ദേ​ശീ​യ ഐ​ക്യ​ത്തി​ന്​ ആ​ദ​രം; ഏ​ഴ്​ പ​ള്ളി​ക​ൾ​ക്ക്​ ‘അ​ൽ ന​ഖ്​​വ’ എ​ന്ന്​ പു​ന​ർനാമകരണം

ദു​ബൈ: ദേ​ശീ​യ ഐ​ക്യ​ദാ​ർ​ഢ്യ​ത്തി​ന്‍റെ​യും രാ​ജ്യ​ത്തി​ന്‍റെ ധീ​ര​ത​യു​ടെ​യും ദി​ന​മാ​യ ജ​നു​വ​രി 17ന്‍റെ ഓ​ർ​മ​യി​ൽ ഏ​ഴ്​ പ​ള്ളി​ക​ൾ​ക്ക്​ ‘അ​ൽ ന​ഖ്​​വ’ എ​ന്ന്​ പേ​രി​ട്ടു. ധീ​ര​ത, അ​തി​ജീ​വ​ന​ശേ​ഷി എ​ന്ന​ല്ലാം അ​ർ​ഥ​മു​ള്ള അ​റ​ബി പ​ദ​മാ​ണി​ത്. ഇ​സ്​​ലാ​മി​ക കാ​ര്യ, വ​ഖ്​​ഫ്, സ​കാ​ത്​ വ​കു​പ്പാ​ണ്​ പു​ന​ർ​നാ​മ​ക​ര​ണം സം​ബ​ന്ധി​ച്ച്​ തീ​രു​മാ​ന​മെ​ടു​ത്ത​ത്.

ത്യാ​ഗ​ത്തി​ന്‍റെ മ​നോ​ഭാ​വം ഉ​യ​ർ​ത്തി​പ്പി​ടി​ക്കാ​നും രാ​ജ്യ​ത്തി​ന്‍റെ നേ​ട്ട​ങ്ങ​ൾ സം​ര​ക്ഷി​ക്കാ​നും ഏ​ത് ഭീ​ഷ​ണി​ക്കെ​തി​രെ​യും ഉ​റ​ച്ചു​നി​ൽ​ക്കാ​നും ഭാ​വി ത​ല​മു​റ​ക​ളെ പ്ര​ചോ​ദി​പ്പി​ക്കു​ക​യാ​ണ് ഇ​തി​ലൂ​ടെ ല​ക്ഷ്യ​മി​ടു​ന്ന​തെ​ന്ന്​ അ​തോ​റി​റ്റി ചെ​യ​ർ​മാ​ൻ ഡോ. ​ഉ​മ​ർ ഹ​ബ്​​തൂ​ർ അ​ൽ ദാ​രി​അ്​ പ​റ​ഞ്ഞു. യു.​എ.​ഇ​യി​ലെ മ​ത-​സാം​സ്കാ​രി​ക ജീ​വി​ത​ത്തി​ൽ ഐ​ക്യ​ത്തി​നും ദേ​ശ​സ്നേ​ഹ​ത്തി​നു​ള്ള പ്ര​ധാ​ന്യ​ത്തെ ഉ​യ​ർ​ത്തി​ക്കാ​ണി​ക്കു​ന്ന​താ​ണ്​ ‘അ​ൽ ന​ഖ്​​വ’ എ​ന്ന പേ​രു​മാ​റ്റ​മെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.

2022 ജ​നു​വ​രി 17ന്‍റെ ഹൂ​തി ആ​ക്ര​മ​ണ​ത്തി​ന്‍റെ വാ​ർ​ഷി​ക​ദി​ന​മാ​യ വെ​ള്ളി​യാ​ഴ്ച​ യു.​എ.​ഇ ഭ​ര​ണാ​ധി​കാ​രി​ക​ൾ സ​മൂ​ഹ​മാ​ധ്യ​മ​ങ്ങ​ളി​ൽ രാ​ജ്യ​ത്തി​ന്‍റെ ധീ​ര​ത​യെ പ്ര​ശം​സി​ച്ച്​ കു​റി​പ്പി​ട്ടി​രു​ന്നു. രാ​ജ്യ​ത്തി​ന്‍റെ അ​തി​ജീ​വ​ന ക​രു​ത്തി​നെ​യും ഐ​ക്യ​ദാ​ർ​ഡ്യ​ത്തെ​യും ധീ​ര​ത​യെ​യും യു.​എ.​ഇ ​പ്ര​സി​ഡ​ൻ​റ്​ ശൈ​ഖ്​ മു​ഹ​മ്മ​ദ്​ ബി​ൻ സാ​യി​ദ്​ ആ​ൽ ന​ഹ്​​യാ​ൻ, യു.​എ.​ഇ വൈ​സ്​ പ്ര​സി​ഡ​ൻ​റും ​പ്ര​ധാ​ന​മ​ന്ത്രി​യും ദു​ബൈ ഭ​ര​ണാ​ധി​കാ​രി​യു​മാ​യ ശൈ​ഖ്​ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂം തു​ട​ങ്ങി​യ​വ​രാ​ണ്​ പ്ര​ശം​സി​ച്ച​ത്.

ഇ​തി​ന്‍റെ തു​ട​ർ​ച്ച​യാ​യാ​ണ്​ പ​ള്ളി​ക​ൾ​ക്ക്​ പേ​രു​ക​ൾ ന​ൽ​കി​യി​രി​ക്കു​ന്ന​ത്. അ​ബൂ​ദ​ബി അ​ല്‍ അ​സാ​യി​ല്‍ റോ​ഡി​ന്‍റെ പേ​രും ‘അ​ല്‍ ന​ഖ്​​വ സ്ട്രീ​റ്റ്’ എ​ന്ന്​ മാ​റ്റി​യി​രു​ന്നു. ഖ​ലീ​ഫ സി​റ്റി​യി​ലെ പ്ര​ധാ​ന തെ​രു​വു​ക​ളി​ലൊ​ന്നാ​ണ് അ​ല്‍ ന​ഖ്​​വ സ്ട്രീ​റ്റ്.