സലാലയിൽ കുടുംബത്തിനൊപ്പം യാത്ര ചെയ്യവേ വാഹനാപകടത്തിൽ ഷിയാസിന് ദാരുണാന്ത്യം;​ പരിക്കേൽക്കാതെ രക്ഷപ്പെട്ട് ഭാര്യയും പിഞ്ചുമക്കളും

സലാല: സലാലയിലുണ്ടായ വാഹനാപകടത്തിൽ ആലപ്പുഴ സ്വദേശി മരിച്ചു. ആലപ്പുഴ നീർക്കുന്നം വണ്ടാനത്തെ വാളംപറമ്പിൽ ഷിയാസ് ഉസ്മാൻ ആണ് (33) മരിച്ചത്. ഞായറാഴ്ച പുലർച്ചെയാണ്​ സംഭവം. ദുബൈയിൽനിന്ന് സലാലയിലേക്ക് വരികയായിരുന്ന കുടുംബം സലാലക്കടുത്ത് ഹരീതിൽ വെച്ചാണ് അപകടത്തിൽ പെടുന്നത്​.

പിന്നിൽനിന്ന്​ വന്ന വാഹനം ഇടിക്കുകയായിരുന്നുവെന്നാണ്​ അറിയാൻ കഴിയുന്നത്​. അപകടത്തിന്‍റെ കൂടുതൽ വിവരങ്ങൾ ലഭ്യമായിട്ടില്ല: ​ഭാര്യ: തസ്നിം, മക്കൾ: ഹൈഫ ( നാല്​), ഹാദി (ഒന്ന്​). ഇവർ സുരക്ഷിതരാണ്. മൃതദേഹം സുൽത്താൻ ഖാബൂസ് ആശുപത്രിയിൽ സൂക്ഷിച്ചിരിക്കുകയാണ്. ടീം വെൽഫയറിന്റെ നേത്യത്വത്തിൽ മൃതദേഹം നാട്ടിൽ കൊണ്ട് പോകാനുള്ള ശ്രമങ്ങൾ നടന്ന് വരുന്നു.