മലപ്പുറം സ്വദേശി റാസൽഖൈമയിൽ നിര്യാതനായി

റാസൽ ഖൈമ: മലപ്പുറം പട്ടർനടക്കാവ് -മുട്ടിക്കാട് സ്വദേശി തൈവളപ്പിൽ ഹസൈനാർ (58) റാസൽഖൈമയിൽ നിര്യാതനായി. 36 വർഷമായി പ്രവാസിയായ ഹസൈനാർ ആറു വർഷമായി മേരീദ് ഫിഷ്മാർക്കറ്റിലെ റാസ് അൽ ഖൈമ മുനിസിപ്പാലിറ്റി ജീവനക്കാരാനാണ്.

എട്ട്​ മാസം മുൻപാണ് നാട്ടിൽ നിന്ന് എത്തിയത്. അടുത്ത മാസങ്ങളിൽ നാട്ടിൽ പോകാൻ ഉദേശിച്ചിരുന്നു. ഐ.സി.എഫ് ഫിഷ്മാർക്കറ്റ് യൂനിറ്റ് പ്രവർത്തകനായിരുന്നു. ഭാര്യ: സുബൈദ. മക്കൾ: ഫൈസൽ, സക്കീന, ഹസീന, മുഹ്സിന. മരുമക്കൾ: സൈനബ, അഷ്‌റഫ്‌, ഹംസകുട്ടി, ഉമർ. മൃതദേഹം നാട്ടിലെത്തിച്ച്​ ഖബറടക്കും.