യു.​എ​ൻ ടൂ​റി​സം കൂ​ട്ടാ​യ്മ​യു​ടെ ത​ല​പ്പ​ത്ത്​ ഇ​മാ​റാ​ത്തി വ​നി​ത

ദു​ബൈ: ഐ​ക്യ​രാ​ഷ്ട്ര​സ​ഭ ടൂ​റി​സം കൂ​ട്ടാ​യ്മ​യു​ടെ മേ​ധാ​വി​യാ​യി ഇ​മാ​റാ​ത്തി വ​നി​ത ​ശൈ​ഖ നാ​സ​ർ അ​ൽ നു​വൈ​സ്. ആ​ദ്യ​മാ​യാ​ണ്​ ഒ​രു വ​നി​ത യു.​എ​ൻ ടൂ​റി​സം ഓ​ർ​ഗ​നൈ​സേ​ഷ​ന്‍റെ ത​ല​പ്പ​ത്ത്​ എ​ത്തി​ച്ചേ​രു​ന്ന​ത്. റൊ​ട്ടാ​ന ഹോ​ട്ട​ൽ മാ​നേ​ജ്‌​മെ​ന്റ് കോ​ർ​പ​റേ​ഷ​നി​ൽ ഓ​ണേ​ഴ്‌​സ് റി​ലേ​ഷ​ൻ​ഷി​പ് മാ​നേ​ജ്‌​മെ​ന്റി​ന്റെ കോ​ർ​പ​റേ​റ്റ് വൈ​സ് പ്ര​സി​ഡ​ന്റാ​യി സേ​വ​ന​മ​നു​ഷ്ഠി​ച്ചി​ട്ടു​ള്ള ​ശൈ​ഖ നാ​സ​ർ, 2026-29 കാ​ല​​യ​ള​വി​ലെ കൂ​ട്ടാ​യ്മ​യു​ടെ സെ​ക്ര​ട്ട​റി ജ​ന​റ​ലാ​യാ​ണ്​ പ്ര​വ​ർ​ത്തി​ക്കു​ക. ​ശൈ​ഖ നാ​സ​റി​ന്​ എ​ക്സ്​ അ​ക്കൗ​ണ്ട്​ വ​ഴി യു.​എ.​ഇ ​പ്ര​സി​ഡ​ന്‍റ് ശൈ​ഖ്​ മു​ഹ​മ്മ​ദ്​ ബി​ൻ സാ​യി​ദ്​ ആ​ൽ ന​ഹ്​​യാ​ൻ അ​ഭി​ന​ന്ദ​നം അ​റി​യി​ച്ചു.

ഇ​മാ​റാ​ത്തി വ​നി​ത​ക​ളെ നേ​തൃ​ത​ല​ങ്ങ​ളി​ലേ​ക്ക്​ കൊ​ണ്ടു​വ​രു​ന്ന​തി​നു​ള്ള പ്ര​തി​ബ​ദ്ധ​ത​യെ നി​യ​മ​നം വീ​ണ്ടും ഉ​റ​പ്പി​ക്കു​ന്നു​വെ​ന്ന്​ പ്ര​സി​ഡ​ന്‍റ്​ പ​റ​ഞ്ഞു. കൂ​ടാ​തെ സു​സ്ഥി​ര സാ​മ്പ​ത്തി​ക വ​ള​ർ​ച്ച​യു​ടെ പ്ര​ധാ​ന ചാ​ല​ക​ശ​ക്തി എ​ന്ന നി​ല​യി​ൽ ടൂ​റി​സം മേ​ഖ​ല​യു​ടെ പ്രാ​ധാ​ന്യ​ത്തെ ഇ​ത്​ പ്ര​തി​ഫ​ലി​പ്പി​ക്കു​ന്നു​വെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു. യു.​എ.​ഇ വൈ​സ്​ പ്ര​സി​ഡ​ൻ​റും ​പ്ര​ധാ​ന​മ​ന്ത്രി​യും ദു​ബൈ ഭ​ര​ണാ​ധി​കാ​രി​യു​മാ​യ ശൈ​ഖ്​ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂ​മും ശൈ​ഖ നാ​സ​റി​ന്​ അ​ഭി​ന​ന്ദ​നം അ​റി​യി​ച്ചു. ന​മ്മു​ടെ യു​വാ​ക്ക​ളും യു​വ​തി​ക​ളും രാ​ജ്യ​ത്തെ പ്ര​തി​നി​ധാ​നം ചെ​യ്ത്, അ​തി​ന്‍റെ പേ​രും പ​താ​ക​യും ഉ​യ​ര​ങ്ങ​ളി​ൽ എ​ത്തി​ക്കു​ക​യാ​ണെ​ന്ന്​ അ​ദ്ദേ​ഹം പ​റ​ഞ്ഞു.