ചാവക്കാട് സ്വദേശി റാസല്‍ ഖൈമയില്‍ വാഹനാപകടത്തിൽ മരിച്ചു

ചാവക്കാട്: റാസല്‍ ഖൈമയില്‍ വാഹനാപകടത്തിൽ ചാവക്കാട് സ്വദേശി മരിച്ചു. എടക്കഴിയൂര്‍ നാലാംകല്ല് പരേതനായ കറുപ്പംവീട്ടിൽ കുഞ്ഞിമോൻറെ മകൻ വൈശ്യംവീട്ടില്‍ ഉമ്മര്‍ ഹാജിയാണ് (58) മരിച്ചത്. ബുധനാഴ്ച്ച പുലർച്ചെ ജോലിക്ക് പോകുമ്പോഴായിരുന്നു അപകടം.

കഴിഞ്ഞ 35 കൊല്ലമായി പ്രവാസ ജീവിതം നയിക്കുന്ന ഇദ്ദേഹം നേരത്തെ സൗദിയിലും ഖത്തറിലും അബുദാബിയിലും ജോലി ചെയ്തിട്ടുണ്ട്. കുടുംബ സമേതമാണ് റാസൽഖൈമയിൽ താമസിക്കുന്നത്. കെ.എം.സി.സിയുടെയും സമസ്തയുടെയും സജീവ പ്രവർത്തകനാണ്.

ഭാര്യ: ആസിയ. മക്കൾ: ഉമ്മു ഹബീബ, ഉമ്മു സൽ‍മ. ഉമ്മുഖൈമ, മുഹമ്മദ് സായിദ്. മാതാവ്: പരേതയായ ഹവ്വാ ഉമ്മ. സഹോദരങ്ങൾ: അബ്ദുൽ അസീസ്, അബ്ദുൽ ഗഫൂർ, മുഹമ്മദ് കുട്ടി, ബഷീർ.