ദു​ബൈ​യി​ൽ 350 ഫാ​ൻ​സി ന​മ്പ​ർ പ്ലേ​റ്റു​ക​ൾ ലേ​ല​ത്തി​ന്​

ദു​ബൈ: എ​മി​റേ​റ്റി​ലെ റോ​ഡ്‌ ഗ​താ​ഗ​ത അ​തോ​റി​റ്റി (ആ​ർ.‌​ടി.‌​എ) ഫാ​ൻ​സി ന​മ്പ​ർ പ്ലേ​റ്റു​ക​ളു​ടെ 79ാമ​ത് ഓ​ൺ​ലൈ​ൻ ലേ​ലം സം​ഘ​ടി​പ്പി​ക്കു​ന്നു. സ്വ​കാ​ര്യ വാ​ഹ​ന​ങ്ങ​ൾ, ക്ലാ​സി​ക് വാ​ഹ​ന​ങ്ങ​ൾ, മോ​ട്ടോ​ർ സൈ​ക്കി​ളു​ക​ൾ എ​ന്നി​വ​ക്ക്​ ഉ​പ​യോ​ഗി​ക്കാ​വു​ന്ന മൂ​ന്ന്, നാ​ല്, അ​ഞ്ച് അ​ക്ക കോ​മ്പി​നേ​ഷ​നു​ക​ൾ അ​ട​ങ്ങി​യ 350 ന​മ്പ​ർ പ്ലേ​റ്റു​ക​ളാ​ണ്​ ലേ​ല​ത്തി​ൽ വെ​ക്കു​ന്ന​ത്. ലേ​ല​ത്തി​ൽ ‘എ​ച്ച്​’ മു​ത​ൽ ‘ഇ​സെ​ഡ്​’ വ​രെ​യു​ള്ള കോ​ഡു​ക​ൾ ഉ​ള്ള പ്ലേ​റ്റു​ക​ളാ​ണ്​ ഉ​ൾ​പ്പെ​ടു​ന്ന​ത്.

ലേ​ല​ത്തി​നു​ള്ള ര​ജി​സ്ട്രേ​ഷ​ൻ മേ​യ് 19 തി​ങ്ക​ളാ​ഴ്ച ആ​രം​ഭി​ക്കും. അ​ഞ്ചു ദി​വ​സം മാ​ത്ര​മേ ര​ജി​സ്​​ട്രേ​ഷ​ൻ സ്വീ​ക​രി​ക്കു​ക​യു​ള്ളൂ. മേ​യ് 26 തി​ങ്ക​ളാ​ഴ്ച ലേ​ലം ആ​രം​ഭി​ക്കും. എ​ല്ലാ വി​ൽ​പ്പ​ന​ക​ൾ​ക്കും അ​ഞ്ചു ശ​ത​മാ​നം മൂ​ല്യ​വ​ർ​ധി​ത നി​കു​തി(​വാ​റ്റ്) ബാ​ധ​ക​മാ​ണ്.

ലേ​ല​ത്തി​ൽ പ​​ങ്കെ​ടു​ക്കു​ന്ന​വ​ർ ദു​ബൈ​യി​ൽ സാ​ധു​വാ​യ ട്രാ​ഫി​ക് ഫ​യ​ൽ കൈ​വ​ശം വെ​ച്ചി​രി​ക്ക​ണം. ലേ​ല​ത്തി​ൽ പ​ങ്കെ​ടു​ക്കു​ന്ന​വ​ർ ആ​ർ.‌​ടി.‌​എ​ക്ക്​ 5000 ദി​ർ​ഹ​മി​ന്റെ സെ​ക്യൂ​രി​റ്റി ചെ​ക്കും 120 ദി​ർ​ഹ​മി​ന്റെ റീ​ഫ​ണ്ട് ചെ​യ്യാ​ത്ത പാ​ർ​ടി​സി​പേ​ഷ​ൻ ഫീ​സും സ​മ​ർ​പ്പി​ക്ക​ണം. ഉ​മ്മു റ​മൂ​ൽ, അ​ൽ ബ​ർ​ഷ, ദേ​ര എ​ന്നി​വി​ട​ങ്ങ​ളി​ലെ ക​സ്റ്റ​മ​ർ ഹാ​പ്പി​ന​സ് സെ​ന്റ​റു​ക​ളി​ലോ ആ​ർ.‌​ടി.‌​എ വെ​ബ്‌​സൈ​റ്റ് വ​ഴി ക്രെ​ഡി​റ്റ് കാ​ർ​ഡ് വ​ഴി​യോ പ​ണ​മ​ട​ക്കാം.

ലേ​ല​ത്തി​ൽ വി​ജ​യി​ക്കു​ന്ന​വ​ർ ലേ​ല​ത്തി​ന്റെ അ​വ​സാ​ന തീ​യ​തി മു​ത​ൽ 10 പ്ര​വൃ​ത്തി ദി​വ​സ​ങ്ങ​ൾ​ക്കു​ള്ളി​ൽ പ​ണ​മ​ട​ക്ക​ൽ പൂ​ർ​ത്തി​യാ​ക്ക​ണം. അം​ഗീ​കൃ​ത സ​ർ​വി​സ്​ പ്രൊ​വൈ​​ഡ​ർ കേ​ന്ദ്ര​ങ്ങ​ളി​ൽ 50,000 ദി​ർ​ഹം വ​രെ​യു​ള്ള തു​ക​ക​ൾ പ​ണ​മാ​യും, 50,000 ദി​ർ​ഹ​ത്തി​ൽ കൂ​ടു​ത​ലു​ള്ള തു​ക​ക​ൾ സാ​ക്ഷ്യ​പ്പെ​ടു​ത്തി​യ ചെ​ക്കോ ക്രെ​ഡി​റ്റ് കാ​ർ​ഡോ വ​ഴി​യും പ​ണ​മ​ട​ക്കാം.

ഇ​ട​പാ​ടു​ക​ൾ ക​സ്റ്റ​മ​ർ ഹാ​പ്പി​ന​സ് സെ​ന്റ​റു​ക​ൾ വ​ഴി​യും ആ​ർ.‌​ടി.‌​എ​യു​ടെ വെ​ബ്‌​സൈ​റ്റ് വ​ഴി​യും പൂ​ർ​ത്തി​യാ​ക്കാ​വു​ന്ന​താ​ണ്. ക​ഴി​ഞ്ഞ മാ​സം ന​ട​ന്ന ഫാ​ൻ​സി ന​മ്പ​ർ പ്ലേ​റ്റു​ക​ളു​ടെ ലേ​ല​ത്തി​ൽ സ​ർ​വ​കാ​ല റെ​ക്കോ​ർ​ഡ്​ നേ​ട്ടം ആ​ർ.​ടി.​എ കൈ​വ​രി​ച്ചി​രു​ന്നു.

ആ​കെ 9.88കോ​ടി ദി​ർ​ഹ​മാ​ണ്​ ലേ​ല​ത്തി​ലൂ​ടെ നേ​ടി​യ​ത്. ഇ​ത്​ ആ​ർ.​ടി.​എ​യു​ടെ ന​മ്പ​ർ പ്ലേ​റ്റ്​ ലേ​ല​ങ്ങ​ളു​ടെ ച​രി​ത്ര​ത്തി​ലെ ഏ​റ്റ​വും കൂ​ടി​യ തു​ക​യാ​ണ്. സി.​സി 22 എ​ന്ന ന​മ്പ​ർ പ്ലേ​റ്റി​നാ​ണ്​ ഏ​റ്റ​വും കൂ​ടു​ത​ൽ തു​ക ല​ഭി​ച്ച​ത്. 83.5ല​ക്ഷം ദി​ർ​ഹ​മാ​ണ്​ ഈ ​ന​മ്പ​ർ പ്ലേ​റ്റി​ന്​ ല​ഭി​ച്ച​ത്.