20,179 ദിർഹം ‘ദീവ’ ബിൽ; വിശദീകരിച്ച്​ അധികൃതർ

ദു​ബൈ: 20,179 ദി​ർ​ഹം ‘ദീ​വ’ ബി​ൽ ല​ഭി​ച്ച ഉ​പ​ഭോ​ക്​​താ​വി​ന്​ ര​ണ്ട്​ ത​വ​ണ മു​ന്ന​റി​യി​പ്പ്​ ന​ൽ​കി​യി​രു​ന്നു​വെ​ന്ന്​ അ​ധി​കൃ​ത​ർ. ഡേ​വി​ഡ്​ റി​ച്ചാ​ർ​ഡ്​ സ്​​പോ​ർ​സ്​ എ​ന്ന ദ​മാ​ക്​ ഹി​ൽ​സ് ​-2വി​ലെ താ​മ​സ​ക്കാ​ര​നാ​ണ്​ ഞെ​ട്ടി​പ്പി​ക്കു​ന്ന ബി​ൽ ല​ഭി​ച്ച​ത്. വൈ​ദ്യു​തി​ക്ക് 1,383.17 ദി​ർ​ഹം, ദു​ബൈ മു​നി​സി​പ്പാ​ലി​റ്റി ഫീ​സ്​ 1,804.42 ദി​ർ​ഹം, ജ​ല ഉ​പ​യോ​ഗ​ത്തി​ന് 16,992.38 ദി​ർ​ഹം എ​ന്നി​ങ്ങ​നെ​യാ​ണ്​ ചാ​ർ​ജ്​ ഈ​ടാ​ക്കി​യി​രു​ന്ന​ത്. എ​ന്നാ​ൽ, അ​സാ​ധാ​ര​ണ ഉ​പ​ഭോ​ഗം ശ്ര​ദ്ധ​യി​ൽ​പെ​ട്ട ഉ​ട​ൻ ഇ​യാ​ൾ​ക്ക്​ മു​ന്ന​റി​യി​പ്പ്​ ന​ൽ​കി​യി​രു​ന്നു​വെ​ന്ന്​ ‘ദീ​വ’ വ്യ​ക്ത​മാ​ക്കി.

മു​ന്ന​റി​യി​പ്പ്​ ല​ഭി​ക്കു​മ്പോ​ൾ അ​വ​ധി​ക്കാ​ല​മാ​യ​തി​നാ​ൽ ഇ​യാ​ൾ രാ​ജ്യ​ത്തി​ന്​ പു​റ​ത്താ​യി​രു​ന്നു. ആ​ഗ​സ്റ്റ് 11ന് ​യു.​കെ​യി​ൽ​നി​ന്ന് മ​ട​ങ്ങി​യെ​ത്തി​യ​പ്പോ​ഴാ​ണ് ജ​ല​ചോ​ർ​ച്ച വീ​ട്ടു​ട​മ​യു​ടെ ശ്ര​ദ്ധ​യി​ൽ​പെ​ട്ട​ത്. ടാ​ങ്കി​ലെ ഫ്ലോ​ട്ട് വാ​ൽ​വി​ന്റെ ത​ക​രാ​റാ​ണി​തി​ന് കാ​ര​ണ​മാ​യ​ത്. വെ​ള്ള​ത്തി​ന്‍റെ ചോ​ർ​ച്ച 30 ദി​വ​സം തു​ട​ർ​ച്ച​യാ​യി ഉ​ണ്ടാ​യി​രു​ന്നു.

ബി​ല്ലി​ൽ ആ​കെ 319,200 ഗാ​ല​ൻ വെ​ള്ളം ഉ​പ​യോ​ഗി​ച്ച​താ​യാ​ണ്​ കാ​ണി​ച്ച​ത്. ഇ​ത്​ ഒ​രു ഒ​ളി​മ്പി​ക്സ്​ നീ​ന്ത​ൽ​ക്കു​ള​ത്തി​ന്റെ പ​കു​തി​യോ​ളം വ​ലു​പ്പം വ​രു​മെ​ന്നാ​ണ്​ ക​ണ​ക്കാ​ക്കു​ന്ന​ത്. കൃ​ത്യ​മാ​യി ന​ൽ​കി​യ മു​ന്ന​റി​യി​പ്പു​ക​ൾ ശ്ര​ദ്ധി​ക്കാ​തി​രു​ന്ന​താ​ണ്​ ബി​ൽ തു​ക വ​ർ​ധി​ക്കാ​ൻ കാ​ര​ണ​മാ​യ​ത്. അ​സാ​ധാ​ര​ണ ഉ​പ​യോ​ഗം ശ്ര​ദ്ധ​യി​ൽ​പെ​ട്ടാ​ൽ വൈ​കാ​തെ മു​ന്ന​റി​യി​പ്പ്​ ന​ൽ​കു​ന്ന സം​വി​ധാ​ന​മാ​ണ്​ ‘ദീ​വ’​ക്കു​ള്ള​ത്. ഇ​ത്​ അ​വ​ഗ​ണി​ക്ക​രു​തെ​ന്നും ജ​ല ഉ​പ​യോ​ഗം ശ്ര​ദ്ധി​ച്ച് വേ​ണ​മെ​ന്നും നേ​ര​ത്തേ പ​ല​ത​വ​ണ അ​ധി​കൃ​ത​ർ ഓ​ർ​മ​പ്പെ​ടു​ത്തി​യി​രു​ന്നു.