വല്ലപ്പുഴ സ്വദേശി അൽഐനിൽ നിര്യാതനായി

അൽഐൻ: പാലക്കാട് വല്ലപ്പുഴ കുറുവട്ടൂർ സ്വദേശി അബ്ദുൽ മജീദ് (49) അൽഐനിലെ അൽഖുവയിൽ ഹൃദയാഘാതം മൂലം നിര്യാതനായി. അൽഖുവയിലെ റാഷിദലി കഫ്തീരിയ ജീവനക്കാരനായിരുന്നു. ഭാര്യ: സാജിത. മക്കൾ: മുജീബ് (അൽഐൻ), ബുഷ്‌റ, മുഹ്സിന. മരുമകൻ: മീരാൻ. പിതാവ്: പരേതനായ കൊടക്കാടൻ മൊയ്തുപ്പ. മാതാവ്: പരേതയായ ആസിയ. അൽഐൻ അൽ ജിമി ആശുപത്രി മോർച്ചറിയിൽ സൂക്ഷിച്ച മൃതദേഹം നടപടിക്രമങ്ങൾ പൂർത്തിയാക്കി നാട്ടിലേക് കൊണ്ടുപോകുമെന്ന് സന്നദ്ധപ്രവർത്തകനായ സമദ് പൂന്താനം അറിയിച്ചു.