40 വർഷ പ്രവാസം: മഹ്ബൂബും റുക്‌സാന ടീച്ചറും മടങ്ങുന്നു

അൽഐൻ: 40 വർഷത്തെ പ്രവാസം അവസാനിപ്പിച്ച് തലശ്ശേരി നൂർ മഹലിൽ മഹ്ബൂബ് നാട്ടിലേക്ക് മടങ്ങുന്നു. 1982 ഫെബ്രുവരി 18നാണ് ബോംബെ വഴി ആദ്യമായി അൽഐനിൽ എത്തുന്നത്. സഹോദര​െൻറ ടൈപ്പിങ് ഓഫിസിൽ ടൈപ്പിസ്​റ്റ് ആയി തുടങ്ങിയതാണ് പ്രവാസം.

ആദ്യ ഒരു വർഷം സഹോദര​െൻറ ഓഫിസിൽ ജോലിചെയ്തു. പിന്നീട് സിറിയക്കാര​െൻറ ഓഫിസിൽ അഞ്ചു വർഷം ടൈപ്പിസ്​റ്റ്. അതിനുശേഷം ഈജിപ്ഷ്യ​െൻറ ഓഫിസിലേക്ക്​ മാറി. പിന്നീട്​ സ്വന്തമായി ഓഫിസ് തുടങ്ങിയെങ്കിലും ഒരു വർഷം കഴിഞ്ഞപ്പോൾ ആ കെട്ടിട്ടം പൊളിച്ചുമാറ്റപ്പെട്ടു. ഇതോടെ വീണ്ടും ആറു വർഷം മലയാളിയുടെ കൂടെ ജോലിചെയ്തു. നിലവിൽ അൽഐൻ സനാഇയയിൽ സ്വന്തം ടൈപ്പിങ് ഓഫിസ് നടത്തുകയായിരുന്നു. 20വർഷമായി ഈ ടൈപ്പിങ് ഓഫിസ് നടത്തുന്നു. നാലു പതിറ്റാണ്ടത്തെ പ്രവാസം മുഴുവനും ടൈപ്പിസ്​റ്റായായിരുന്നു.22 വർഷമായി ഭാര്യ റുക്‌സാനയും മഹ്ബൂബിനൊപ്പം അൽഐനിലുണ്ട്. കല, സംസ്‍കാരിക മേഖലയിലെ സജീവ സാന്നിധ്യമായിരുന്നു റുക്‌സാന ടീച്ചർ. അൽ ഇത്തിഹാദ് പാകിസ്​താനി സ്കൂളിലും ഒയാസിസ്‌ ഇൻറർനാഷനൽ സ്കൂളിലുമായി 15 വർഷം അധ്യാപികയായി ജോലിചെയ്തിട്ടുണ്ട്. ഒയാസിസ് ഇൻറർനാഷനൽ സ്കൂളിൽനിന്ന് സാമൂഹിക ശാസ്ത്ര അധ്യാപികയായിരിക്കെയാണ് നാട്ടിലേക്ക് തിരിക്കുന്നത്. ഒപ്പം 12 വർഷം മദ്​റസ അധ്യാപികയായും സേവനം അനുഷ്ഠിച്ചു. സ്കൂളിലെയും മലയാളി സാംസ്കാരിക കൂട്ടായ്മയിലെയും കുട്ടികൾക്ക് കലാപരിപാടികളിൽ പരിശീലനം നൽകാൻ മുൻപന്തിയിൽ ഉണ്ടായിരുന്നു.

അൽഐനിലെ വനിത കൂട്ടായ്മയിലെ സജീവ പ്രവർത്തകയും സാമൂഹിക സേവന രംഗത്തെ സജീവ സാന്നിധ്യവുമാണ് ഇവർ. നല്ല പാചകക്കാരിയും തയ്യൽക്കാരിയുംകൂടിയാണ്. മക്കൾ: റാഹില, റഷ മഹ്ബൂബ്.