വിമാനഭാഗങ്ങൾ നിർമിക്കാൻ ദുബൈയിൽ ത്രീഡി പ്രിന്‍റിങ്​ ഹബ്

ദു​ബൈ: വി​മാ​ന​ത്തി​ന്‍റെ ക​നം കു​റ​ഞ്ഞ ഭാ​ഗ​ങ്ങ​ൾ അ​തി​വേ​ഗ​ത്തി​ൽ നി​ർ​മി​ക്കാ​ൻ ക​ഴി​യു​ന്ന ത്രീ​ഡി പ്രി​ന്‍റി​ങ്​ ഹ​ബ്​ ദു​ബൈ​യി​ൽ പ്ര​വ​ർ​ത്ത​നം തു​ട​ങ്ങി.

ജ​ബ​ൽ അ​ലി​യി​ലാ​ണ്​ ര​ണ്ട്​ കോ​ടി ദി​ർ​ഹം ചെ​ല​വി​ട്ട്​ ത്രീ​ഡി പ്രി​ന്‍റി​ങ്​ ഹ​ബ്​ സ്ഥാ​പി​ച്ച​ത്. പ്ര​മു​ഖ ക​മ്പ​നി​യാ​യ സ്​​ട്രാ​റ്റ​സി​സി​ൽ​നി​ന്നു​ള്ള ത്രീ​ഡി പ്രി​ന്‍റ​റു​ക​ൾ​ക്ക്​ പ്ര​തി​വ​ർ​ഷം വി​മാ​ന​ത്തി​ന്‍റെ 2,000 ഭാ​ഗ​ങ്ങ​ൾ വ​രെ പ്രി​ന്‍റ്​ ചെ​യ്യാ​ൻ ശേ​ഷി​യു​ണ്ടെ​ന്ന് ക​മ്പ​നി മേ​ധാ​വി ലാ​ങ്​​ഫെ​ൽ​ഡ്​ പ​റ​ഞ്ഞു​​. അ​ടു​ത്ത പ​ത്തു​വ​ർ​ഷ​ത്തി​നു​ള്ളി​ൽ ഇ​ത്​ 20,000 ആ​യി ഉ​യ​ർ​ത്താ​നും പ​ദ്ധ​തി​യു​ണ്ട്. വി​മാ​ന​ത്തി​ലെ സീ​റ്റ്​ ട്രേ​ക​ൾ, ഫൂ​ട്ട്​ സ്റ്റൂ​ൾ​സ്, ആം ​റെ​സ്റ്റ്​ എ​ന്നി​വ​യാ​ണ്​ കൂ​ടു​ത​ലാ​യും ത്രീ​ഡി പ്രി​ന്‍റി​ങ്​ സാ​​ങ്കേ​തി​ക വി​ദ്യ​യി​ലൂ​ടെ നി​ർ​മി​ക്കു​ക. നി​ല​വി​ൽ യൂ​റോ​പ്പി​ൽ നി​ന്നാ​ണ്​ ദു​ബൈ​യി​ലെ ക​മ്പ​നി​ക​ൾ വി​മാ​ന ഭാ​ഗ​ങ്ങ​ൾ ഇ​റ​ക്കു​മ​തി ചെ​യ്യു​ന്ന​ത്. പു​തി​യ ഹ​ബ്​ പ്ര​വ​ർ​ത്ത​നം തു​ട​ങ്ങു​ന്ന​തോ​ടെ ഇ​ത് വ​ലി​യ തോ​തി​ൽ​ കു​റ​ക്കാ​നാ​വു​മെ​ന്നാ​ണ്​ പ്ര​തീ​ക്ഷ. അ​തോ​ടൊ​പ്പം ആ​ഴ്ച​ക​ളും മാ​സ​ങ്ങ​ളു​മെ​ടു​ത്ത്​ പൂ​ർ​ത്തീ​ക​രി​ച്ചി​രു​ന്ന പ്ര​വൃ​ത്തി അ​തി​വേ​ഗ​ത്തി​ൽ ചെ​യ്യാ​നും സാ​ധി​ക്കും.

ഭാ​രം കു​റ​ഞ്ഞ വി​മാ​ന ഘ​ട​ക​ങ്ങ​ൾ നി​ർ​മി​ക്കു​ന്ന​തി​ലൂ​ടെ വ്യോ​മ​യാ​ന​രം​ഗ​ത്തെ കൂ​ടു​ത​ൽ സു​സ്ഥി​ര​മാ​യ വ്യ​വ​സാ​യ​മാ​യി മാ​റ്റു​ക​യാ​ണ്​ ല​ക്ഷ്യം. ച​ര​ക്കു​നീ​ക്ക​ത്തി​ലൂ​ടെ സം​ഭ​വി​ക്കു​ന്ന കാ​ർ​ബ​ൺ വ്യാ​പ​നം​ ത​ട​യാ​നും സു​സ്ഥി​ര​മാ​യ വ്യ​വ​സാ​യ​മാ​യി വ്യോ​മ​യാ​ന രം​ഗ​ത്തെ മാ​റ്റാ​നും ഇ​തു​വ​ഴി സാ​ധി​ക്കും. കൂ​ടു​ത​ൽ സു​സ്ഥി​ര​മാ​യ യാ​ത്ര​ക്ക് ലോ​കം പ​രി​ഹാ​രം തേ​ടു​മ്പോ​ൾ വാ​ണി​ജ്യ എ​യ​ർ​ലൈ​ൻ മേ​ഖ​ല​യി​ൽ​നി​ന്നു​ള്ള കാ​ർ​ബ​ൺ പു​റ​ന്ത​ള്ള​ൽ ആ​ഗോ​ള​ത​ല​ത്തി​ൽ മൂ​ന്നു​ശ​ത​മാ​നം വ​രെ​യാ​ണ്​.

എ​ന്നാ​ൽ, വി​മാ​ന​ങ്ങ​ളി​ൽ ഇ​ല​ക്​​ട്രി​ക്​ എ​ൻ​ജി​നു​ക​ൾ ഉ​പ​യോ​ഗി​ക്കാ​നു​ള്ള പ​രീ​ക്ഷ​ണ​ങ്ങ​ൾ പ്രാ​രം​ഭ ഘ​ട്ട​ത്തി​ലു​മാ​ണ്. ഈ ​സാ​ഹ​ച​ര്യ​ത്തി​ലാ​ണ്​ കൂ​ടു​ത​ൽ സു​സ്ഥി​ര​മാ​യ മാ​ർ​ഗ​ങ്ങ​ൾ എ​ന്ന നി​ല​യി​ൽ വി​മാ​ന ഭാ​ഗ​ങ്ങ​ൾ ദു​ബൈ​യി​ൽ​ത​ന്നെ നി​ർ​മി​ക്കാ​ൻ ക​ഴി​യു​ന്ന ത്രീ​ഡി ഹ​ബു​ക​ൾ സ്ഥാ​പി​ച്ചി​രി​ക്കു​ന്ന​ത്.