ദുബൈയിലെ താമസക്കാരിൽ 30 ശതമാനവും പ്രമേഹ രോഗികൾ

ദുബൈ: താളം തെറ്റിയ ജീവിതശൈലി പ്രമേഹത്തിലേക്ക്​ നയിക്കുന്നുവെന്ന മുന്നറിയിപ്പുമായി ദുബൈ ഹെൽത്ത്​ അതോറിറ്റി (ഡി.എച്ച്​.എ).ദുബൈയിലെ താമസക്കാരിൽ 30 ശതമാനവും പ്രമേഹ രോഗികളോ പ്രമേഹ പൂർവാവസ്ഥയിലുള്ളവരോ (പ്രീ ഡയബറ്റിക്​) ആണെന്ന്​ ഡി.എച്ച്​.എ നടത്തിയ സർവേയിൽ വ്യക്തമായി. ദുബൈ സ്​റ്റാറ്റിസ്​റ്റിക്​സ്​ സെൻററി​െൻറ സഹായത്തോടെയാണ്​ സർവേ നടത്തിയത്​.

ദുബൈയിലെ കുടുംബങ്ങളിലായിരുന്നു സർവേ. 18 വയസ്സിന്​ മുകളിലുള്ളവരിൽ 13.7 ശതമാനം പ്രമേഹരോഗികളും 16.2 ശതമാനം പ്രീ ഡയബറ്റിക്​സ്​ അവസ്ഥയിലുമാണ്​. 2017ൽ നടത്തിയ സർവേയിൽ ഇത്​ യഥാക്രമം 15.2, 15.8 ശതമാനമായിരുന്നു. 24- 45 വയസ്സിനിടയിലുള്ളവരിൽ 13 ശതമാനവും പ്രീ ​ഡയബറ്റിക്​ അവസ്ഥയിലാണ്​.

വ്യായാമമില്ലായ്​മയും ജീവിതശൈലിയിലെ പ്രശ്​നങ്ങളുമാണ്​ ഇവരെ പ്രമേഹത്തിലേക്ക്​ നയിക്കുന്നത്​. സർവേയിൽ പങ്കെടുത്തവരിൽ അഞ്ചു​ ശതമാനം പേർ മാത്രമാണ് ദിവസവും 10 മിനിറ്റ് തുടർച്ചയായി ഫുട്​ബാൾ കളിക്കു​കയോ ഓടുകയോ ചെയ്യുന്നത്. 17 ശതമാനം പേർ ദിവസേന മിതമായി ശരീരം അനങ്ങുന്ന ജോലികൾ ചെയ്യുന്നു. അതിൽ വീട്ടുജോലിയും ഉൾപ്പെടും. പുകവലിക്കാരിലാണ്​ കൂടുതലും പ്രമേഹം കണ്ടെത്തിയത്​​. പുകവലിക്കുന്ന 28 ശതമാനം യു.എ.ഇ പൗരന്മാരും 10 ശതമാനം പ്രവാസികളും പ്രമേഹത്തിന്​ അടിപ്പെട്ടിരിക്കുന്നു. എന്നാൽ, പുകവലിക്കാത്ത 14.5 ശതമാനം ഇമാറാത്തികളിലും 6.3 ശതമാനം പ്രവാസികളിലുമാണ്​ പ്രമേഹമുണ്ടായത്​. 60 വയസ്സിനു​ മുകളിലുള്ളവരിലാണ്​ കൂടുതലും പ്രമേഹം. 18 മുതൽ 24 വയസ്സു​ വരെയുള്ളവരിൽ 2.9 ശതമാനം മാത്രം രോഗികളെ കണ്ടെത്തിയപ്പോൾ 60 വയസ്സിന്​ മുകളിലുള്ള 43.7 ശതമാനവും പ്രമേഹത്തി​െൻറ പിടിയിൽ അകപ്പെട്ടു.

36.4 ശതമാനവും പ്രമേഹത്തി​െൻറ ലക്ഷണങ്ങളുള്ളവരാണ്​. വയസ്സ്​​, അമിതവണ്ണം, ജീവിതശൈലി, പുകവലി എന്നിവയാണ്​ പ്രമേഹത്തി​െൻറ പ്രധാന കാരണമായി സർവേയിൽ കണ്ടെത്തിയതെന്ന്​ ഡി.എച്ച്​.എ ഡയബറ്റിക്​ കമ്മിറ്റി ചെയർപേഴ്​സൻ ഡോ. ഫത്തേയ അൽ അവാദി പറഞ്ഞു.വ്യായാമമാണ്​ ഇതിൽനിന്നുള്ള ഏറ്റവും മികച്ച പ്രതിരോധമെന്നും അവർ പറഞ്ഞു. 2014 മുതലാണ്​ സർവേ തുടങ്ങിയത്​. ഡി.എച്ച്​.എ ഡേറ്റ അനാലിസിസ്​ വിഭാഗം ഗവേഷക ഡോ. ഹെബ മംദൂഹി​െൻറ നേതൃത്വത്തിൽ ചേർന്ന വെബിനാറിലാണ്​ സർവേയുടെ വിവരങ്ങൾ പുറത്തുവിട്ടത്​.