സ്​റ്റൈലൻ ലുക്കിൽ അബ്ര സ്​റ്റേഷനുകൾ

ദു​ബൈ: ന​ഗ​ര​ത്തി​ലെ പ​ര​മ്പ​രാ​ഗ​ത​മാ​യ നാ​ല് അ​ബ്ര സ്റ്റേ​ഷ​നു​ക​ളു​ടെ ന​വീ​ക​ര​ണം പൂ​ർ​ത്തി​യാ​യ​താ​യി ദു​ബൈ റോ​ഡ് ഗ​താ​ഗ​ത അ​തോ​റി​റ്റി (ആ​ർ.​ടി.​എ) അ​റി​യി​ച്ചു. ദു​ബൈ ക്രീ​ക്കി​ന് സ​മീ​പ​ത്തെ സ്റ്റേ​ഷ​നു​ക​ളാ​ണ് അ​റ്റ​കു​റ്റ​പ്പ​ണി​ക​ൾ ന​ട​ത്തി പു​തു​മോ​ടി കൈ​വ​രി​ച്ച​ത്.

ദു​ബൈ ന​ഗ​ര​ത്തി​ൽ ദേ​ര​ക്കും ബ​ർ​ദു​ബൈ​ക്കു​മി​ട​യി​ൽ ക്രീ​ക്കി​ലൂ​ടെ യാ​ത്ര​ക്കാ​രെ കൊ​ണ്ടു​പോ​കു​ന്ന പ​ര​മ്പ​രാ​ഗ​ത ക​ട​ത്ത് ബോ​ട്ട് സ​ർ​വി​സാ​ണ് അ​ബ്ര​ക​ൾ. ബ​ർ​ദു​ബൈ മോ​ഡ​ൽ സ്റ്റേ​ഷ​ൻ, ദേ​ര ഓ​ൾ​ഡ് സൂ​ഖ് സ്റ്റേ​ഷ​ൻ, ദു​ബൈ ഓ​ൾ​ഡ് സൂ​ഖ് സ്റ്റേ​ഷ​ൻ, സ​ബ്ഖ സ്റ്റേ​ഷ​ൻ എ​ന്നി​വ​യാ​ണ് ന​വീ​ക​രി​ച്ച​ത്.

ഇ​തി​ൽ ബ​ർ​ദു​ബൈ സ്റ്റേ​ഷ​ന്‍റെ ശേ​ഷി 33 ശ​ത​മാ​നം വ​ർ​ധി​പ്പി​ച്ചു. ഈ ​സ്റ്റേ​ഷ​ന്‍റെ ച​രി​ത്ര​പ​ര​വും സാം​സ്കാ​രി​ക​വു​മാ​യ അ​ട​യാ​ള​ങ്ങ​ൾ നി​ല​നി​ർ​ത്തി​യാ​ണ് ന​വീ​ക​ര​ണ ജോ​ലി​ക​ൾ പൂ​ർ​ത്തി​യാ​ക്കി​യ​ത്. ഒ​പ്പം ഭി​ന്ന​ശേ​ഷി​ക്കാ​രു​ടെ സൗ​ക​ര്യ​ത്തി​നാ​യി ദു​ബൈ യൂ​നി​വേ​ഴ്സ​ൽ ഡി​സൈ​ൻ കോ​ഡ്സും നി​ർ​മാ​ണ​ത്തി​ൽ പാ​ലി​ച്ചി​ട്ടു​ണ്ട്.

സ്റ്റേ​ഷ​നു​ക​ളു​ടെ സു​ര​ക്ഷ നി​രീ​ക്ഷ​ണ സം​വി​ധാ​ന​ങ്ങ​ളും മെ​ച്ച​പ്പെ​ടു​ത്തി. പ്ര​തി​വ​ർ​ഷം ല​ക്ഷ​ക്ക​ണ​ക്കി​ന് യാ​ത്ര​ക്കാ​ർ ഉ​പ​യോ​ഗി​ക്കു​ന്ന അ​ബ്ര സേ​വ​നം കൂ​ടു​ത​ൽ സൗ​ക​ര്യ​പ്ര​ദ​മാ​ക്കാ​ൻ ല​ക്ഷ്യ​മി​ട്ടാ​ണ് സ്റ്റേ​ഷ​നു​ക​ൾ ന​വീ​ക​രി​ച്ച​തെ​ന്ന് ദു​ബൈ ആ​ർ.​ടി.​എ ചെ​യ​ർ​മാ​ൻ മ​താ​ർ അ​ൽ​താ​യ​ർ പ​റ​ഞ്ഞു.

പ്ര​തി​വ​ർ​ഷം 140 ല​ക്ഷം യാ​ത്ര​ക്കാ​ർ പ​ര​മ്പ​രാ​ഗ​ത അ​ബ്ര​ക​ൾ ഉ​പ​യോ​ഗി​ക്കു​ന്നു​ണ്ടെ​ന്നാ​ണ് ക​ണ​ക്ക്. ദു​ബൈ വാ​ട്ട​ർ ക​നാ​ലും ക്രീ​ക്കും സ​മു​ദ്ര​തീ​രം വ​ഴി ബ​ന്ധി​പ്പി​ച്ച​തോ​ടെ ന​ഗ​ര​ത്തി​ന്‍റെ വി​വി​ധ ഭാ​ഗ​ങ്ങ​ളി​ലേ​ക്ക് ക​ട​ൽ​മാ​ർ​ഗം സ​ഞ്ച​രി​ക്കു​ന്ന​വ​രു​ടെ എ​ണ്ണം വ​ർ​ധി​ച്ചു​വെ​ന്നാ​ണ് ആ​ർ.​ടി.​എ ചൂ​ണ്ടി​ക്കാ​ട്ടു​ന്ന​ത്.