45 വ​ര്‍ഷം നീ​ണ്ട പ്ര​വാ​സം; ബാ​ബു വ​ര്‍ഗീ​സും പ്രി​യ​ത​മ​യും നാ​ട്ടി​ലേ​ക്ക്

ഷാ​ര്‍ജ: നാ​ല​ര​പ്പ​തി​റ്റാ​ണ്ട് നീ​ണ്ട ഗ​ള്‍ഫ് ജീ​വി​തം അ​വ​സാ​നി​പ്പി​ച്ച് ബാ​ബു വ​ര്‍ഗീ​സും 16 വ​ര്‍ഷ​ത്തെ പ്ര​വാ​സം അ​വ​സാ​നി​പ്പി​ച്ച് പ്രി​യ​ത​മ റേ​ച്ച​ല്‍ ബാ​ബു​വും നാ​ട്ടി​ലേ​ക്ക് മ​ട​ങ്ങു​ന്നു. 1979ല്‍ ​യു.​എ.​ഇ​യി​ല​ത്തെി​യ ബാ​ബു വ​ര്‍ഗീ​സ് ആ​ദ്യ വ​ര്‍ഷ​ങ്ങ​ളി​ല്‍ ലേ​പ​വ​ര്‍ ഹൗ​സി​ലാ​യി​രു​ന്നു സേ​വ​ന​മ​നു​ഷ്ഠി​ച്ച​ത്. പി​ന്നീ​ട് 35 വ​ര്‍ഷ​ത്തോ​ളം അ​റേ​ബ്യ​ന്‍ ഇ​ന്‍ഡ​സ്ട്രി​യ​ല്‍ ഗ്യാ​സ് ക​മ്പ​നി​യി​ല്‍ ജോ​ലി തു​ട​ര്‍ന്നു. നി​ല​വി​ല്‍ ഡ്രൈ ​ഐ​സ് മാ​നു​ഫാ​ക്ച്ച​റി​ങ്​ ക​മ്പ​നി​യി​ല്‍ സം​രം​ഭ​ക​നാ​ണ് ആ​ദ്യ കാ​ല ഷാ​ര്‍ജ ഇ​ന്ത്യ​ന്‍ അ​സോ​സി​യേ​ഷ​ന്‍ അം​ഗ​മാ​യ ബാ​ബു വ​ര്‍ഗീ​സ്.

45 വ​ര്‍ഷ​ങ്ങ​ള്‍ക്കു​മു​മ്പ് ദു​ബൈ​യി​ലാ​ണ് താ​ന​ത്തെി​യ​തെ​ന്ന് ബാ​ബു വ​ര്‍ഗീ​സ് ‘ഗ​ള്‍ഫ് മാ​ധ്യ​മ’​ത്തോ​ട് പ​റ​ഞ്ഞു. വ​ള​രെ ചെ​റി​യ ഒ​രു വി​മാ​ന​ത്താ​വ​ള​മാ​യി​രു​ന്നു അ​ന്ന് ദു​ബൈ​യി​ലേ​ത്. ച​തു​പ്പ് നി​ല​വും വെ​ള്ള​ക്കെ​ട്ടു​മാ​യി​രു​ന്നു അ​ന്ന​ത്തെ ദു​ബൈ​യു​ടെ സ്ഥി​തി. അ​ല്‍ മു​ല്ല പ്ലാ​സ ക​ഴി​ഞ്ഞാ​ല്‍ ഷാ​ര്‍ജ​യി​ലേ​ക്കു​ള്ള വ​ഴി​യോ​ര​ങ്ങ​ള്‍ വി​ജ​ന​മാ​യി​രു​ന്നു. അ​ല്‍കാ​ന്‍ എ​ത്തു​മ്പോ​ള്‍ ഉ​ണ്ടാ​യി​രു​ന്ന മ​ദീ​ന സൂ​പ്പ​ര്‍ മാ​ര്‍ക്ക​റ്റാ​യി​രു​ന്നു ഏ​ക കെ​ട്ടി​ടം. ടാ​ക്സി യാ​ത്ര നി​ര​ക്ക് ഒ​രു ദി​ര്‍ഹം മാ​ത്ര​മാ​യി​രു​ന്നു. അ​ന്ന​ത്തെ സ്ഥി​തി​യി​ല്‍ നി​ന്ന് സ്വ​ര്‍ഗ സ​മാ​ന നി​ല​യി​ലേ​ക്കു​ള്ള ദു​ബൈ​യു​ടെ വ​ള​ര്‍ച്ച​ക്ക് ദ്രു​ത വേ​ഗ​മാ​യ​രു​ന്നു. യു.​എ.​ഇ​യി​ലെ ജ​ന​ങ്ങ​ള്‍ക്കും ഭ​ര​ണാ​ധി​കാ​രി​ക​ള്‍ക്കും എ​ത്ര ന​ന്ദി പ​റ​ഞ്ഞാ​ലും അ​ധി​ക​മാ​വി​ല്ല. ഏ​ത് സ​മ​യ​ത്തും സ്ത്രീ​ക​ള്‍ക്കും കു​ട്ടി​ക​ള്‍ക്കും വ​രെ നി​ര്‍ഭ​യ​മാ​യി യാ​ത്ര ചെ​യ്യാ​ന്‍ ക​ഴി​യു​ന്ന സാ​ഹ​ച​ര്യം എ​ങ്ങ​നെ സൃ​ഷ്ടി​ക്ക​ണ​മെ​ന്ന പാ​ഠം ലോ​കം യു.​എ.​ഇ​യി​ല്‍നി​ന്ന് പ​ഠി​ക്ക​ണം. ജീ​വി​ത​ത്തി​ന്‍റെ 75 ശ​ത​മാ​ന​വും ക​ഴി​ഞ്ഞ​ത് യു.​എ.​ഇ​യി​ല്‍ ത​ന്നെ. സം​തൃ​പ്ത​വും സ​ന്തോ​ഷ​ക​ര​വു​മാ​യ ജീ​വി​ത​മാ​ണ് യു.​എ.​ഇ സ​മ്മാ​നി​ച്ച​ത്. സ​ഹ പ്ര​വ​ര്‍ത്ത​ക​രും ഉ​ദ്യോ​ഗ​സ്ഥ​രും സ്ഥാ​പ​ന മേ​ധാ​വി​ക​ളും ന​ല്‍കി​യ സ​ഹ​ക​ര​ണം വ​ലു​താ​ണ്. സാ​മൂ​ഹി​ക രം​ഗ​ത്ത് ഒ​പ്പം പ്ര​വ​ര്‍ത്തി​ച്ച​വ​ര്‍ക്കും പി​ന്തു​ണ​ച്ച​വ​രോ​ടും പ്ര​ത്യേ​കം ന​ന്ദി​യു​ണ്ടെ​ന്നും ബാ​ബു വ​ര്‍ഗീ​സ് തു​ട​ര്‍ന്നു.

16 വ​ര്‍ഷ​ത്തോ​ളം യു.​എ.​ഇ​യി​ല്‍ കു​ടും​ബ​ത്തോ​ടൊ​പ്പം ജീ​വി​ക്കാ​ന്‍ ക​ഴി​ഞ്ഞ​ത് ഭാ​ഗ്യ​മാ​യാ​ണ് കാ​ണു​ന്ന​തെ​ന്ന് റേ​ച്ച​ല്‍ ബാ​ബു പ​റ​ഞ്ഞു. ഷാ​ര്‍ജ ഇ​ന്ത്യ​ന്‍ അ​സോ​സി​യേ​ഷ​ന്‍ വൈ​സ് പ്ര​സി​ഡ​ന്‍റ്, ജോ​യ​ന്‍റ് ട്ര​ഷ​റ​ര്‍, മാ​നേ​ജി​ങ്​ ക​മ്മി​റ്റി​യം​ഗം തു​ട​ങ്ങി​യ നി​ല​ക​ളി​ലും പ്ര​വ​ര്‍ത്തി​ച്ച ബാ​ബു വ​ര്‍ഗീ​സ് ഇ​ന്ദി​രാ​ഗാ​ന്ധി വീ​ക്ഷ​ണം ഫോ​റം, ഇ​ന്ത്യ​ന്‍ ഓ​വ​ര്‍സീ​സ് കോ​ണ്‍ഗ്ര​സ് തു​ട​ങ്ങി​യ​വ​യു​മാ​യി ബ​ന്ധ​പ്പെ​ട്ട് സാം​സ്ക്കാ​രി​ക-​സാ​മൂ​ഹി​ക പ്ര​വ​ര്‍ത്ത​ന​ങ്ങ​ളി​ലും സ​ജീ​വ​മാ​യി​രു​ന്നു.തി​രു​വ​ന​ന്ത​പു​രം കേ​ശ​വ​ദാ​സ​പു​രം ക​രി​ക്ക​ത്തി​ല്‍ വീ​ട്ടി​ല്‍ ഉ​മ്മ​ന്‍ വ​ര്‍ഗീ​സ് - മ​റി​യാ​മ്മ വ​ര്‍ഗീ​സ് ദ​മ്പ​തി​ക​ളു​ടെ മ​ക​നാ​ണ് ബാ​ബു വ​ര്‍ഗീ​സ്. തി​രു​വ​ന​ന്ത​പു​രം കൈ​ത​മു​ക്ക് കു​ര്യ​ന്‍ ജോ​ണ്‍-​മ​റി​യാ​മ്മ ജോ​ണ്‍ ദ​മ്പ​തി​ക​ളു​ടെ മ​ക​ളാ​ണ് റേ​ച്ച​ല്‍ ബാ​ബു. മ​ക്ക​ള്‍: ലി​ബി മേ​രി ബാ​ബു, ലി​ബി​ന്‍ വ​ര്‍ഗീ​സ് ബാ​ബു (ദ​ല്‍ഹി). മ​രു​മ​ക്ക​ള്‍: നി​ന്‍സി, ബി​ന്‍സ്.