ഫുജൈറയിൽ കാർ വീടിന്‍റെ ഭിത്തിയിൽ ഇടിച്ച് യുവതി മരിച്ചു

ഫുജൈറ: ഫുജൈറ അൽ-ഫസീലില്‍ കാര്‍ വീടിനോട് ചേര്‍ന്ന ഈന്തപ്പന മരത്തിലും മതിലിലുമിടിച്ച് യുവതി മരിച്ചു. കാർ ഓടിച്ചിരുന്ന 27കാരിയായ വിദേശ യുവതിയാണ്​​ മരിച്ചത്​.

ഫുജൈറയില്‍ മഴ പെയ്തു കൊണ്ടിരുന്ന സമയത്താണ് അപകടമുണ്ടായതെന്ന് ഫുജൈറ പൊലീസ് ജനറൽ കമാൻഡിലെ ട്രാഫിക് ആൻഡ് പട്രോൾ ഡിപ്പാർട്ട്‌മെന്റ് ഡയറക്ടർ കേണൽ സാലിഹ് മുഹമ്മദ് അബ്ദുല്ല അൽ ധൻഹാനി പറഞ്ഞു.

കാർ അൽ-ഫസീൽ സ്ട്രീറ്റിൽ ബീച്ച് റൗണ്ട് എബൗട്ടിനടുത്ത് ഈന്തപ്പന മരത്തില്‍ ഇടിച്ചു തെന്നിമാറി തൊട്ടടുത്ത വീടിന്‍റെ മതിലില്‍ ഇടിക്കുകയായിരുന്നു.