ദു​ബൈ​യി​ൽ 41 അം​ഗ ഭി​ക്ഷാ​ട​ക സം​ഘം പി​ടി​യി​ൽ

ദു​ബൈ: ഭി​ക്ഷാ​ട​ക സം​ഘ​ത്തി​ലെ 41പേ​രെ പി​ടി​കൂ​ടി ദു​ബൈ പൊ​ലീ​സ്. ഇ​വ​രി​ൽ​നി​ന്ന്​ 60,000 ദി​ർ​ഹം അ​ധി​കൃ​ത​ർ ക​ണ്ടെ​ടു​ക്കു​ക​യും ചെ​യ്തി​ട്ടു​ണ്ട്. ഹോ​ട്ട​ലി​ൽ വെ​ച്ചാ​ണ്​ സം​ഘ​ത്തെ പൊ​ലീ​സ്​ പി​ടി​കൂ​ടി​യ​ത്. അ​റ​ബ്​ വം​ശ​ജ​രാ​യ പ്ര​തി​ക​ൾ ഹോ​ട്ട​ൽ കേ​ന്ദ്രീ​ക​രി​ച്ച്​ താ​മ​സി​ച്ച്​​ ഭി​ക്ഷാ​ട​നം ന​ട​ത്തി​വ​രു​ക​യാ​യി​രു​ന്നു.

ജ​ന​റ​ൽ ഡി​പ്പാ​ർ​ട്മെ​ന്റ് ഓ​ഫ് ക്രി​മി​ന​ൽ ഇ​ൻ​വെ​സ്റ്റി​ഗേ​ഷ​നി​ലെ സം​ശ​യാ​സ്പ​ദ കാ​ര്യ​ങ്ങ​ളും ക്രി​മി​ന​ൽ പ്ര​തി​ഭാ​സ​ങ്ങ​ളും കൈ​കാ​ര്യം ചെ​യ്യു​ന്ന അ​ൽ മി​സ്ബാ​ഹ്​ എ​ന്നു​പേ​രി​ട്ട സു​ര​ക്ഷാ ഓ​പ​റേ​ഷ​ന്റെ ഭാ​ഗ​മാ​യാ​ണ്​ ഇ​വ​രെ അ​റ​സ്റ്റ് ചെ​യ്ത​ത്. പ്ര​തി​ക​ൾ സ​ന്ദ​ർ​ശ​ന വി​സ​യി​ലാ​ണ് യു.​എ.​ഇ​യി​ൽ പ്ര​വേ​ശി​ച്ച​തെ​ന്ന് പൊ​ലീ​സ് വ്യ​ക്ത​മാ​ക്കി. ജ​പ​മാ​ല​യും അ​നു​ബ​ന്ധ ഉ​പ​ക​ര​ണ​ങ്ങ​ളും വി​ൽ​ക്കു​ന്ന​തി​നി​ട​യി​ൽ യാ​ച​ന ന​ട​ത്തു​ന്ന വ്യ​ക്തി​ക​ളെ ക​ണ്ട​താ​യി 901 കാ​ൾ സെ​ന്റ​ർ വ​ഴി ല​ഭി​ച്ച റി​പ്പോ​ർ​ട്ടി​നെ തു​ട​ർ​ന്നാ​ണ് ഓ​പ​റേ​ഷ​ൻ ആ​രം​ഭി​ച്ച​ത്. ര​ഹ​സ്യ​വി​വ​രം ല​ഭി​ച്ച​തി​നെ​ത്തു​ട​ർ​ന്ന്, പൊ​ലീ​സ് സ്ഥ​ല​ത്ത് നി​രീ​ക്ഷ​ണം ആ​രം​ഭി​ച്ചു. തു​ട​ർ​ന്ന്​ മൂ​ന്ന് അ​റ​ബ് പൗ​ര​ന്മാ​ർ ഈ ​വ​സ്തു​ക്ക​ൾ വി​ൽ​ക്കു​ന്ന​തും പൊ​തു​ജ​ന​ങ്ങ​ളി​ൽ​നി​ന്ന് പ​ണം ആ​വ​ശ്യ​പ്പെ​ടു​ന്ന​തും ക​ണ്ടെ​ത്തി. അ​വ​രെ സം​ഭ​വ​സ്ഥ​ല​ത്തു​വെ​ച്ചു​ത​ന്നെ അ​റ​സ്റ്റ് ചെ​യ്തു. ചോ​ദ്യം ചെ​യ്യ​ലി​ൽ, ഒ​രു വ​ലി​യ സം​ഘ​ടി​ത ഭി​ക്ഷാ​ട​ന സം​ഘ​ത്തി​ന്റെ ഭാ​ഗ​മാ​ണെ​ന്ന് പ്ര​തി​ക​ൾ സ​മ്മ​തി​ക്കു​ക​യാ​യി​രു​ന്നു.

തു​ട​ർ​ന്ന്​ ഹോ​ട്ട​ൽ മാ​നേ​ജ്‌​മെ​ന്റു​മാ​യി സ​ഹ​ക​രി​ച്ച് ന​ട​ത്തി​യ പ​രി​ശോ​ധ​ന​യി​ൽ അ​തേ രാ​ജ്യ​ക്കാ​രാ​യ 28 പേ​രെ കൂ​ടി അ​റ​സ്റ്റ് ചെ​യ്തു. അ​ടു​ത്ത ദി​വ​സം ഹോ​ട്ട​ൽ ഒ​ഴി​ഞ്ഞു​പോ​കാ​ൻ ശ്ര​മി​ച്ച 10 പേ​രെ കൂ​ടി പി​ടി​കൂ​ടു​ക​യാ​യി​രു​ന്നു. തു​ട​ർ​ന്ന്​ ചോ​ദ്യം​ചെ​യ്യ​ലി​ൽ ഭി​ക്ഷാ​ട​ന​ത്തി​നാ​യി ഒ​രു സം​ഘ​ടി​ത ഗ്രൂ​പ്പാ​യി പ്ര​വ​ർ​ത്തി​ച്ച​താ​യി എ​ല്ലാ​വ​രും സ​മ്മ​തി​ച്ചു. ‘യാ​ച​ന​ര​ഹി​ത​മാ​യ ബോ​ധ​മു​ള്ള സ​മൂ​ഹം’ എ​ന്ന മു​ദ്രാ​വാ​ക്യ​ത്തി​ൽ പൊ​ലീ​സ്​ ആ​രം​ഭി​ച്ച കാ​മ്പ​യി​നി​ന്റെ ഭാ​ഗ​മാ​യാ​ണ് ഓ​പ​റേ​ഷ​ൻ ന​ട​ത്തി​യ​ത്.

ലൈ​സ​ൻ​സു​ള്ള അ​സോ​സി​യേ​ഷ​നു​ക​ളി​ലൂ​ടെ​യും ഔ​ദ്യോ​ഗി​ക ചാ​ന​ലു​ക​ളി​ലൂ​ടെ​യും മാ​ത്ര​മേ ജീ​വ​കാ​രു​ണ്യ പ്ര​വ​ർ​ത്ത​ന​ങ്ങ​ൾ​ക്ക് സം​ഭാ​വ​ന ന​ൽ​കാ​വൂ എ​ന്ന് ദു​ബൈ പൊ​ലീ​സ് പൊ​തു​ജ​ന​ങ്ങ​ളെ പ്ര​സ്താ​വ​ന​യി​ൽ ഓ​ർ​മി​പ്പി​ച്ചു. സം​ഭാ​വ​ന​ക​ൾ യ​ഥാ​ർ​ഥ​ത്തി​ൽ ആ​വ​ശ്യ​മു​ള്ള​വ​ർ​ക്ക് എ​ത്തി​ച്ചേ​രു​ന്നു​വെ​ന്ന് ഉ​റ​പ്പാ​ക്കാ​ൻ ഇ​തു​ സ​ഹാ​യി​ക്കും. യാ​ച​ന ശ്ര​ദ്ധ​യി​ൽ​പ്പെ​ട്ടാ​ൽ ടോ​ൾ ഫ്രീ ​ന​മ്പ​റാ​യ 901ൽ ​വി​ളി​ച്ചോ, ദു​ബൈ പൊ​ലീ​സി​ന്റെ സ്മാ​ർ​ട്ട് ആ​പി​ലെ ‘പൊ​ലീ​സ് ഐ’ ​ഫീ​ച്ച​ർ ഉ​പ​യോ​ഗി​ച്ചോ, ഇ-​ക്രൈം പ്ലാ​റ്റ്‌​ഫോം വ​ഴി ഓ​ൺ​ലൈ​ൻ യാ​ച​ന റി​പ്പോ​ർ​ട്ട് ചെ​യ്തോ അ​റി​യി​ക്ക​ണ​മെ​ന്നും പൊ​ലീ​സ് ആ​വ​ശ്യ​പ്പെ​ട്ടു.