കോട്ടയം സ്വദേശിനിയായ വിദ്യാർഥിനി റാസൽഖൈമയിൽ നിര്യാതയായി

റാസൽഖൈമ: റാക് ഇന്ത്യൻ സ്കൂൾ വിദ്യാർഥിനി ഹനാൻ നൂർ (17) നിര്യാതയായി. കോട്ടയം പൊന്‍കുന്നം കല്ലംപറമ്പിൽ അബ്ദുൽകരീം നൂറിന്റെയും (റാക് ക്രസന്റ് ഗ്യാരേജ്) ബബിത നൂറിന്റെയും (മലയാളം മിഷൻ റാക് കോ ഓർഡിനേറ്റർ) മകളാണ്.

പനിയെ തുടർന്ന് ഒരു മാസത്തോളമായി റാക് ഉബൈദുല്ലാഹ് ആശുപത്രിയിൽ ചികിത്സയിലായിരുന്നു. ഞായറാഴ്ച്ച രാത്രി 11:30നായിരുന്നു അന്ത്യം. നൗഫീന്‍ നൂർ ഏക സഹോദരനാണ്. റാക് ഇന്ത്യൻ അസോസിയേഷന്റെ നേതൃത്വത്തിൽ മൃതദേഹം നട്ടിലെത്തിക്കാനുള്ള നടപടികൾ പുരോഗമിക്കുന്നു.