സംതൃപ്തമായ മനസ്സുമായി അബ്ദുൽ അസീസ് നാട്ടിലേക്ക്

ഫു​ജൈ​റ: 28 വ​ര്‍ഷ​ത്തെ പ്ര​വാ​സ​ത്തി​നു ശേ​ഷം അ​ബ്ദു​ൽ അ​സീ​സ് പൊ​ട്ട​ച്ചോ​ല നാ​ട്ടി​ലേ​ക്ക്‌ മ​ട​ങ്ങു​ന്നു. മ​ല​പ്പു​റം വൈ​ല​ത്തൂ​ര്‍ ക​ടു​ങ്ങാ​ത്തു​കു​ണ്ട് സ്വ​ദേ​ശി​യാ​യ അ​സീ​സ്‌ 1994ലാ​ണ് യു.​എ.​ഇ​യി​ല്‍ എ​ത്തു​ന്ന​ത്. ഫു​ജൈ​റ​യി​ല്‍ ബി​ദി​യ എ​ന്ന പ്ര​ദേ​ശ​ത്തെ ഒ​രു ഗ്രോ​സ​റി​യി​ല്‍ ജോ​ലി​യി​ല്‍ പ്ര​വേ​ശി​ച്ചാ​ണ് പ്ര​വാ​സ​ത്തി​ന് തു​ട​ക്കം കു​റി​ക്കു​ന്ന​ത്. ശേ​ഷം ദ​ദ്ന, ശ​റം തു​ട​ങ്ങി​യ പ്ര​ദേ​ശ​ങ്ങ​ളി​ല്‍ വി​വി​ധ ജോ​ലി​ക​ള്‍ ചെ​യ്തു. പി​ന്നീ​ട് ശ​റ​മി​ലെ ഒ​രു ട​യ​ർ വ​ർ​ക്ക് ഷോ​പ്പി​ൽ പി.​ആ​ര്‍.​ഒ ആ​യി ജോ​ലി​യി​ല്‍ പ്ര​വേ​ശി​ച്ചു. കു​റേ​ക്കാ​ല​ത്തി​നു ശേ​ഷം അ​വി​ടെ​ത്ത​ന്നെ സ്വ​ന്ത​മാ​യി ഒ​രു ട​യ​ർ വ​ർ​ക്ക്ഷോ​പ്പ് തു​ട​ങ്ങി.

പി​ന്തി​രി​ഞ്ഞു നോ​ക്കു​മ്പോ​ൾ പൂ​ർ​ണ​സം​തൃ​പ്തി​യി​ലാ​ണെ​ന്ന്​ അ​സീ​സ്‌ പ​റ​യു​ന്നു. യു.​എ.​ഇ​യി​ലെ​ത്തു​മ്പോ​ൾ ഫു​ജൈ​റ​യു​ടെ ഈ ​പ്ര​ദേ​ശ​ങ്ങ​ൾ ഇ​പ്പോ​ഴ​ത്തെ പോ​ലെ വി​ക​സി​ച്ചി​രു​ന്നി​ല്ല. ഗ​താ​ഗ​ത​സം​വി​ധാ​ന​ങ്ങ​ളും സൗ​ക​ര്യ​ങ്ങ​ളും വ​ള​രെ പ​രി​മി​തം. കു​ളി​ക്കാ​നും കു​ടി​ക്കാ​നും വെ​ള്ളം കി​ണ​റ്റി​ൽ​നി​ന്ന് പ​മ്പ് ചെ​യ്ത് എ​ടു​ക്കാ​റാ​യി​രു​ന്നു പ​തി​വെ​ന്ന്​ അ​സീ​സ്‌ പ​ഴ​യ​കാ​ലം ഓ​ര്‍ത്തെ​ടു​ക്കു​ന്നു. ഫു​ജൈ​റ പ്ര​ദേ​ശ​ത്തെ അ​റ​ബി​ക​ൾ മ​നു​ഷ്യ​സ്നേ​ഹി​ക​ളാ​ണ്. ആ​ദ്യ സ്പോ​ൺ​സ​ര്‍ സ​യീ​ദ് അ​ബ്ദു​ല്ല ഹൈ​ലി ത​നി​ക്ക് ഒ​രു​പാ​ട് സ​ഹാ​യ​ങ്ങ​ൾ ചെ​യ്തു​ത​ന്ന​താ​യി അ​സീ​സ്‌ പ​റ​യു​ന്നു. ഒ​ഴി​വ് സ​മ​യ​ങ്ങ​ള്‍ ഫു​ജൈ​റ സോ​ഷ്യ​ൽ ക്ല​ബി​ന്‍റെ പ്ര​വ​ർ​ത്ത​ന​ങ്ങ​ള്‍ക്ക് വേ​ണ്ടി​യും മാ​റ്റി​വെ​ച്ചു. ശ​നി​യാ​ഴ്ച ഫു​ജൈ​റ​യു​ടെ മ​ണ്ണി​നോ​ട് യാ​ത്ര പ​റ​യു​ക​യാ​ണ്‌ അ​ബ്ദു​ല്‍ അ​സീ​സ്‌. ഭാ​ര്യ: ഉ​മ്മു​ഹ​ബീ​ബ. മ​ക​ള്‍: അ​ഫ്ന. മ​രു​മ​ക​ന്‍: അ​നൂ​ഫ് അ​ന്‍സാ​രി തെ​യ്യ​ബാ​ട്ടി​ല്‍.