രണ്ട്​ ഇന്ത്യൻ വിദ്യാഭ്യാസ  സ്​ഥാപന സെൻററുകൾ  ദുബൈയിലേക്ക്​

അബൂദബി: രണ്ട്​ ഇന്ത്യൻ വിദ്യാഭ്യാസ സ്​ഥാപനങ്ങളുടെ സ​​െൻററുകൾ ദുബൈയിൽ സ്​ഥാപിക്കുന്നു. ഇന്ത്യൻ ഇൻസ്​റ്റിറ്റ്യൂട്ട്​ ഒാഫ്​ മാനേജ്​മ​​െൻറ്​ അഹ്​മദാബാദ്​ (​െഎ.​െഎ.എം.എ), മണിപ്പാൽ ​ഗ്ലോബൽ എജുക്കേഷൻ സർവീസസ്​ പ്രൈവറ്റ്​ ലിമിറ്റഡ്​ എന്നിവയുടെ അനുബന്ധ സ്​ഥാപനങ്ങളാണ്​ ബി.ആർ.എസ്​ വെ​ഞ്ചേഴ്​സി​​​െൻറ നേതൃത്വത്തിൽ ദുബൈയിൽ സ്​ഥാപിക്കുക. ഇതുമായി ബന്ധപ്പെട്ട കരാറുകളിൽ ശനിയാഴ്​ച രാവിലെ 10.30ന്​ ഇന്ത്യൻ എംബസി ഒാഡിറ്റോറിയത്തിൽ  ഒപ്പുവെക്കും. 
​െഎ.​െഎ.എം.എയുടെ ഇന്ത്യക്ക്​ പുറത്തുള്ള ആദ്യ സ​​െൻററായിരിക്കും ദുബൈയിലേത്​. ബി.ആർ.എസ്​ വെ​ഞ്ചേഴ്​സ്​ ചെയർമാൻ ബി.ആർ. ഷെട്ടി, ​െഎ.​െഎ.എം.എ ഡയറക്​ടർ പ്രഫ. എറോൽ ഡിസൂസ എന്നിവരാണ്​ കരാറിൽ ഒപ്പുവെക്കുക.
ദുബൈ മണിപ്പാൽ മെഡിക്കൽ കോളജ്​ (ഡി.എം.സി.സി) സ്​ഥാപിക്കാനാണ്​ മണിപ്പാൽ ​ഗ്ലോബൽ എജുക്കേഷൻ സർവീസസ്​ പ്രൈവറ്റ്​ ലിമിറ്റഡുമായി ബി.ആർ.എസ്​ വെഞ്ചേഴ്​സ്​ കൈകോർക്കുന്നത്​. 
ബി.ആർ. ഷെട്ടിയും മണിപ്പാൽ ​ഗ്ലോബൽ എജുക്കേഷൻ സർവീസസ്​ പ്രൈവറ്റ്​ ലിമിറ്റഡ്​ ഡയറക്​ടർ ഡോ. രഞ്​ജൻ പൈയും കരാറിൽ ഒപ്പുവെക്കും.
ഇതിന്​ പുറമെ, ഇന്ത്യൻ ആസ്​ഥാനമായ കോർപ്​ ഡാറ്റ ടെക്​നോളജി പ്രൈവറ്റ്​ ലിമിറ്റഡും (സി.ഡി.ടി) ദുബൈ മൾട്ടി കമോഡിറ്റീസ്​ സ​​െൻററും (ഡി.എം.സി.സി) സംയുക്​ത ഒാൺലൈൻ കാർഷിക വിപണന സംരംഭത്തിനുള്ള കരാറിലേർപ്പെടും. സി.ഡി.ടി എം.ഡി സച്ചിൻ സൂരിയും ഡി.എം.സി.സി സി.ഇ.ഒ ഗൗതം ശശിത്തലുമാണ്​ കരാറിൽ ഒപ്പിടുക.