യു.​എ.​ഇ-​കു​വൈ​ത്ത്​ സ​ഹ​ക​ര​ണ​ത്തി​ൽ വ​ൻ ല​ഹ​രി​വേ​ട്ട

ദു​ബൈ: യു.​എ.​ഇ- കു​വൈ​ത്ത്​ ആ​ഭ്യ​ന്ത​ര മ​ന്ത്രാ​ല​യ​ങ്ങ​ൾ സം​യു​ക്ത​മാ​യി ന​ട​ത്തി​യ നീ​ക്ക​ത്തി​ലൂ​ടെ കു​വൈ​ത്തി​ൽ കോ​ടി​ക​ൾ വി​ല​മ​തി​ക്കു​ന്ന മ​യ​ക്കു​മ​രു​ന്ന് പി​ടി​കൂ​ടി. ക​ട​ൽ മാ​ർ​ഗം ക​ണ്ടെ​യ്​​ന​റി​ൽ എ​ത്തി​ച്ച നൂ​റു​കി​ലോ ക്രി​സ്റ്റ​ൽ മെ​ത്തും പ​ത്തു​കി​ലോ ഹെ​റോ​യി​നു​മാ​ണ്​​ പി​ടി​കൂ​ടി​യ​ത്. ഇ​തി​ന്​ വി​പ​ണി​യി​ൽ ഏ​താ​ണ്ട്​ 37 ല​ക്ഷം ദി​ർ​ഹം വി​ല​വ​രും. അ​ന്താ​രാ​ഷ്ട്ര മ​യ​ക്കു​മ​രു​ന്ന് ശൃം​ഖ​ല​യു​മാ​യി ബ​ന്ധ​മു​ള്ള​വ​രാ​ണ് ക​ട​ത്തി​ന് പി​ന്നി​ൽ. സം​ഭ​വ​ത്തി​ൽ അ​ഫ്​​ഗാ​ൻ പൗ​ര​ൻ​മാ​ർ ഉ​ൾ​പ്പെ​ടെ നി​ര​വ​ധി പ്ര​തി​ക​ൾ പി​ടി​യി​ലാ​യി. ക​ട​ൽ വ​ഴി എ​ത്തി​യ ക​ണ്ടെ​യ്‌​ന​റി​നെ​ക്കു​റി​ച്ചു​ള്ള ര​ഹ​സ്യ​വി​വ​ര​ത്തി​ന്‍റെ അ​ടി​സ്ഥാ​ന​ത്തി​ൽ ന​ട​ത്തി​യ നീ​ക്ക​ത്തി​ലാ​ണ് ഇ​വ പി​ടി​ച്ചെ​ടു​ത്ത​ത്. ക​സ്റ്റം​സു​മാ​യി സ​ഹ​ക​രി​ച്ച് ഷു​വൈ​ഖ് തു​റ​മു​ഖ​ത്തു​നി​ന്ന് ക​ണ്ടെ​യ്ന​ർ പി​ന്തു​ട​ർ​ന്ന്​ പി​ടി​ച്ചെ​ടു​ക്കു​ക​യാ​യി​രു​ന്നു. ഫ​യ​ർ​ഫോ​ഴ്‌​സി​ന്റെ സ​ഹാ​യ​ത്താ​ൽ ക​ണ്ടെ​യ്ന​ർ തു​റ​ന്ന് ന​ട​ത്തി​യ പ​രി​ശോ​ന​യി​ലാ​ണ് വ​ൻ തോ​തി​ൽ ല​ഹ​രി​വ​സ്തു​ക്ക​ൾ ക​ണ്ടെ​ത്തി​യ​ത്.

ഒ​ന്നാം ഉ​പ​പ്ര​ധാ​ന​മ​ന്ത്രി​യും ആ​ഭ്യ​ന്ത​ര മ​ന്ത്രി​യു​മാ​യ ശൈ​ഖ് ഫ​ഹ​ദ് യൂ​സ​ഫ് സൗ​ദ് അ​സ്സ​ബാ​ഹി​ന്‍റെ മേ​ൽ​നോ​ട്ട​ത്തി​ലാ​യി​രു​ന്നു ഓ​പ​റേ​ഷ​ൻ. ല​ഹ​രി പി​ടി​കൂ​ടു​ന്ന​തി​ലേ​ക്ക് ന​യി​ച്ച ഇ​ന്‍റ​ലി​ജ​ൻ​സ് സ​ഹ​ക​ര​ണ​ത്തി​ന് യു.​എ.​ഇ ഉ​പ​പ്ര​ധാ​ന​മ​ന്ത്രി ശൈ​ഖ് സെ​യ്ഫ് ബി​ൻ സാ​യി​ദ് ആ​ൽ ന​ഹ്​​യാ​ന്​ ശൈ​ഖ് ഫ​ഹ​ദ് യൂ​സ​ഫ് സൗ​ദ് അ​സ്സ​ബാ​ഹ് ന​ന്ദി അ​റി​യി​ച്ചു. തു​ട​ർ​ച്ച​യാ​യ സു​ര​ക്ഷ ഏ​കോ​പ​ന​ത്തി​ന്‍റെ പ്രാ​ധാ​ന്യം അ​ദ്ദേ​ഹം ഊ​ന്നി​പ്പ​റ​ഞ്ഞു.മ​യ​ക്കു​മ​രു​ന്ന് ഭീ​ഷ​ണി നേ​രി​ടു​ന്ന​തി​നും ദേ​ശീ​യ സു​ര​ക്ഷ സം​ര​ക്ഷി​ക്കു​ന്ന​തി​നും ശ​ക്ത​മാ​യ സു​ര​ക്ഷ പ​രി​ശോ​ധ​ന​ക​ൾ തു​ട​രു​മെ​ന്ന് ആ​ഭ്യ​ന്ത​ര മ​ന്ത്രാ​ല​യം വ്യ​ക്ത​മാ​ക്കി.