യു.എ.ഇ. സ്വകാര്യമേഖലയില്‍ സ്വദേശിവൽക്കരണം ശക്തമാക്കുന്നു

ദു​ബൈ: യു.എ.ഇയില്‍ സ്വകാര്യമേഖലയില്‍ സ്വദേശി സ്വദേശിവൽക്കരണം ശക്​തമാക്കുന്നു. ഇതി​​െൻറ ഭാഗമായി ഈ വര്‍ഷം പതിനയ്യായിരം തൊഴിലവസരങ്ങള്‍ സൃഷ്​ടിക്കുമെന്ന് മാനവവിഭവ ശേഷി മന്ത്രാലയം. കൂടുതല്‍ സ്വദേശികള്‍ക്ക് അവസരം നല്‍കാന്‍ മുഴുവന്‍ സ്ഥാപനങ്ങളും സഹകരിക്കണമെന്നും മന്ത്രാലയം ആവശ്യപ്പെട്ടു. 
സ്വകാര്യമേഖലയില്‍ കൂടുതല്‍ സ്വദേശികള്‍ക്ക് തൊഴിൽ നൽകുക എന്നത് യു.എ.ഇയുടെ ദേശീയ നയമാണ്. 
2021 ഓടെ തൊഴിലെടുക്കുന്ന സ്വദേശികളുടെ അമ്പത്​ ശതമാനമെങ്കിലും സ്വകാര്യമേഖലയിലായിരിക്കുകയാണ്​ തവ്തീന്‍ എന്ന് പേരിട്ട്​ നടപ്പാക്കുന്ന അജണ്ടയിലൂടെ ലക്ഷ്യമിടുന്നത്. കമ്പനികള്‍, സര്‍ക്കാറുകള്‍, വിദ്യാഭ്യാസരംഗം, സ്വദേശികള്‍ എന്നിവ ഒന്നിച്ച് സഹകരിച്ചാലേ ഈ ലക്ഷ്യത്തിലെത്താനാവൂ എന്ന് തൊഴില്‍ മന്ത്രി നാസര്‍ ബിന്‍ താനി അല്‍ ഹംലി പറഞ്ഞു. പ്രത്യേക മാനദണ്ഡങ്ങളുടെ അടിസ്ഥാനത്തില്‍ ചില തസ്തികകള്‍ സ്വദേശികൾക്കായി നീക്കി വെക്കുന്നതിന് പുറമെ, സ്വകാര്യമേഖലയില്‍ തൊഴില്‍ സ്വീകരിക്കുന്നതിന് സ്വദേശികളെ പ്രേരിപ്പിക്കുന്ന നടപടികളും സര്‍ക്കാര്‍ കൈകൊള്ളുമെന്ന് മന്ത്രി പറഞ്ഞു.