പൂ​ച്ച​ക​ളെ മ​രു​ഭൂ​മി​യി​ൽ ഉ​പേ​ക്ഷി​ച്ച സം​ഭ​വം വി​വ​രം ന​ൽ​കി​യാ​ൽ 5,000 ഡോ​ള​ർ പാ​രി​തോ​ഷി​കം

അ​ബൂ​ദ​ബി: അ​ബൂ​ദ​ബി​യി​ലെ മ​രൂ​ഭൂ​മി​യി​ൽ പൂ​ച്ച​ക​ളെ​യും നാ​യ്ക്ക​ളെ​യും കൂ​ട്ട​ത്തോ​ടെ ഉ​പേ​ക്ഷി​ച്ച സം​ഭ​വ​ത്തി​ൽ പ്ര​തി​ക​ളെ കു​റി​ച്ച്​ വി​വ​രം കൈ​മാ​റു​ന്ന​വ​ർ​ക്ക്​​ 5,000 ഡോ​ള​ർ (18,350 ദി​ർ​ഹം) പാ​രി​തോ​ഷി​കം. മൃ​ഗ​ങ്ങ​ളു​ടെ അ​വ​കാ​ശ​ങ്ങ​ൾ​ക്കാ​യി അ​ന്താ​രാ​ഷ്ട്ര​ത​ല​ത്തി​ൽ പ്ര​വ​ർ​ത്തി​ക്കു​ന്ന സം​ഘ​ട​ന​യാ​യ ​‘പെ​റ്റ’​യാ​ണ് കു​റ്റ​വാ​ളി​ക​ളെ ക​ണ്ടെ​ത്താ​ൻ സ​ഹാ​യി​ക്കു​ന്ന​വ​ർ​ക്ക്​ പാ​രി​തോ​ഷി​കം പ്ര​ഖ്യാ​പി​ച്ച​ത്.

വെ​ള്ള​വും ഭ​ക്ഷ​ണ​വും കി​ട്ടാ​ത്ത ചു​ട്ടു​പൊ​ള്ളു​ന്ന മ​രു​ഭൂ​മി​യി​ൽ മി​ണ്ടാ​പ്രാ​ണി​ക​ളെ ഉ​പേ​ക്ഷി​ച്ച ന​ട​പ​ടി അ​​ങ്ങേ​യ​റ്റം ഹീ​ന​മാ​ണെ​ന്നും പ്ര​തി​ക​ളെ പി​ടി​കൂ​ടാ​നും ശി​ക്ഷ ഉ​റ​പ്പാ​ക്കാ​നും ഉ​ത​കു​ന്ന വി​വ​ര​ങ്ങ​ൾ പൊ​ലീ​സി​ന്​ കൈ​മാ​റു​ന്ന​വ​ർ​ക്ക്​ 5,000 ഡോ​ള​ർ പാ​രി​തോ​ഷി​കം ന​ൽ​കു​മെ​ന്നും​​ വാ​ർ​ത്ത ഏ​ജ​ൻ​സി​യാ​യ എ.​എ​ഫ്.​ബി​ക്ക്​ ന​ൽ​കി​യ പ്ര​സ്താ​വ​ന​യി​ൽ പെ​റ്റ ഗ്രൂ​പ്പി​ന്‍റെ സീ​നി​യ​ർ വൈ​സ്​ പ്ര​സി​ഡ​ന്‍റ്​ ജാ​സ​ൺ ബേ​ക്ക​ർ പ​റ​ഞ്ഞു.

സം​ഭ​വ​ത്തി​ൽ അ​ബൂ​ദ​ബി സ​ർ​ക്കാ​ർ ക​ഴി​ഞ്ഞ ദി​വ​സം അ​ന്വേ​ഷ​ണം പ്ര​ഖ്യാ​പി​ച്ചി​രു​ന്നു. അ​ബൂ​ദ​ബി​യി​ലെ അ​ൽ​ഫ​ല മേ​ഖ​ല​യി​ലാ​ണ് 150ല​ധി​കം പൂ​ച്ച​ക​ളെ​യും ചി​ല നാ​യ്ക്ക​ളെ​യും ഉ​പേ​ക്ഷി​ച്ച നി​ല​യി​ൽ ക​ണ്ടെ​ത്തി​യ​ത്.

ഭ​ക്ഷ​ണ​വും വെ​ള്ള​വു​മി​ല്ലാ​തെ കൊ​ടും ചൂ​ടി​ൽ ഇ​വ​യി​ൽ 62 എ​ണ്ണം ച​ത്തു. 90 എ​ണ്ണ​ത്തി​നെ മൃ​ഗ​സ്​​നേ​ഹി​ക​ൾ ​ര​ക്ഷ​പ്പെ​ടു​ത്തി. മൃ​ഗ​ങ്ങ​ളു​ടെ ക്ഷേ​മ​ത്തി​നും അ​വ​കാ​ശ​ത്തി​നു​മാ​യി പ്ര​വ​ർ​ത്തി​ക്കു​ന്ന ചി​ല കൂ​ട്ടാ​യ്മ​ക​ൾ ഇ​വ​യു​ടെ വി​ഡി​യോ​യും ചി​ത്ര​ങ്ങ​ളും പു​റ​ത്തു​വി​ട്ട​തോ​ടെ​യാ​ണ് അ​ബൂ​ദ​ബി ന​ഗ​ര​സ​ഭ, ഗ​താ​ഗ​ത വ​കു​പ്പ് എ​ന്നി​വ അ​ന്വേ​ഷ​ണം പ്ര​ഖ്യാ​പി​ച്ച​ത്.