അബ്​ദുല്ലക്ക: വിടപറഞ്ഞത്​ ദീർഘകാല പ്രവാസി

കുവൈത്ത്​ സിറ്റി: തൃശൂർ കോട്ടൂർ സ്വദേശി അബ്​ദുല്ലയുടെ വിയോഗത്തോടെ നഷ്​ടമായത്​ ദീർഘകാല പ്രവാസജീവിതത്തി​െൻറ അനുഭവസമ്പത്തുള്ള വ്യക്തിയെ. ആദ്യകാല കുവൈത്ത്​ പ്രവാസിയായ അബ്​ദുല്ല 1951 ജനുവരിയിലാണ്​ 14ാം വയസ്സിൽ കപ്പലേറി കുവൈത്തിലെത്തുന്നത്​. ഒമ്പതാം വയസ്സിൽ സിലോണിലേക്ക്​ ഇറങ്ങിത്തിരിച്ച അദ്ദേഹത്തിന്​ വിധി അരുളിയിരുന്നത്​ കുവൈത്ത്​ പ്രവാസിയാകാനുള്ള നിയോഗം. മൂന്നാം വയസ്സിൽ അനാഥത്വം പേറേണ്ടി വന്ന അദ്ദേഹത്തിന്​ വിദ്യാഭ്യാസത്തിന്​ അവസരം ലഭിച്ചിരുന്നില്ല. നാട്ടിൽ ഹോട്ടൽ ജോലി, പത്രവിതരണം, പോർട്ടർ, കപ്പലണ്ടി വിൽപന തുടങ്ങിയ പല ജോലികളും പയറ്റിയതിന്​ ശേഷമാണ്​ പ്രവാസിയാവുന്നത്​.

പത്താം ക്ലാസെങ്കിലും വിദ്യാഭ്യാസമുള്ളവർക്ക്​ ഉയർന്ന ജോലി ലഭിക്കുമായിരുന്ന അബ്​ദുല്ലക്കക്ക്​ സാധാരണ തൊഴിലാളിയായി കഴിയേണ്ടി വന്നു. പാസ്​പോർ​േട്ടാ മറ്റു രേഖകളോ കൈവശമില്ലാതെ സാഹസികതയുടെ മാത്രം കരുത്തിൽ കുവൈത്തിലെത്തിയ അദ്ദേഹം എത്തിപ്പെട്ടത്​ ഹാജിക്ക എന്ന മുഹമ്മദ്​ ഹാജിയുടെ കാലിക്കറ്റ്​ ഹോട്ടലിൽ. പിറ്റേന്ന്​ തന്നെ അമീരി ആശുപത്രിയിൽ തയ്യൽക്കാരനായി ജോലിക്ക്​ കയറി.

ഡോക്​ടർമാരുടെയും മറ്റു ആരോഗ്യ ജീവനക്കാരുടെയും കോട്ട്​ തയ്​ക്കലായിരുന്നു പണി. ഇറാനി ജീവനക്കാർക്കൊപ്പം ആറുമാസം കഴിഞ്ഞതിന്​ ശേഷം പാകിസ്​താനിയുടെ തയ്യൽക്കടയിൽ അഞ്ചുവർഷം. അന്ന്​ കുവൈത്തിൽ ഇന്ത്യൻ എംബസി ഉണ്ടായിരുന്നില്ല. ആകെയുണ്ടായിരുന്ന ബ്രിട്ടീഷ്​ കോൺസുലർ ഒാഫിസിലാണ്​ നാട്ടിൽ പോവാനായി രേഖകൾക്ക്​ അപേക്ഷിച്ചത്​. അവർ ബഗ്​ദാദിലെ ഇന്ത്യൻ എംബസിക്ക്​ കൈമാറി.

നാട്ടിലെത്തിയ അബ്​ദുല്ലക്ക​ തിരിച്ചുവന്നത്​ രേഖകളെല്ലാം ശരിയാക്കിയായിരുന്നു. പലവട്ടം നാട്ടിൽ പോയി വന്ന പ്രവാസജീവിതത്തി​െൻറ അവസാന കാലമാവു​േമ്പാഴേക്ക്​ നാല്​ തയ്യൽക്കടയുടെ നടത്തിപ്പുകാരനായിരുന്നു അദ്ദേഹം. വിദ്യാഭ്യാസത്തി​െൻറ വില മനസ്സിലാക്കിയതിനാൽ മക്കളെയെല്ലാം നല്ല വിദ്യാഭ്യാസം നൽകി വളർത്തി. 2016 ജൂണിലാണ്​ പ്രവാസം അവസാനിപ്പിച്ച്​ മടങ്ങിയത്​. മക്കൾ: മൻസൂർ, ഡോ. മജൂർ (ആസ്​ട്രേലിയ), മുനീർ (കെ.ഒ.ടി.സി, കുവൈത്ത്​), മീനു ബിജി. മരുമക്കൾ: ഡോ. ബിജി ബഷീർ (മെട്രോ മെഡിക്കൽ കെയർ, കുവൈത്ത്​), ഷാബിത മൻസൂർ, ഫൗസിയ മജൂർ, സുനൈന മുനീർ, ബിജി ബഷീർ.