മെഡിക്കൽ ക്യാമ്പ് സംഘടിപ്പിച്ചു

അജ്‌മാൻ: എസ്.കെ.എസ്.എസ്‌.എഫ് അജ്‌മാൻ കണ്ണൂർ ജില്ല കമ്മിറ്റി ആഭിമുഖ്യത്തിൽ മെഡിക്കല്‍ ക്യാമ്പ് സംഘടിപ്പിച്ചു. ഒക്ടോബർ രണ്ടിന് നടക്കുന്ന 'ബഹറെ ത്വൈബ' പ്രചാരണാർഥം മെഡികെയര്‍ മെഡിക്കൽ സെന്‍ററും നെസ്റ്റോ ഹൈപ്പർ മാർക്കറ്റും ചേർന്നാണ് മെഡിക്കൽ ക്യാമ്പ് സംഘടിപ്പിച്ചത്. അജ്‌മാൻ റാഷിദിയ നെസ്‌റ്റോയിൽ നടന്ന ക്യാമ്പിൽ 150ഓളം പേർ പങ്കെടുത്തു. അമീർ ഹുദവിയുടെ അധ്യക്ഷതയിൽ അജ്‌മാൻ എസ്.കെ.എസ്.എസ്‌.എഫ് പ്രസിഡന്‍റ് അനസ് അസ് അദി ഉദ്ഘാടനം ചെയ്തു. അബ്ദുൽ കരീം ഫൈസി, ഷിഹാസ് സുൽത്താൻ, മുഹ്സിൻ വിളക്കോട്, റയീസ് കല്ലായി, റംഷാദ്, റിയാസ്, ഷഫീർ, മുനീർ, ബഷീർ മാസ്റ്റർ, അസീം, സൈനുദ്ദീൻ, പി.കെ. ഹാഷിം, ഷിഹാദ്, മൂഹിബ്ബ്, സാദിഖ്, നജ്മുദ്ദീൻ, ഹുസൈൻ തുടങ്ങിയവർ പങ്കെടുത്തു.