36 വ​ര്‍ഷം നീ​ണ്ട ഗ​ള്‍ഫ് ജീ​വി​തം; രാ​മ​ച​ന്ദ്ര​ന്‍ നാ​ട്ടി​ലേ​ക്ക്

ദു​ബൈ: 36 വ​ര്‍ഷ​മാ​യി യു.​എ.​ഇ​യി​ലു​ള്ള വ​ട​ക​ര സ്വ​ദേ​ശി രാ​മ​ച​ന്ദ്ര​ന്‍ ഗ​ള്‍ഫ് പ്ര​വാ​സ​ജീ​വി​തം അ​വ​സാ​നി​പ്പി​ച്ച് നാ​ട്ടി​ലേ​ക്ക് മ​ട​ങ്ങു​ന്നു. സു​ഹൃ​ത്ത് സം​ഘ​ടി​പ്പി​ച്ച് ന​ല്‍കി​യ വി​സ​യി​ല്‍ 1988 ജ​നു​വ​രി​യി​ല്‍ ഷാ​ര്‍ജ​യി​ലാ​ണ് എ​ത്തി​യ​തെ​ന്ന് രാ​മ​ച​ന്ദ്ര​ന്‍ ‘ഗ​ള്‍ഫ് മാ​ധ്യ​മ’​ത്തോ​ട് പ​റ​ഞ്ഞു. ഗ​ള്‍ഫ് ന്യൂ​സ് ക​മ്പ​നി​യി​ലാ​യി​രു​ന്നു ആ​ദ്യ ജോ​ലി.

തു​ട​ര്‍ന്ന് 15 വ​ര്‍ഷ​ങ്ങ​ള്‍ വ്യ​ത്യ​സ്ത സ്ഥാ​പ​ന​ങ്ങ​ളി​ല്‍ ജോ​ലി തു​ട​ര്‍ന്നു. 24 വ​ര്‍ഷ​മാ​യി ദു​ബൈ​യി​ലെ ലെ​യ്സ​സ് സ്മൈ​ല്‍ സ്ഥാ​പ​ന​ത്തി​ല്‍ സെ​യി​ല്‍സ് വി​ഭാ​ഗ​ത്തി​ല്‍ തു​ട​രു​ന്ന സേ​വ​നം മ​തി​യാ​ക്കി​യാ​ണ് നാ​ട്ടി​ലേ​ക്ക് മ​ട​ങ്ങു​ന്ന​ത്. സം​തൃ​പ്തി ന​ല്‍കു​ന്ന ജീ​വി​ത​മാ​ണ് ത​നി​ക്കും കു​ടും​ബ​ത്തി​നും യു.​എ.​ഇ സ​മ്മാ​നി​ച്ച​ത്.

യു.​എ.​ഇ​യു​ടെ അ​തി​ശ​യി​പ്പി​ക്കു​ന്ന വ​ള​ര്‍ച്ച നേ​രി​ല്‍ കാ​ണാ​നാ​യി. വ​ര്‍ഷ​ങ്ങ​ള്‍ക്ക് മു​മ്പ് താ​മ​സി​ച്ചി​രു​ന്ന സോ​നാ​പു​ര്‍ തു​ട​ങ്ങി​യ വി​വി​ധ പ്ര​ദേ​ശ​ങ്ങ​ള്‍ അ​ത്ഭു​ത​പ്പെ​ടു​ത്തു​ന്ന വി​ധ​മാ​ണ് പു​തു​മു​ഖം കൈ​വ​രി​ച്ചി​ട്ടു​ള്ള​ത്. സേ​വ​നം, വ​ട​ക​ര എ​ന്‍.​ആ​ര്‍.​ഐ കൂ​ട്ടാ​യ്മ​ക​ളു​ടെ ഭാ​ഗ​മാ​യി സാ​മൂ​ഹി​ക പ്ര​വ​ര്‍ത്ത​ന​ങ്ങ​ളി​ലും പ​ങ്കെ​ടു​ക്കാ​ന്‍ ക​ഴി​ഞ്ഞ​തും വ​ലി​യ സു​ഹൃ​ദ് വ​ല​യം തീ​ര്‍ക്കാ​ന്‍ ക​ഴി​ഞ്ഞ​തും ദു​ബൈ ജീ​വി​ത​നേ​ട്ട​മാ​ണെ​ന്നും രാ​മ​ച​ന്ദ്ര​ന്‍ പ​റ​യു​ന്നു.

കോ​ഴി​ക്കോ​ട് വ​ട​ക​ര കു​ള​മു​ള്ള​തി​ല്‍ പ​രേ​ത​രാ​യ കു​ഞ്ഞി​രാ​മ​ന്‍ - ക​ല്യാ​ണി ദ​മ്പ​തി​ക​ളു​ടെ മ​ക​നാ​ണ് രാ​മ​ച​ന്ദ്ര​ന്‍. ഭാ​ര്യ: സു​ഭാ​ഷി​ണി. മ​ക്ക​ള്‍: വി​ഷ്ണു (അ​ല്‍ഗു​റൈ​ര്‍ ദു​ബൈ), കൃ​ഷ്ണേ​ന്ത് സോ​നു (നെ​സ്റ്റോ, റാ​ക്). മ​രു​മ​ക​ള്‍: ശ​ര​ണ്യ വി​ഷ്ണു.