ജീവനക്കാർ ഒളിച്ചോടിയതായി വ്യാജ പരാതി നൽകിയാൽ 5000 ദിർഹം പിഴ

ദുബൈ: ജീവനക്കാർ ഒളിച്ചോടിയതായി അനാവശ്യമായി പരാതി നൽകിയാൽ 5000 ദിർഹം പിഴ ലഭിക്കുമെന്ന്​ ദുബൈ എമിഗ്രേഷൻ. ജീവനക്കാർക്കെതിരെ അനാവശ്യമായ അബ്​സ്​കോണ്ടിങ്​ കേസുകൾ നൽകുന്നത്​ ശ്രദ്ധയിൽപെട്ടതി​െൻറ അടിസ്​ഥാനത്തിലാണ്​ അധികൃതർ മുന്നറിയിപ്പ്​ നൽകിയത്​.

തൊഴിലിടങ്ങളിൽനിന്ന് ഒളിച്ചോടുന്ന ജീവനക്കാരുടെ വിവരങ്ങൾ ബന്ധപ്പെട്ട അധികാരകേന്ദ്രങ്ങളിൽ റിപ്പോർട്ട് ചെയ്യണമെന്ന നിയമുണ്ട്. ഇതി​െൻറ മറവിൽ തക്കതായ കാരണങ്ങൾ ഇല്ലാതെ ജീവനക്കാരുടെ അവകാശങ്ങൾ ഹനിക്കപ്പെടുന്ന പ്രവണതയുണ്ട്. സ്​ഥാപനത്തിൽനിന്ന്​ ഒഴിവാകുന്ന ജീവനക്കാർക്കെതിരെ പ്രതികാര മനോഭാവത്തോടെ അബ്​സ്​കോണ്ടിങ്​ കേസുകൾ നൽകുന്നവരുണ്ട്​.

ഈ സാഹചര്യത്തിലാണ് അറിയിപ്പ്. തൊഴിലാളികളുടെ ന്യായമായ അവകാശങ്ങളും ആനുകൂല്യങ്ങളും സംരക്ഷിക്കപ്പെടുന്ന രാജ്യമാണ് യു.എ.ഇ. അധികൃതർ അനുമതി നൽകിയ തൊഴിലിടങ്ങളിൽ മാത്രമേ തൊഴിലാളികൾക്ക് ജോലി ചെയ്യാൻ നിയമം അനുശാസിക്കുന്നുള്ളൂ. ജനറൽ ഡയറക്ടറേറ്റ് ഓഫ് റെസിഡൻസി ആൻഡ് ഫോറിനേഴ്സ് അഫയേഴ്സി​െൻറ സമൂഹമാധ്യമങ്ങളിലൂടെയാണ് മുന്നറിയിപ്പ്​ നൽകിയത്​.

എന്താണ്​ അബ്​സ്​കോണ്ടിങ്​ കേസ്​​

നിശ്ചിതദിവസം കഴിഞ്ഞും ജോലിക്ക്​ ഹാജരായില്ലെങ്കിൽ ​ജീവനക്കാരനെത​ിരെ തൊഴിലുടമ നൽകുന്ന പരാതിയാണ്​ അബ്​സ്​കോണ്ടിങ്​ കേസ്​. ഉറൂബ്​ എന്നും ഇതി​െന പറയും. തൊഴിലുടമ ത​െൻറ ഭാഗം കുറ്റമറ്റതാക്കാൻ നൽകുന്ന കേസാണിത്​. എന്നാൽ, വ്യക്​തിവിരോധം തീർക്കാൻ ഇത്​ ഉപയോഗിക്കുന്നു എന്നും പരാതി ഉയരാറുണ്ട്​.

ജീവനക്കാരൻ ചെയ്യുന്ന കുറ്റങ്ങൾക്ക്​ ഭാഗിക ഉത്തരവാദിത്തം വിസ സ്​പോൺസർ ചെയ്യുന്ന തൊഴിലുടമക്കുണ്ട്​. അതിനാൽ, ജീവനക്കാരൻ വിസ റദ്ദാക്കാതെ സ്​ഥാപനം വിടുകയോ ജോലിക്ക്​ ഹാജരാകാതിരിക്കുകയോ ചെയ്​താൽ തൊഴിലുടമ അബ്​സ്​കോണ്ടിങ്​ കേസ്​ നൽകും. അല്ലാത്തപക്ഷം, തൊഴിലാളി മറ്റൊരിടത്ത്​ ജോലിചെയ്​ത്​ പിടിക്കപ്പെട്ടാൽ പഴയ തൊഴിലുടമ 50,000 ദിർഹം പിഴ അടക്കണം.

തൊഴിലാളി 1000 ദിർഹമും അടക്കണം. ഇത്​ ഒഴിവാക്കാനാണ്​ അബ്​സ്​കോണ്ടിങ്​ കേസ്​ നൽകുന്നത്​. തൊഴിലാളിയുടെ വാദം ന്യായമാണെന്ന്​ തോന്നിയാൽ തൊഴിലുടമയുടെ അനുവാദമില്ലാതെ കോടതി കേസ്​ പിൻവലിക്കും. തൊഴിലാളി തെറ്റുകാരനാണെന്ന്​ കണ്ടെത്തിയാൽ പിഴ അടക്കേണ്ടിവരും.