2030ൽ ​യു.​എ.​ഇ​യി​ൽ 6ജി ​നെ​റ്റ്​​വ​ർ​ക്ക്

ദു​ബൈ: അ​തി​വേ​ഗം ന​വീ​ന സാ​​ങ്കേ​തി​ക​വി​ദ്യ​ക​ൾ ന​ട​പ്പാ​ക്കു​ന്ന യു.​എ.​ഇ​യി​ൽ 2030ഓ​ടെ 6ജി ​എ​ത്തു​മെ​ന്ന്​ അ​ധി​കൃ​ത​ർ. ഇ​തി​ന്​ മു​ന്നോ​ടി​യാ​യി ന​ട​പ്പാ​ക്കേ​ണ്ട ന​ട​പ​ടി​ക​ൾ​ക്കാ​യി ഇ​മാ​റാ​ത്തി ടെ​ലി​ക​മ്യൂ​ണി​ക്കേ​ഷ​ൻ ക​മ്പ​നി​യാ​യ ‘ഡു’​വും ബ​ഹു​രാ​ഷ്ട്ര ക​മ്പ​നി​യാ​യ ‘വാ​വേ’​യും ധാ​ര​ണ​പ​ത്ര​ത്തി​ൽ ഒ​പ്പു​വെ​ച്ചു. ഇ​രു​ക​മ്പ​നി​ക​ളും ദീ​ർ​ഘ​കാ​ല പ​ങ്കാ​ളി​ത്ത​ത്തി​നാ​ണ്​ ഞാ​യ​റാ​ഴ്ച ബാ​ഴ്സ​ലോ​ണ മൊ​ബൈ​ൽ വേ​ൾ​ഡ് കോ​ൺ​ഗ്ര​സി​ൽ ഒ​പ്പു​വെ​ച്ച ക​രാ​റി​ലൂ​ടെ തു​ട​ക്കം കു​റി​ച്ചി​രി​ക്കു​ന്ന​ത്. നി​ല​വി​ൽ 5ജി ​ന​ട​പ്പാ​ക്കി​യ രാ​ജ്യ​ത്ത്​ ആ​ദ്യ​ഘ​ട്ട​ത്തി​ൽ 5.5ജി ​എ​ത്തി​ക്കാ​നാ​ണ്​ ധാ​ര​ണ​പ​ത്ര​ത്തി​ൽ തീ​രു​മാ​ന​മാ​യി​ട്ടു​ള്ള​ത്. സാ​ങ്കേ​തി​ക ന​വീ​ക​ര​ണ​ത്തി​ലൂ​ടെ ഉ​പ​യോ​ക്തൃ അ​നു​ഭ​വം മെ​ച്ച​പ്പെ​ടു​ത്താ​നും 5.5ജി ​വി​ക​സ​നം എ​ളു​പ്പ​മാ​ക്കാ​നും ക​രാ​ർ സ​ഹാ​യി​ക്കും. ​

ലോ​ക​ത്ത്​ പ​ല രാ​ജ്യ​ങ്ങ​ളും 3ജി, 4​ജി നെ​റ്റ്​​വ​ർ​ക്കു​ക​ളി​ൽ തു​ട​രു​മ്പോ​ഴാ​ണ്​ യു.​എ.​ഇ 6ജി​ക്ക്​ വേ​ണ്ട മു​ന്നൊ​രു​ക്കം ആ​രം​ഭി​ച്ചി​രി​ക്കു​ന്ന​ത്. പ​ശ്ചി​മേ​ഷ്യ​യി​ലെ മൊ​ബൈ​ൽ ടെ​ക്​​നോ​ള​ജി വി​പ​ണി​യു​ടെ വ​ലി​യ ശ​ത​മാ​നം നേ​ടി​യെ​ടു​ക്കാ​ൻ ല​ക്ഷ്യം​വെ​ച്ചാ​ണ്​ ‘ഡു’ ​സു​പ്ര​ധാ​ന നീ​ക്കം ന​ട​ത്തി​യി​ട്ടു​ള്ള​ത്. 5.5ജി ​ടെ​ക്​​നോ​ള​ജി​യു​ടെ ന​വീ​ന പ​ദ്ധ​തി​ക​ൾ എ​ത്തി​ക്കാ​ൻ ധാ​ര​ണ​പ​ത്ര​ത്തി​ലൂ​ടെ ‘ഡു’​വി​ന്​ സാ​ധി​ക്കും. പു​തി​യ സാ​ഹ​ച​ര്യ​ങ്ങ​ളെ​ക്കു​റി​ച്ച് ഗ​വേ​ഷ​ണം ന​ട​ത്തു​ക​യും പ്രാ​ദേ​ശി​ക ആ​വ​ശ്യ​ക​ത​ക​ളെ അ​ടി​സ്ഥാ​ന​മാ​ക്കി മെ​റ്റാ​വേ​ർ​സ്, ഹോ​ളോ​ഗ്രാ​ഫി​ക് മീ​റ്റി​ങ്, എ​ക്സ്.​ആ​ർ പോ​ലു​ള്ള ആ​പ്ലി​ക്കേ​ഷ​നു​ക​ൾ ന​ട​പ്പാ​ക്കു​ക​യും ചെ​യ്യും. ഡി​ജി​റ്റ​ൽ ന​വീ​ക​ര​ണ​ത്തി​ൽ മു​ൻ​നി​ര​യി​ൽ തു​ട​രാ​ൻ സ​ഹാ​യി​ക്കു​ന്ന പു​തി​യ ആ​ശ​യ​ങ്ങ​ൾ ക​ണ്ടെ​ത്തു​ന്ന​തി​ന്​ ലോ​ക​മെ​മ്പാ​ടു​മു​ള്ള വ്യ​വ​സാ​യ പ്ര​മു​ഖ​രു​മാ​യി പ്ര​വ​ർ​ത്തി​ക്കാ​ൻ ക​മ്പ​നി പ്ര​തി​ജ്ഞാ​ബ​ദ്ധ​മാ​ണെ​ന്ന്​ ക​രാ​ർ സം​ബ​ന്ധി​ച്ച്​ ‘ഡു’ ​സി.​ടി.​ഒ സ​ലീം അ​ൽ ബ​ലൂ​ഷി പ​റ​ഞ്ഞു.

യു.​എ.​ഇ​യു​ടെ മെ​റ്റാ​വേ​ഴ്​​സ്​ ന​യ​ത്തി​ന് അ​നു​സൃ​ത​മാ​യി, ‘വാ​വെ’​യു​മാ​യു​ള്ള പ​ങ്കാ​ളി​ത്തം വാ​ണി​ജ്യ​പ​ര​മാ​യ ഉ​പ​യോ​ഗ​ത്തി​ന് 5.5ജി ​സാ​ങ്കേ​തി​ക​വി​ദ്യ ല​ഭ്യ​മാ​ക്കു​ക എ​ന്ന ല​ക്ഷ്യം കൈ​വ​രി​ക്കാ​ൻ ‘ഡു’​വി​നെ പ്രാ​പ്ത​മാ​ക്കും. മെ​ച്ച​പ്പെ​ട്ട ക​ണ​ക്റ്റി​വി​റ്റി​യും വേ​ഗ​മേ​റി​യ നെ​റ്റ്​​വ​ർ​ക്കും വി​പു​ല​മാ​യ ക​വ​റേ​ജും ഇ​തു​വ​ഴി സാ​ധ്യ​മാ​കും -അ​​ൽ ബ​ലൂ​ഷി കൂ​ട്ടി​ച്ചേ​ർ​ത്തു. ക​രാ​ർ നെ​റ്റ്‌​വ​ർ​ക്ക് അ​നു​ഭ​വം മെ​ച്ച​പ്പെ​ടു​ത്താ​നും ഡി​ജി​റ്റ​ൽ ഇ​ന്‍റ​ലി​ജ​ന്‍റാ​യ ലോ​കം കെ​ട്ടി​പ്പ​ടു​ക്കാ​നും സ​ഹാ​യി​ക്കു​മെ​ന്ന്​ ‘വാ​വെ’ പ്ര​സി​ഡ​ന്റ്​ കാ​വോ മി​ങ്​ പ്ര​സ്താ​വി​ച്ചു.

എ​ന്താ​ണ്​ 5.5ജി ​നെ​റ്റ്​​വ​ർ​ക്​ ?

5.5ജി ​നെ​റ്റ്​​വ​ർ​ക്കെ​ന്നും 5ജി ​അ​ഡ്വാ​ൻ​സ്​​ഡ്​ എ​ന്നും വി​ളി​ക്ക​പ്പെ​ടു​ന്ന സാ​​ങ്കേ​തി​ക​വി​ദ്യ 5ജി​ക്കും 6ജി​ക്കും ഇ​ട​യി​ലെ പാ​ല​മാ​ണ്. കൂ​ടു​ത​ൽ മെ​ച്ച​പ്പെ​ട്ട 5ജി ​നെ​റ്റ്​​വ​ർ​ക്​ എ​ന്ന്​ വി​ളി​ക്കാ​മെ​ങ്കി​ലും നി​ര​വ​ധി​യാ​യ പു​തി​യ സ​വി​ശേ​ഷ​ത​ക​ളും ഇ​തി​നു​ണ്ട്. ‘5ജി’​യേ​ക്കാ​ൾ 10 മ​ട​ങ്ങ് വേ​ഗ​വും 10 മ​ട​ങ്ങ് ക​ണ​ക്ഷ​നു​ക​ളും ഇ​തി​ലു​ണ്ടാ​കും.

സാ​​ങ്കേ​തി​ക രം​ഗ​ത്ത്​ ഇ​നി​യും നി​ർ​ണ​യി​ക്ക​പ്പെ​ട്ടി​ട്ടി​ല്ലാ​ത്ത മാ​റ്റ​ങ്ങ​ളാ​ണ്​ 6ജി ​കൊ​ണ്ടു​വ​രു​ക. ഇ​ത്​ വി​ക​സി​പ്പി​ക്കാ​ൻ ആ​രം​ഭി​ച്ചി​ട്ടേ​യു​ള്ളൂ. 2024 ആ​ദ്യ പ​കു​തി​യോ​ടെ 5.5ജി ​യു.​എ.​ഇ​യി​ൽ എ​ത്തി​ക്കാ​നാ​ണ്​ നി​ല​വി​ൽ ആ​ലോ​ചി​ക്കു​ന്ന​ത്.