കിളിമഞ്ചാരോ കീഴടക്കി അബൂദബി പൊലീസ്​ ഒാഫീസർ

ദുബൈ: ആഫ്രിക്കയിലെ ഏറ്റവും വലിയ കൊടുമുടിയായ കിളിമഞ്ചാരോ കീഴടക്കിയ അബൂദബി പൊലീസ്​ ഒാഫീസർ കൊടുമുടിയുടെ മുകളിൽ ശൈഖ്​ സായിദി​​െൻറ ചിത്രവും സായിദ്​ വർഷാചരണത്തി​​െൻറ ലോഗോയും സ്​ഥാപിച്ചു. അബൂദബി പൊലീസി​​െൻറ ക്രിമിനൽ സെക്യൂരിറ്റി സെക്​ടറിലെ ലഫ്​റ്റനൻറ്​ കേണൽ മുഹമ്മദ്​ അൽ നഖ്​ബിയാണ്​ ലോകത്തെ അഞ്ചാമത്തെ വലിയ കൊടുമുടി കീഴടക്കിയത്​. ഒരാഴ്​ചയാണ്​ ഇതിനായി അദ്ദേഹത്തിന്​ വേണ്ടിവന്നത്​. ഏറ്റവും വലിയ ഏഴ്​ കൊടുമുടികൾ കീഴടക്കണമെന്നാണ്​ ആഗ്രഹമെന്ന്​ ഇൗ പ്രകൃതി സ്​നേഹി പറയുന്നു. സമുദ്രനിരപ്പിൽ നിന്ന്​ 5895 മീറ്റർ ഉയരമാണ്​ ടാൻസാനിയയിലെ കിളിമഞ്ചാരോക്കുള്ളത്​. കിളിമഞ്ചാരോ ദേശീയപാർക്കി​​െൻറ ഭാഗമായ ഇൗ കൊടുമുടി ലോക​െമമ്പാടുമുള്ള പർവ്വതാരോഹകരുടെ പ്രിയപ്പെട്ട കേന്ദ്രമാണ്​.