'തൊഴില്‍ കെണി'യില്‍നിന്ന് രക്ഷപ്പെട്ട ആശ്വാസത്തില്‍ മലയാളി യുവതി

റാ​സ​ല്‍ഖൈ​മ: തൊ​ഴി​ല്‍ വാ​ഗ്ദാ​ന​ത്തി​ല്‍ ക​ണ്ണു​മ​ട​ച്ച് വി​ശ്വ​സി​ച്ച് പ​ല​വി​ധ ത​ട്ടി​പ്പു​ക​ളി​ലും അ​ക​പ്പെ​ടു​ന്ന​തി​ല്‍ മ​ല​യാ​ളി​ക​ളെ​ന്നും മു​ന്‍പ​ന്തി​യി​ലാ​ണ്. ജോ​ലി സ്വ​പ്നം ക​ണ്ട് ചെ​റി​യ തു​ക മു​ത​ല്‍ ല​ക്ഷ​ങ്ങ​ള്‍വ​രെ ശ​മ്പ​ളം വാ​ഗ്ദാ​നം ചെ​യ്യു​ന്ന​വ​ര്‍ക്ക് സ്വ​രു​ക്കൂ​ട്ടി ന​ല്‍കാ​ന്‍ നാ​ട്ടി​ലാ​യാ​ലും മ​റു​നാ​ട്ടി​ലാ​യാ​ലും മ​ല​യാ​ളി ത​യാ​റാ​ണ്. ഗ​ള്‍ഫ് നാ​ടു​ക​ളി​ല്‍ തൊ​ഴി​ല്‍ ത​ട്ടി​പ്പ് മാ​ഫി​യ​ക​ളു​ടെ കൈ​ക​ളി​ല​ക​പ്പെ​ടു​ന്ന ഹ​ത​ഭാ​ഗ്യ​ര്‍ക്ക് മാ​ധ്യ​മ​ങ്ങ​ളും സാ​മൂ​ഹി​ക പ്ര​വ​ര്‍ത്ത​ക​രും വി​വി​ധ കൂ​ട്ടാ​യ്മ​ക​ളും സു​മ​ന​സ്സു​ക​ളു​ടെ കൈ​യ​ഴി​ഞ്ഞ സ​ഹാ​യ​വു​മാ​ണ് ര​ക്ഷ​ക്കെ​ത്താ​റ്. വി​ദേ​ശ​ജോ​ലി തേ​ടു​ന്ന​വ​രു​ടെ സു​ര​ക്ഷ ഉ​റ​പ്പു​വ​രു​ത്തു​ന്ന​തി​ന്​ കേ​ന്ദ്ര-​സം​സ്ഥാ​ന സ​ര്‍ക്കാ​ര്‍ സം​വി​ധാ​ന​ങ്ങ​ളു​ണ്ടെ​ങ്കി​ലും ഇ​തി​നെ​യെ​ല്ലാം മ​റി​ക​ട​ക്കു​ന്ന​താ​ണ് വ്യാ​ജ തൊ​ഴി​ല്‍-​സെ​ക്സ് മാ​ഫി​യ​യു​ടെ പ്ര​വ​ര്‍ത്ത​ന​മെ​ന്ന​തി​ലേ​ക്ക് വി​ര​ല്‍ചൂ​ണ്ടു​ന്ന​താ​ണ് അ​ഞ്ച് ദി​വ​സം മു​മ്പ് സ​ന്ദ​ര്‍ശ​ക വി​സ​യി​ല്‍ ദു​ബൈ​യി​ലെ​ത്തി ജോ​ലി​യി​ല്‍ പ്ര​വേ​ശി​ച്ച മ​ല​യാ​ളി യു​വ​തി​യു​ടെ ദു​ര​നു​ഭ​വം. സാ​മൂ​ഹി​ക പ്ര​വ​ര്‍ത്ത​ക​നി​ലൂ​ടെ വി​വ​ര​മ​റി​ഞ്ഞ ഇ​ന്ത്യ​ന്‍ കോ​ണ്‍സു​ലേ​റ്റി​ന്‍റെ ത​ന്ത്ര​പ​ര​വും ച​ടു​ല​വു​മാ​യ നീ​ക്കം 20 വ​യ​സ്സു​കാ​രി​യെ 'തൊ​ഴി​ല്‍ കെ​ണി'​യി​ല്‍നി​ന്ന് മോ​ച​നം സാ​ധ്യ​മാ​ക്കി നാ​ട​ണ​യാ​ന്‍ സ​ഹാ​യി​ച്ചു.

വ്യാ​ഴാ​ഴ്ച ഉ​ച്ച​ക്ക് 12നാ​ണ് തി​രു​വ​ന​ന്ത​പു​രം ജി​ല്ല​യി​ല്‍നി​ന്നു​ള്ള മ​ല​യാ​ളി യു​വ​തി ഒ​രു സ്ഥാ​പ​ന​ത്തി​ല്‍ 'കെ​ണി'​യി​ല​ക​പ്പെ​ട്ടി​രി​ക്കു​ന്ന വി​വ​രം യു.​എ.​ഇ​യി​ലെ സാ​മൂ​ഹി​ക പ്ര​വ​ര്‍ത്ത​ക​ന് ല​ഭി​ക്കു​ന്ന​ത്. രേ​ഖാ​മൂ​ലം ല​ഭി​ച്ച വി​വ​ര​ങ്ങ​ൾ സാ​മൂ​ഹി​ക പ്ര​വ​ര്‍ത്ത​ക​ന്‍ കോ​ണ്‍സു​ലേ​റ്റി​ന് കൈ​മാ​റു​ക​യും പെ​ണ്‍കു​ട്ടി​യെ ര​ക്ഷ​പ്പെ​ടു​ത്താ​ന്‍ ന​ട​പ​ടി സ്വീ​ക​രി​ക്ക​ണ​മെ​ന്നാ​വ​ശ്യ​പ്പെ​ടു​ക​യും ചെ​യ്തു. ഉ​ദ്യോ​ഗ​സ്ഥ​ര്‍ സ്ഥാ​പ​ന ഉ​ട​മ​യു​മാ​യി ബ​ന്ധ​പ്പെ​ടു​ക​യും യു​വ​തി​യെ ഇ​ഷ്ട​മി​ല്ലാ​ത്ത തൊ​ഴി​ല്‍ ചെ​യ്യാ​ന്‍ നി​ര്‍ബ​ന്ധി​ക്ക​രു​തെ​ന്ന താ​ക്കീ​ത് ന​ല്‍കു​ക​യും ഉ​ട​ന്‍ നാ​ട്ടി​ലെ​ത്തി​ക്കു​ന്ന​തി​ന് ന​ട​പ​ടി സ്വീ​ക​രി​ക്ക​ണ​മെ​ന്നും ആ​വ​ശ്യ​പ്പെ​ട്ടു. സം​ഗ​തി പ​ന്തി​യ​ല്ലെ​ന്ന് തോ​ന്നി​യ സ്ഥാ​പ​ന ഉ​ട​മ യു​വ​തി​യെ കോ​ണ്‍സു​ലേ​റ്റി​ല്‍ എ​ത്തി​ക്കാ​മെ​ന്ന​റി​യി​ച്ചു. ഉ​ട​ന്‍ നാ​ട്ടി​ലെ​ത്തി​ച്ചാ​ല്‍ മ​തി​യെ​ന്ന അ​ധി​കൃ​ത​രു​ടെ നി​ർ​ദേ​ശ​ത്തെ​ത്തു​ട​ര്‍ന്ന് വ്യാ​ഴാ​ഴ്ച രാ​ത്രി​ത​ന്നെ ദു​ബൈ​യി​ല്‍നി​ന്ന് തി​രു​വ​ന​ന്ത​പു​ര​ത്തേ​ക്കു​ള്ള വി​മാ​ന ടി​ക്ക​റ്റെ​ടു​ത്ത് ന​ല്‍കി​യ സ്ഥാ​പ​ന ഉ​ട​മ പ്ര​ശ്ന​ത്തി​ല്‍നി​ന്ന് ത​ല​യൂ​രു​ക​യാ​യി​രു​ന്നു.

സി​വി​ല്‍ ഏ​വി​യേ​ഷ​ന്‍ കോ​ഴ്സ് പൂ​ര്‍ത്തി​യാ​ക്കി​യ നി​ര്‍ധ​ന കു​ടും​ബ​ത്തി​ലെ അം​ഗ​മാ​ണ് താ​നെ​ന്നാ​ണ് യു​വ​തി സ്വ​യം പ​രി​ച​യ​പ്പെ​ടു​ത്തു​ന്ന​ത്. പ​രി​ച​യ​ക്കാ​ര്‍ മു​ഖേ​ന​യാ​ണ് സ​ന്ദ​ര്‍ശ​ക വി​സ ല​ഭി​ച്ച​തും ദു​ബൈ​യി​ല്‍ എ​ത്തി​യ​തും. താ​ന്‍ പ​ഠി​ച്ച​തു​മാ​യി ബ​ന്ധ​പ്പെ​ട്ട റി​സ​പ്ഷ​ന്‍ ജോ​ലി​യാ​ണ് ഹോ​ട്ട​ലി​ല്‍ ത​നി​ക്ക് വാ​ഗ്ദാ​നം ന​ല്‍കി​യി​രു​ന്ന​ത്. ഇ​വി​ടെ​യെ​ത്തി ആ​ദ്യ ദി​നം സ​ന്തോ​ഷ​ക​ര​മാ​യി​രു​ന്നു. ര​ണ്ടാം ദി​നം ത​ന്നെ ജോ​ലി തു​ട​ങ്ങി. റി​സ​പ്ഷ​നി​ല്‍ ജോ​ലി ചെ​യ്യു​ന്ന​തി​നി​ടെ ഹോ​ട്ട​ലി​ലെ 'സ്പാ' ​സെ​ക്ഷ​നി​ലും ജോ​ലി ചെ​യ്യ​ണ​മെ​ന്ന നി​ർ​ദേ​ശം​വ​ന്നു. സ്ഥാ​പ​ന ന​ട​ത്തി​പ്പു​കാ​ര​ന്‍റെ​യും ജോ​ലി​ക്കാ​രി മ​ല​യാ​ളി സ്ത്രീ​യു​ടെ​യും ക​ര്‍ശ​ന ആ​വ​ശ്യ​ത്തി​ന്​ വ​ഴ​ങ്ങി 'സ്പാ' ​ജോ​ലി ചെ​യ്യാ​ന്‍ നി​ര്‍ബ​ന്ധി​ത​യാ​യി.

ഒ​രി​ക്ക​ലും മു​ന്നോ​ട്ടു​പോ​കാ​ന്‍ വ​യ്യാ​ത്ത​വി​ധം ദു​ഷ്ക​ര​മാ​യ തൊ​ഴി​ല്‍ അ​ന്ത​രീ​ക്ഷ​ത്തി​ലാ​ണ് വ​ന്നു​പെ​ട്ടി​രി​ക്കു​ന്ന​തെ​ന്ന യാ​ഥാ​ര്‍ഥ്യം തി​രി​ച്ച​റി​ഞ്ഞ​തോ​ടെ വി​വ​രം നാ​ട്ടി​ൽ അ​റി​യി​ച്ചു. ഇ​തു​വ​ഴി യു.​എ.​ഇ​യി​ലെ സാ​മൂ​ഹി​ക പ്ര​വ​ര്‍ത്ത​ക​ന്‍റെ ന​മ്പ​ര്‍ ല​ഭി​ച്ചു. ത​ന്‍റെ ദു​ര​വ​സ്ഥ അ​ദ്ദേ​ഹ​ത്തെ അ​റി​യി​ച്ചു. ഈ ​രം​ഗ​ത്ത് സ​ന്തോ​ഷ​ത്തോ​ടെ ജോ​ലി​ചെ​യ്യു​ന്ന​വ​രു​ണ്ട്, അ​റി​യാ​തെ വ​ന്നു​പെ​ട്ട് ര​ക്ഷ​പ്പെ​ടാ​ന്‍ വ​ഴി​യി​ല്ലാ​തെ നി​ര്‍ബ​ന്ധി​ത​രാ​യി തു​ട​രു​ന്ന​വ​രു​മു​ണ്ടെ​ന്നും യു​വ​തി പ​റ​യു​ന്നു. ത​ന്‍റെ ദു​ര​വ​സ്ഥ ബ​ന്ധ​പ്പെ​ട്ട​വ​രെ അ​റി​യി​ച്ച​തി​ന്‍റെ പേ​രി​ല്‍ സ്ഥാ​പ​ന​ത്തി​ലെ സ്ത്രീ​യി​ല്‍നി​ന്ന് പീ​ഡ​ന​മേ​ല്‍ക്കേ​ണ്ടി വ​ന്നു. ഭാ​ഗ്യം​കൊ​ണ്ടാ​ണ് ത​ല ചു​മ​രി​ല്‍ ഇ​ടി​ക്കാ​തി​രു​ന്ന​ത്. കൈ​യി​ലു​ണ്ടാ​യി​രു​ന്ന പ​ണ​വും ഫോ​ണും അ​വ​ര്‍ എ​ടു​ത്തു. നാ​ട്ടി​ലെ​ത്തി​യാ​ല്‍ സ്വ​സ്ഥ​മാ​യി ജീ​വി​ക്കാ​മെ​ന്ന് ക​രു​തേ​ണ്ടെ​ന്ന് സ്ഥാ​പ​ന ഉ​ട​മ​യും സ്ത്രീ​യും ഭീ​ഷ​ണി​പ്പെ​ടു​ത്തി​യ​താ​യും യു​വ​തി തു​ട​ര്‍ന്നു.

വീ​ട്ടു ജോ​ലി​ക്കും മ​റ്റും വി​ദേ​ശ​ത്തേ​ക്ക് ത​നി​ച്ച് പോ​കു​ന്ന സ്ത്രീ​ക​ള്‍ക്ക് പ്ര​ത്യേ​ക എ​മി​ഗ്രേ​ഷ​ന്‍ പ്രോ​ട്ടോ​കോ​ളു​ക​ള്‍ നി​ല​വി​ലു​ള്ള രാ​ജ്യ​മാ​ണ് ഇ​ന്ത്യ. കാ​ല​ങ്ങ​ളാ​യി ഇ​ത് ക​ര്‍ശ​ന​മാ​യി പാ​ലി​ക്ക​പ്പെ​ടു​ന്നു​മു​ണ്ട്.

സ്ത്രീ​ക​ളെ തൊ​ഴി​ല്‍ വി​സ​ക​ളി​ലും സ​ന്ദ​ര്‍ശ​ക വി​സ​യി​ലും മ​റു​നാ​ട്ടി​ലേ​ക്ക​യ​ക്കു​മ്പോ​ള്‍ പാ​ലി​ക്കേ​ണ്ട മാ​ന​ദ​ണ്ഡ​ങ്ങ​ളി​ല്‍ കൂ​ടു​ത​ല്‍ ജാ​ഗ്ര​ത പു​ല​ര്‍ത്തേ​ണ്ട​തി​ലേ​ക്ക് കേ​ന്ദ്ര-​സം​സ്ഥാ​ന സ​ര്‍ക്കാ​റു​ക​ളു​ടെ​യും ഉ​ദ്യോ​ഗ​സ്ഥ​രു​ടെ​യും ശ്ര​ദ്ധ ക്ഷ​ണി​ക്കു​ന്ന​താ​ണ് യു​വ​തി​യു​ടെ ദു​ര​നു​ഭ​വം