിന്ന്​ പാകിസ്​താനിലേക്കുള്ള വിമാനങ്ങൾ റദ്ദാക്കി

അബൂദബി: അബൂദബി, അൽ അയ്​ൻ അന്താരാഷ്​ട്ര വിമാനത്താവളങ്ങളിൽ നിന്ന്​ പാകിസ്​താനിലേക്കുള്ള എല്ലാ സർവീസുകളും റദ്ദാക്കിയതായി അധികൃതർ അറിയിച്ചു. ഇനിയൊരു ഉത്തരവുണ്ടാകും വരെ പാകിസ്​താനിലേക്ക്​ വിമാന സർവീസ്​ ഉണ്ടായിരിക്കുകയില്ല. ആഭ്യന്തര, അന്താരാഷ്​ട്ര വ്യോമപാതകള്‍ പാകിസ്​താന്‍ അടച്ചെന്ന്​ പ്രഖ്യാപിച്ച സാഹചര്യത്തിലാണ് തീരുമാനം. യാത്രക്കാർക്ക്​ അതാത്​ എയർലൈൻസുമായി ബന്ധപ്പെട്ട്​ സർവീസിലെ മാറ്റം മനസിലാക്കാം.

ഇന്ത്യയുമായി പ്രശ്നം രൂക്ഷമായ സാഹചര്യത്തിലാണ് വ്യോമ മേഖല അടക്കാന്‍ പാകിസ്​താന്‍ തീരുമാനിച്ചത്. മധ്യപൗരസ്ത്യ ദേശത്തു നിന്നുള്ള വിമാന കമ്പനികളും സർവീസുകൾ റദ്ദ് ചെയ്തിട്ടുണ്ട്.