ഷാർജയിൽ വാഹന അപകടത്തിൽ ഗർഭിണിയും മകളും മരിച്ചു

ഷാർജ: ചൊവ്വാഴ്ച രാത്രി ഷാർജയിലെ ട്രാഫിക് കവലയിലുണ്ടായ വാഹനാപകടത്തിൽ ബംഗ്ലാദേശി സ്വദേശിയായ ഗർഭിണിയും ഒമ്പത് വയസ്സുള്ള മകളും മരിച്ചു. യുവതിയുടെ ഭർത്താവും മൂന്ന്, അഞ്ച്, എട്ട്​ വയസ്സുള്ള മൂന്ന് കുട്ടികളും പരിക്കുകളോടെ രക്ഷപ്പെട്ടുവെന്ന് പൊലീസ് അറിയിച്ചു. ഇവരിൽ ചിലരുടെ നില ഗുരുതരമാണ്​.

ഭർത്താവിനെ അൽ ഖാസിമി ആശുപത്രിയിലും കുട്ടികളെ അൽ കുവൈത്ത്​ ആശുപത്രിയിലേക്കുമാണ്​ മാറ്റിയത്​. കുട്ടികളിൽ ഒരാൾക്ക് ശസ്ത്രക്രിയ ആവശ്യമാണെന്ന് മെഡിക്കൽ വൃത്തങ്ങൾ അറിയിച്ചു. സംഭവത്തെക്കുറിച്ച് അൽ ഗർബ് പൊലീസ് സ്‌റ്റേഷൻ അന്വേഷണം നടത്തിവരികയാണ്.