സൗ​ഹൃ​ദ​ത്തി​ന്‍റെ ഹൃ​ദ​യ​താ​ള​ങ്ങ​ൾ ത്ര​സി​പ്പി​ച്ച രാ​വ്

ഷാ​ർ​ജ: ഹൃ​ദ​യ​താ​ള​ങ്ങ​ളു​ടെ ആ​വേ​ശ​ത്തി​ലാ​യി​രു​ന്നു ശ​നി​യാ​ഴ്ച രാ​ത്രി ഷാ​ർ​ജ എ​ക്സ്​​പോ സെ​ന്‍റ​ർ. 'ക​മോ​ൺ കേ​ര​ള'​യു​ടെ ഭാ​ഗ​മാ​യി ഒ​രു​ക്കി​യ 'ബീ​റ്റ്​​സ്​ ഓ​ഫ്​ ഫ്ര​ണ്ട്​​ഷി​പ്​' പ​രി​പാ​ടി സം​ഗീ​ത​ത്തി​ലൂ​ടെ ഹൃ​ദ​യ​ങ്ങ​ളി​ൽ​നി​ന്ന്​ ഹൃ​ദ​യ​ങ്ങ​ളി​ലേ​ക്കു​ള്ള യാ​ത്ര​യാ​യി മാ​റി. അ​തി​രു​ക​ൾ​ക്ക​പ്പു​റ​ത്തേ​ക്കു​ള്ള സം​ഗീ​ത​ത്തി​ന്‍റെ ആ​​ഘോ​ഷ​ത്തി​ൽ ഗാ​യ​ക​രും കാ​ഴ്ച​ക്കാ​രും ഒ​രു​പോ​ലെ പ​ങ്കാ​ളി​ക​ളാ​യി. സം​ഗീ​ത​വും സൗ​ഹൃ​ദ​വും ഒ​ത്തു​ചേ​ർ​ന്ന​പ്പോ​ൾ ഒ​രു​പി​ടി ന​ല്ല നി​മി​ഷ​ങ്ങ​ളും ഒ​രു​പാ​ട്​ ഹൃ​ദ്യ​മാ​യ ഗാ​ന​ങ്ങ​ളും നെ​ഞ്ചി​ലേ​റ്റി​യാ​ണ്​ ഓ​രോ​രു​ത്ത​രും മ​ട​ങ്ങി​യ​ത്. കേ​ര​ളം ഏ​റ്റു​പാ​ടി​യ 'ഹൃ​ദ​യ'​ത്തി​ലെ പാ​ട്ടു​ക​ളു​മാ​യി ക​ഴി​ഞ്ഞ വ​ർ​ഷ​ത്തെ മി​ക​ച്ച സം​ഗീ​ത സം​വി​ധാ​യ​ക​നു​ള്ള അ​വാ​ർ​ഡ്​ നേ​ടി​യ ഗാ​യ​ക​ൻ ഹി​ഷാം അ​ബ്​​ദു​ൽ വ​ഹാ​ബാ​ണ്​ പാ​ട്ടു​ത്സ​വ​ത്തി​ന്‍റെ വ​ര​വ​റി​യി​ച്ച്​ ആ​ദ്യ​മെ​ത്തി​യ​ത്. 'ഹൃ​ദ​യ'​ത്തി​ലെ 'മ​ന​സ്സേ, മ​​ന​സ്സേ', പോ​യ വ​ർ​ഷം ഹി​റ്റ്​ ചാ​ർ​ട്ടി​ൽ ഒ​ന്നാ​മ​താ​യി​രു​ന്ന 'ദ​ർ​ശ​ന' എ​ന്നി​വ​യി​ലൂ​ടെ ഹി​ഷാം സം​ഗീ​ത​പ്രേ​മി​ക​ളു​ടെ മ​ന​സ്സ് കീ​ഴ​ട​ക്കി.

ഇ​ന്ത്യ​യു​ടെ വാ​ന​മ്പാ​ടി ല​ത മ​​ങ്കേ​ഷ്ക​റി​ന്‍റെ സ്മ​ര​ണാ​ഞ്ജ​ലി കൂ​ടി​യാ​യി രാ​വ്. ല​താ​ജി​ക്ക്​ ആ​ദ​ര​മ​ർ​പ്പി​ച്ച്​ ഗാ​യി​ക ജോ​ത്സ്യ​ന​യാ​ണെ​ത്തി​യ​ത്. ല​ത മ​​ങ്കേ​ഷ്ക​ർ അ​ന​ശ്വ​ര​മാ​ക്കി​യ 'ല​ഗ്​ ജാ ​ഗ​ലേ', 'ആ​പ്​ കി ​ന​സ്​​രോം നെ ​സം​ജാ', 'തൂ ​ജ​ഹാ ജ​ഹാ ജി​യേ​ഗാ', 'അ​ജീ​ബ്​ ദാ​സ്താ​ഹെ യേ' ​എ​ന്നി​വ​യൊ​ക്കെ പ്രി​യ ഗാ​യി​ക​യു​ടെ ഓ​ർ​മ പു​തു​ക്കി ജോ​ത്സ്യ​ന അ​വ​ത​രി​പ്പി​ച്ചു. അ​കാ​ല​ത്തി​ൽ പൊ​ലി​ഞ്ഞ സം​ഗീ​ത ന​ക്ഷ​ത്രം കെ.​കെ​ക്കു​ള്ള സ​മ​ർ​പ്പ​ണ​മാ​യി യു​വ​ഗാ​യ​ക​ൻ അ​ക്​​ബ​ർ ഖാ​ൻ 'ആ​ഖോം മേം ​തേ​രീ', 'സ​രാ സേ ​ഖാ​ബോം മേം', '​ക്യൂ ആ​ജ്​ ക​ൽ', 'തൂ ​ഹീ മേ​രി ഷ​ബ്​ ഹെ' ​എ​ന്നി​വ ആ​ല​പി​ച്ചു.

പു​തു​ത​ല​മു​റ​യെ ആ​വേ​ശ​ത്തി​ലാ​ഴ്​​ത്തി 'ഹ​ബീ​ബി ഹ​ബീ​ബി', 'ജൂം ​ബ​രാ​ബ​ർ ജൂം' ​എ​ന്നി​വ​യു​മാ​യി യും​ന അ​ജി​ലും 'ക്യൂ ​കി തും ​ഹീ ഹോ', '​തേ​രാ ഹോ​നേ ല​ഗാ ഹൂം' ​എ​ന്നി​വ​യു​മാ​യി അ​ക്​​ബ​ർ ഖാ​നും 'ജും ​ബ​രാ​ബ​ർ ജു'​മു​മാ​യി റി​സ്സ ഫാ​ത്തി​മ​യും അ​വി​സ്മ​ര​ണീ​യ മു​ഹൂ​ർ​ത്ത​ങ്ങ​ൾ സ​മ്മാ​നി​ച്ചു. എ​ല്ലാ ഗാ​യ​ക​രും അ​ണി​നി​ര​ന്നു 'മു​സ്ത​ഫാ മു​സ്ത​ഫാ' പാ​ടി​യ​തും സൗ​ഹൃ​ദ​ത്തി​ന്‍റെ ആ​ഘോ​ഷ​ക്കാ​ഴ്​​ച​യാ​യി.